بسم الله الرحمن الرحيم

اخواني واخواتي ماكتبت لكم الا لاني احتاج النصح والارشاد

انا متزوجة من ولد خالتي وقربنا نكمل 4 سنوات من زواجنا

زوجي ملتزم ويمشي على السنة من دقن وتقصير للثياب

طبعه هادي الى درجة البرود مايحب يتكلم على احد ولا يحب ان يسمعني انا اتكلم عن احد او استهزء باحد من حال في شانه مايغلط على احد مايتكلم الا اذا احد كلمه وكثيرين يستغلون طيبته

احبه واحزن عليه لان امه اللي هي خالتي متوفية وابوه متزوج ومايسألأ عنه ولا يتصل الا اذا يبغى فلوس وهذا شي مررررررررررررة ينرفزني

انا طالبة في الكليه وهذا اخر ترم لي وان شاء الله اتخرج

المهم انا لما وافقت على زوجي على اساس انه محافظ على صلاته بعكس اخواني الله يهديهم وهذا الشي عاجب اهلي

بعد الملكة لما سألته قلي انه عنده تلفزيون ورسيفر استغربت وعادي لما اتزوجنا انا بصراحة فرحت لانه مو معقد زي ما اتوقعت

والحين قبل كم شهر طلب زوجي انه يركب DSL لكن انا رفضت لاسباب انه ماينشغل هو عني وييساعدني في بنتي الوحيدة وانا كمان لا انشغل بالانترنت

وطلبت منه ان يأجل الفكرة الى ان اتخرج

ولكن ماسمع وركبه وليته لم يركبه ** يامن شراله من حلاله علّه ** والله انه صار قاهرني كثييييييييييييييييييييييييييييييييييير

صار مايصلي جماعة في المسجد وياليته يصلي في البيت في وقت الصلاة لا ...صار يأخر الصلوات ويجمعها

وياكل ويشرب ويوسخ المكان اللي حواليه ولا يرمي في الزبالة وانت بكرامة مع اني احط له كيس عشان يرمي فيه

والله النمل بدأ يطلع في بيتنا بالذات الصاله ما ادري هو من الوسخ والقرف اللي زوجي يرميه ولابسبب عيون الناس اللي حاسدينه عليه

تعبني كل مانظف مايبان في البيت

ولا صار ينتبه لبنتا والاقيها مخربة اشياء كثير

ولا يهتم في نظافته ولا شكله وملابسه ولا صار يساعدني زي زمان

وصار ثقيل دم وكسسسسسسسسسسسسسول

ويوم اتخاصم معاه يضحك ويقهرني بزيادة

انا مرة عصبية والله احس الشيب بيطلع قبل وقته

تخيلو ننام وهو يخلي النت شغال يحمّل افلام وبرامج زي مايقول والايام هذي الجو عندنا مطر وبرق ورعد واصحى مفجوعة من نومي على اي صوت احسب صاعقة جت علينا وانا حذرته من ترك النت شغال اقوله اخاف ربي يخسف بنا
انا حذرته انه لو نام والنت شغال رح افصله واللي يصير يصير يقلي ببرود واستهزاء اول قفلي الكمبيوتر وبعدين افصليه

اخاصمه دايما انه اش فايدة الالتزام وانت قاعد على النت وتاخر الصلاة واقله هذا نفاق مظهرك غير عن مخبرك
والله اني طفششششششششششششششت مرة


اقله على الاقل ادخل شي مفيد واقله على هذا المنتدى ولكن لاحياة لمن تنادى مايحاول التجديد ولا التغيير

ولا رومانسية ولا حركات حلوة احس كأنه صار لنا 50 سنه متزوجين وانا ودي نستمتع بحياتنا اكثر قبل عددنا يزيد وتكبر مسؤولياتنا

انا مجالي فيه اختلاط واحاول دايم التقرب من الله لاني اشوف اصناف واشكال والوان من الرجال
ونفسي لو زوجي يملأعيني والله اني اغض نظري واتعوذ من ابليس واتذكر الثقة اللي معطيني اياه
بس لازم هو يتغير عشان اشوفه بعيني وما انظر لغيره والله اني اتجنب قدر المستطاع ولكن اخاف مع مرور الزمن الشيطان يدفعني لشئ انا مابغاه

هذا زوجي والله انه متغاضي عن اشياء من حقوقه علي لاني اداوم للكلية وارجع تعبااااانه ومرهقه غير الاختبارات اللي هلكتني ارجع اغير لبنتي ونتغدى وننام وهو يصحى قبلي ويبدا قعدة على النت الي وقت متاخر من الليل ويتركه مفتوح للتحميل

ويقلي ليش ما تصحين ارد عليه واذا صحيت بتقابلني يعني.. يعني انت ع النت طوال الوقت وتصلي وتنام

قبل ع التلفزيون والحين ع النت

على فكرة زوجي الحمدلله مايشوف افلام جنسية ولا يسمع اغاني

انا ابغاه يرجع زي زمان او على الاقل يقعد وقت معين ع النت والباقي لنا ولا ابغى شي ينكد علينا
ساعدوني وااله اني مرة طفشت وصرت عصبية على طووووووووووووووووووول
تعبت معاه مره

__________________
اللهم اهديني وعافني واعفو عني واحفظ لي بنتي وولدي ووفقني في دراستي وحقق لي مااتمناه

يسعدني أكون أول من يرد عليك


اختي اصبري على زوجك ..........ترى أغلب الأزواج أول ما يحطون النت في البيت تلاقينهم


كنهم ما شايفين خير اسمحي لي مقابلينه 24 ساعة


اصبري عليه فترة وبعدين بيمل وبتتعب عيونه .........وبيعوره ظهرة ........اسم الله عليه


بس صدق من طول القعدة عالنت ...............


لكن انتي بعد لا تهملينه وتتركينه فريسة سهلة للنت حاولي تجذبينه بعيد عن الكمبيوتر


مثلا اعزميه على عشا في البيت ولا برى .........


سوي له حفلة .............


تعدلي والبسي مغري ................وابعديه عن النت


اخذيه من قدام الكمبيوتر


عطيه الثقة بنفسه انه يقدر يترك النت في الوقت اللي يبيه


ترى النت ادمان مثل أي ادمان


ومدمنه يحتاج مساعدة الأخرين ولو كان يظهر بغضه لهالشيء


ان شاء الله أكون أفدتك ولو بشيء بسيط


موفقة يالغلا .

الله يحييك واسعدني مرورك

انا خلااااااااص طفشت منه طفح الكيل

__________________
اللهم اهديني وعافني واعفو عني واحفظ لي بنتي وولدي ووفقني في دراستي وحقق لي مااتمناه

شوفي انا اتوقع انه هالوضع رح يستمر فترة سنة وبعدين رح يتغير ويرجع زي اول لان النت كذا دايم في البداية ..

نا اذكر اول ما طحت في النت كنت ما اقوم منه لا نهار ولا ليل لين ما مليت وصرت اقعد عنده على الفضوة وما تتعدا ساعتين في اليوم..

وكل اللي اعرفهم كذا في بداية استعمال النت لكن اذا كان قبل النت يقضي كل وقته عند التلفزيون فانا اتوقع انه كل فتره يبحث عن شي جديد يقضي كل وقته فيه وهذا طبع فيه..

يعني مو السبب في النت ولا الدي اس ال وانما في طبعه هو..

__________________

عجبى لأمر هذا الرجل ومن على شاكلته . أسأل الله لى وله الهداية وحسن الخاتمة . ولكن أختاه لاتهجرى بيتك وتذداد الفجوة بينكما فكان من باب آولى تحكيم رجل صالح من عائلته عله يردعه عما هو فيه .

أختي الفاضله /

ما شاء الله زوجك كما ذكرتِ فيه خير أحسبه كذلك والله حسيبه ..

الانسان لم يخلق ملاك .. الأيمان ينقص بالمعصيه ويزيد بالطاعة ..

فقط ذكريه بالله وحمسيه وشجعيه على الطاعة وقولي نبغا نكون

زي أول ولا تخصينه بعينه لكن قولي تذكر أنا وأنت وش كنا في حماس

للطاعة وتذكرني وأذكرك ليش ما نرجع لها ... والانسان ترى يمر

أحيانا في مرحلة فتور لكن لا تصل لحد أنه يترك فرض .. ويعمل معصيه ...

إنما الفتور هو التقصير في النوافل والله أعلم ..

إن شاء الله مرحلة وتعدي أصبري وحدثيه بالموقع هذا وقولي زوره لو مره ..

قولي صديقاتي يتحدثن عنه كثير وش رأيك ندخل نشوف وش هالموقع اللي

يهرجون عنه كثير ..

فرج الله همك وهمه وجعلكما أعوان لبعض على طاعته ...

__________________

صراحة مقالتك ، جعلت زوجتي تكبر في نظري أكثر و أكثر بخصوص موضوع الانترنت .

الله يعطيك العافية .

بخصوص وضعك : لا يسعني إلا أن أقول اربع سنوات ليست كافية لكي يطفح من خلالها كيلك . كبري المكيال أكثر وأكثر . وجربي حلول الأخوان والأخوات ، وبالنسبة لي فلتعذريني لأن ذهني مشتت قليلاً .

وإذا وجدت فرصة مناسبة فسأحاول زيارتك مرة أخرى

دعيه يفعل ما يشاء
ولا تنكدين على نفسك
فهو كما قالوا الاخوان مبهور قليلاً
وسيعود لرشده
اهتمي بنفسك وببيتك وحافظي على رباطة جأشك
واهتمي بصلاتك وعباداتك أكثر لكي يراك ويحس بخطأه
وانصحي بهدوء واهدي إليه بعض الاشرطه المفيده، والخفيفة
ادخلي على النت واحفظي بعض المواقف المفيده على المفضلة

فكرة حلوة, أنا أحياناً أسويها إذا كنت أريد أن أنصح زوجتي, أحط الوصلة في المفضلة وطبعا تجي الحرمة وتشوفها وتدخل عليها وتتعلم

__________________

__________________
********