بسم الله الرحمن الرحيم

فحص ماقبل الزواج والقلق المصاحب لذلك...!

خلوها البساط احمدي وبلاها فصحى وعفطه لسان
فحص الدم والقلق ...
من سنوات وانا اخاف من شي اسمه تحليل مادري طبيعه ولا لا ..؟؟
اذكر قبل كم سنه كنا في المدرسه والمعلم حط مسابقه للمشاركه بالبيع بمقصف المدرسه وانا كنت من ضمن الفائزين بالمسابقه <<< انبسط وفلها ولكن يافرحه ماتمت ):
قالوا لنا لازم تتوجهون للوحده الصحيه وتسوون فحص دم ..!
انا عطيتهم الورقه وقلت سلاااااااااااام عليكم ^_^ بلا مقصف بلاهم وكل هذا خوف من انتظار النتيجه !! مادري وش السالفه لان بطبيعتي اخاف من التحاليل وخاصه الدم لانه مقلق ...
هذي نقطه الي هي سالفه الخوف من التحليل ككل(:
النقطه الثانيه هي عدم التوافق الي شايل همها وهي المقلقه بشكل ماتتصورون انا ضبطت وضعي ولله الحمد تمام وتمت الموافقه من جميع الأطراف ولكن بقي هالتحليل هالي مادري من وين طلع لنا !! وخوفي كل الخوف من نتيجه عدم التوافق .. سؤالي هنا ...
هل نتائج عدم التوافق نسبيه وقليله جدا مقارنه بنتائج التوافق هل بالميه 1% او اقل او اكثر لاني بصراحه خايف يردون علينا يقولون مافيه توافق وهذا الي مخوفني
قبل تقريبا 4 ايام تم التحليل ولكن النتيجه لن تظهر الا بعد 7 ايام من الان ......

اتمنى افادتي وشكرا

تحيتي

..............

السلام عليكم ..

مستوى القلق لديك مرتفع ليس الا .. كنت مثلك ولكني تعلمت طريقة التعامل مع الحالة باشغال نفسي بأمور اخرى أو القيام بأي عمل ..

وانصحك بعد الفحص بعدم القراءة حتى عن الموضوع لأنه سيزيد من قلقك وتوترك .. ولكن اشغل نفسك بالرياضة أو بهواية ..او بزيارة قريب أو صديق ..أو التجهيز للزواج أو البحث عن شقة ..

اجعل من تفكيرك ايجابيا وسترتاح ..

والحمدلله لا اظن النسبة عالية ..فنادرا ما نسمع بعدم التوافق .. حيث انهم ينظرون فقط الى الأمراض الوراثية ..

وان شاء الله ما فيكم الا العافية ..

والخيرة فيما يختاره الله لكما ..

دمت في حفظ الرحمن ,,,

شكرا رسيل

ومازلت منتظر تعقيبات الاعضاء

__________________

يا حي يا قيوم برحمتك أستغيث أصلح لي شأني كله ولا تكلني إلى نفسي طرفة عين

.........................

ماتخاف او تقلق ترا عدم التوافق نادر يصير ان شالله

مبرووووووووووووووووك مقدما

عزوبي بس رجل

الف شكر لك بصراحه والله ماقدر ارد لك هالجميل بصراحه موقع مميزه انا حملت المذكره ولابعد قرأتها لكن اتمنى منك تفهمني بعض الامور في الموقع لانه ان شاء الله وبعد الله راح احصل حل لمشكلتي بالموقع نفسه
بالنسبه للمقطع الي قلت لي عنه هل هو الموجود في الصفحه الرئيسيه او لا؟؟؟

اختي ترفه شكرا لك وماقصرتي والله يبارك فيك يارب
اشكرك من قلبي

تحياتي لكم

طبيعي قلقك بس انتبه يتجاوز المعقول

اخوي رجال وش كبره إذا شاف الدم تعال شف وجهه

ومايحب الابره ويشيل همها والحمد لله ماشيه اموره

هذا من ناحية القلق تجاه الدم والحمد لله إنك رجل وييين وييين تسوي تحليل دم

بالنسبة لقلقك والإنتظار ابــداً توكل على الله ومايصير إلا كل خير

إذا زوجتك ماتقرب لك بيكون التوافق اضمن إن شاء الله

وحتى لو تقرب لك إذا إنك مافيك شي وتعرف من قبل عن عينة دمك والتحليلات الموجوده بالورقة إنها تمام

إن شاء الله فيه توافق ، ادع ربك يكتب لك اللي فيه خير لكم

وبشرنــــــا لاتنسى

الله يوفقكم ..

__________________

يا حي يا قيوم برحمتك أستغيث أصلح لي شأني كله ولا تكلني إلى نفسي طرفة عين

الف شكر للجميع لكن مازلت وطمعان بكرم الاعضاء ابغى طبطبه على الكتوف (: وتطمين للنفس لاني بصراحه خايف من النتائج

تحياتي

الفحص اللي اعرفه يكون لامراض وراثيه نادره جدا وباذن الله تكون النتايج تمام