بسم الله الرحمن الرحيم
مادري كيف ابدا مشكلتي هي انة توني ملكه مالى شهرين والمشكله صارت بين زوجي واخوي
احب اوضح لكم في بدايه الامر ان اخوي وزوجي يشتغلون بنفس الشركه ولكن اخوي رئيس الشركه او مدير فرعي فيها وزوجي توة موظف مبتدئ فيها المشكله ان اخوي دائما كل اسبوعين يسافر بشكل مستمر
المهم ان بالامس صار موضوع ان اخوي كلمنا وكان صوته مبين انه مره تعبان ومره مرهق كانه صار فيه شي او حدث له شي مو طبيعي اثناء سفره بالخارج المهم محنا عارفين ايش الى صار
رحت انا بما انه زوجي يشتغل مع اخوي بنفس الشركه ومن زود خوفنا على اخوي رحت قلت لزوجي ابغى اطلب منك طلب ابغاك تسال عنه احد تعرفه او تسال احد من اصحابكم من الى يسافرون معاه وابغاك تتطمنا عليه بااي طريقه لاننا مره خايفين بس بشرط يكون هذا الى تساله يكون ثقه وصديقك مره ومايقول لاخوي اننا نسال عنه او خفنا عليه زوجي ماصدق خبر وراح سال عنه واحد على قوله ثقه ومن اصحابه
ومن كلام زوجي بعد ماساله جاء زوجي وقالي شوفي اخوكي مافيه شي وسالت صديقي وقال بس مجرد ارهاق وعادي جدا وانا متاكد مراح يسال اخوكي ولا راح يعرف خبر اخوكي واطمني خالص
شوي بعد بكم ساعه يتصل علي اخوي ويصارخ ويقول صرت مصخره واتصل على هذا الرجال ويقولي زوج اختك اتصل فيني ويقول امك واهلك مسوين مناحه ويصارخون عليك وخايفين عليك وش الى صار خير إن شاء الله
انا صرت بنص ثيابي الحين زوجي قالي كلام غير قالي انه هو يعرفه بشركه وانه ماقاله شي ولا اهله خايفين عليه وقالي ماجبت سيرتكم ولاحاجه بس قال من بعيد لبعيد اطمنت على اخوكي ماقالي ان قال لصديقه اتصل في اخوي واعرف اخباره منه قالي انه عادي معاه بشركه ويعر فاخباره من بعيد لبعيد بما انه بنفس المدينه وممكن وهذا شكي ان زوجي عشان يعرف الخبر زود حبتين الكلام وقاله اهله خايفين عليه
وطمنا عليه راح هذاك المفتون كلم اخوي وقاله زوج اختك كلمني ويقول اهله مسوين عليك مناحه ويبكون طيب ياجماعه الخير هل من حق هذا الى ساله زوجي يروح ويكلم اخوي ويقوله زوج اختك كلمني ويقول ويقول فنفرض ان زوجي قال كذا وهل من حق اخوي يكلم زوجي ويسفل فية ويبهذله وتكبر السالفه
قاله انت يالبزر اخر عمري ومنصبي بشركه تجي تخليني صغير عند اصحابي وتقوله اهله مسوين عليه مناحه طفل انا عندك
ياااااااااااااااربي وربي انني بنفجر وكل الموضوع طاح فوق راسي كلمت زوجي ابغى اعرف منه السبب قالي خير نعم وش تبغين بطريقه تقهر كانه يقولي خير تعمل شرا تلقى اتصل ابغى اطمنكم على اخوكم اتهزء بشكل هذا طيب ماتعتقدون ان هوا الغلطان لية يزود بالكلام ولية يفتري ويتبلى ويوقله اهلم مسوين علية مناحه ويصغر اخوي دلوني كيف اتصرف وربي وربي اننى بنفجر
ولاتنسون الوضع الحساس بين اخوي وزجي بشركه الكل مقهور ان زوجي اخذ اخت رئيس الشركه يعني يبغون يخربون على زوجي بكل طريقه من انت علشان تاخذ اختك الرئيس يجي كلام فتن كثير على زوجي وكم مرة يمصخرون زوجي ويستهبلون عليه وعشان اكون كمان ما اظلم اخوي ولا زوجي
ان زوجي من النوع الى يزود بالكلام حبتين يعني يبالغ مسكين عشان ينسمع كلامه ويلفت النظر يحب يبالغ على نياته مره مره اقصى حد ممكن
يناس كيف اتصرف من الغلطان ومن الصادق هنا وين الصح كيف اتصرف
تم دمج المشاركتين
المشرف / شاطئ المحبة
التعديل الأخير تم بواسطة شاطئ المحبة ; 13-06-2008 الساعة 08:57 PM
13-06-2008, 12:31 AM
ضوابط المشاركة
العرض الشجري