سامحوني لان هاذي المره الالف اللي اكتب فيها عن مشاكلي مع زوجي........
بس اليوم مثل ما يقولون طفح الكيل تعبت منه تصرفه اللي صار له 8 سنوات ومو متغير منه شي ما يبيني اطلع من البيت كللش واذا رحت بيت امي ما اطلع من بيت امي واذا رحت بيت جدتي ما اطلع من هناك يعني ما في رفاهيه كلللللش ولو هو يطلعني يمكن باسكت عن الموضوع ،هو مونس نفسه على الاخر كل يوم يطلع نااااااااااااااادرا يطوف يوم وما يطلع وانه يومي مثل امسي وباجر مثل يومي ما في تغير والله زهقت امس اتصلت عليه وقلت له اني باروح السوق مع اخواتي باشتري غرض من محل واحد وبارجع صرخ علي بصرخه انتي كله تبين تطلعين تحبين الطلعه ما بغيت ارد عليه واطولها وهي قصيره ،،،اقسم بالله اني مااطلع كللش ما يخليني ولا يطلعني ،صار لي مده طويـــــــــــــــــــــله وانه اقوله خل نطلع والله العظيم آخر مره طلعنا فيها مع بعض من سنتين ونص ،وهو مو مقصر مع روحه يطله مع ربعه يستانس وآنه ولا همه ،،،،،،والشي الثاني ان ما يحترمني كللللللللللللللش والله ما اكذب ولا ابالغ معاملته لي كاني خدامه عنده وهو مفهومه ان الزوجه خدامه لان ما في شي يسويه بروحه يعني باضرب لكم بعض الامثله ،،لما نتغدى الف و600 مره يقومني من على القده قومي سوي كذا،،فعلي كذا،،،لين مليت وقمت ما اتغدى معاه ،،يقلم اظافر رجله اللع يعزكم يقولي تعالي شيلي الاظافر قطيهم في الزباله ،،طلعي الثياب اللي بالبسهم ،،،حتى الجوتي اعزكم الله اذا رجع من الشغل يبيني انه افسخه اياه ،،،،،،وغير الكلمات اللي يقطها علي اذا يبي شي مثلا ذلفي حطي الغده ،،،فجي عن ويهي ،،،سدي بوزج ما بي اسمع صوتج ينرفزني ،،،،،،.........الخ،وطبعا ما يصير طيب ولا تنزل عليه المحبه الا وقت الفراش ويصير واحد ثاني بس ننام ونصبح يوم ثاني يرجع على حقيقته،تعبت والله تعبت صارت امنيتي الوحيده ان يقولي ما ابيج والله فراقه عيد ،،اليوم كلمت ابوي قلت له يتدخل والا انه ما فيني صبر اذا نفذ صبري باشيل اغراضي وبارجع بيت اهلي ،،،،،،غلطانه انه اني دخلت ابوي في الموضوع ؟؟؟؟؟؟؟؟؟؟؟؟؟واذا عندكم حلول لا تبخلون علي بها لان جد نفسيتي تعباااااااااانه

ليكن حالك كحال الشاعر الذي يقول :

رضـيت بـما قسـم الله لــي
وفـوضت أمـري إلى خالقـي
لقد أحسن الله فيـما مضى
كـذلك يــحسن فيـما بـقـي
ـــــــــــــــــــــــــ

ما سد لي مطلع ضاقت ثنيته

إلا وجدت وراء الضيق متسعـا
ـــــــــــــــــــــــــ

عسى الكرب الذي أمسيت فيه

يـكـون وراءه الــفـــرج الـــقــريـب
ـــــــــــــــــــــــــ

وما مسني ضر ففوضت أمره

إلى الـمـلك الجـبـار إلا تيسرا
ـــــــــــــــــــــــــ

قضى الله أن العسر يتبعه اليسر

حاولي إنكي تتأقلمين مع هذا الرأي وتتكيفين معه يعني حطي في بالك إن هذا الرأي رأي صحيح ولازم أسويه ودققي على ميزات هذا الرأي ، وتجاهلي سلبياته حتى تنسينها يعني بالعربي (إذا قدرتي تغيرين رأي زوجك فغيريه ، وإذا ما قدرتي بتاتا فحاولي تتكيفين معه)