بنات والله مافيه غيركم بعد الله اسولف عليه واشتكي له
انا بالعربيييييي ملييييت ابنفجر محد تحمل اللي انا متحملته خلاص انا مشكلتي زوجي وعلاقته مع اهله بنات انا خالتي شخصيتها قوييييه مرررره وعصبيه بمعنى الكلمه ولا احد يقدر يقول لها لا والله اني اخاف منها من تزوجت وانا وهي توم وجيري هي متعلقه في ولدها وهو اكثر واحد تحبه ماتتخيلون ماتقدر على فرقاه حتى يوم تزوج تعبت ودخلت المستشفى.....ماعلينا مب هذا الموضوع الموضوع وما فيه اني مااقدر اتحملها خلاص حاولت اكثر من مره اني اتحاشاها واسوي اللي يرضيها بس ولو دايم تسبب لي مشاكل مع زوجي وازعل واروح لاهلي زوجي مايقدر يزعلها وهذا حقة وانا ماارضى انه يزعل امه بس زوجي شخصيته ممسوحه عندها تحركه وين ماتبي وانا ماارضاها ابي اعيش مستقله في حياتي بدون تدخلات مب كل شي يقوله لها كل شي ماتتخيلون حتى بنتي تقول ميدي ماما لاتقولين لبابا اي شي واذا قلت ليش قالت لانه يعلم جدتي بكل شي هاه وش رايكم بنت عمرها 5 سنوات تقول هذا الكلام احس اني ابي اروح بيت اهلي مااقدر اتحمل زوجي وشخصيته المهزوزه قدامهم بس هو معي اسد احس انه يطلع حرته فيني مايقدر على اهله فيحط كل غلة فيني تخيلو اهله مايروحون ولا يجون دائما في البيت قاطعين في الناس حتى خالتي قاطعه في اخواتها واهلها ودي اذا رحت لهم القا احد دايم البنات فوق وهي بس لحالها واذا جلست مافيه سواليف بصرااااحه طفش حتى اني اقول ميد زوجي ماله داعي اخصص يوم الاربعاء لهم اروح لهم اي يوم لان هيهي السبت زي الاربعاء مافيه بنات متزوجات او حريم اخوان لا بس لحالي وزوجي يقول لا الاربعاء لاهلي لو تطيرين مااغيره بنات اليوم عمي عازمنا على العشاء عزيمه كبيره وقلت ميدة ابروح قال لا روحي لامي انت بكره بتروحين لاهلك احمدي ربك خليتك تفرطين بالاربعاء اليوم روحي لامي قلت امك ماعندها احد اخلي روحتي لها الجمعه او اي يوم اليوم انا معزومه ومااقدر اروح لها المهم عيا علي وكلمه مني وكلمه منه الين كبرت وانا طلعت كل اللي في خاطري وهو ماقصر بعد والحين انا متزاعلين انا ابي احد يفهمني وش فيها لو رحت اليوم وبكره لاهلي انا معزومه مارحت العب وامه اي يوم ماتفرق بعدين اللي قاهرني ان امه ماتعتبرني شي ولا تواطني ودايم تسوي اشياء تنرفزني والله لو اقول لكم ماتتصورون وانا صابره وساكته علشان زوجي وبيتي بس الحين احس ابي اروح بيت اهلي ابي اعيش بحريتي محد له سلطه علي يكفي اني مااشوف اهلي الامره في السبوع ومع هذا صابره الله يصبرني على مابلاني اللهم اجعلني من الصابرين الشاكرين انا طولت عليكم بس وش اسوي ابي اافش خلقي:angry2: