˚؛◦ஐأهلا بالعيد مرحب بالعيد مع princees ஐ◦؛˚

21-10-2006, 01:04 PM

princees

من كبار شخصيات المنتدى

تاريخ التسجيل: Mar 2005

المشاركات: 2,815

˚؛◦ஐأهلا بالعيد مرحب بالعيد مع princees ஐ◦؛˚

كل سنة وإنتم طيبين.. كلها كام يوم وييجي العيد، وأكيد الفترة دي بيحلى فيها تجمع الأسرة والعيلة في البيت لعمل الكعك والبسكويت والغُريبة والبيتي فور، وغيرها من الحلويات الجميلة اللي بتميز الأيام الجميلة دي، واللي الواحد بيستناها من السنة للسنة..

وعلشان بحب أكون معاكم في كل مناسبة؛ قررت العدد ده يكون عدد غير تقليدي.. عبارة عن ملف كامل جمعت فيه أحسن الطرق لعمل الكعك والبسكويت والبيتي فور وغيرها من الحاجات اللي بنحبها؛ علشان تعملي في البيت وإنتِ ضامنة إن النتيجة مية مية على ضمانة princees..

موافقين..
نشوف الملف ده مع بعض

كحك العيد بالبيكنج بودر

المقادير‏:

1‏ كيلو دقيق‏ (8 أكواب متوسطة دقيق منخول‏)
3‏ أكواب زبد‏
1‏ كوب لبن‏
ملعقة صغيرة بيكنج بودر
‏ذرة ملح‏
2‏ ملعقة صغيرة ريحة كحك
2‏ ملعقة كبيرة سمسم محمص‏
للحشو‏:

عجمية أو ملبن
مكسرات محمصة ومجروشة‏ (‏بندق-‏ عين الجمل‏)‏

الطريقة‏:‏

1. اضربي الزبدة بالمضرب الكهربائي أو في العجان لغاية ما تنعم وبعدين حطي اللبن واستمري في الخفق لغاية ما تلاقي الخليط متجانس‏.‏

2. حطي ‏6‏ كوبايات دقيق في طبق العجن وضيفي لهم البيكنج بودر والملح ورشي فوقهم السمسم وريحة الكعك‏.‏

3. ‏‏صبي فوقهم اللبن بس بالتدريج واعجني ده كله مع بعض لغاية ما تلاقي العجينة مابتلزقش في إيدك وتكون سهلة التشكيل ولو حسيتِ إن العجينة محتاجة شوية دقيق حطي باقي الدقيق بس خلي بالك بالتدريج‏.‏

4. ‏قطعي العجينة كور صغيرة وافرديها على إيدك وانقشيها بالمنقاش بس تراعي إنك ماتضغطيش على الكحكاية بإيدك.
دي كانت طريقة الكحك السادة لو عاوزة الكحك محشي قومي بنفس الخطوات اللي فاتت بس قبل ما تنقشي خدي كورة من العجين واحشيها باللي إنتِ عاوزاه سواء ملبن أو عجمية.

5. رصي الكحك في صاجات بعد دهن الصاج بالسمنة وراعي إنك تسيبي مسافة بين كل واحدة والتانية، وسخني الفرن واظبطيه على درجة حرارة متوسطة، وبعد فترة دخلي الصاج الفرن لغاية ما الكحك يتحول للون الدهبي.

6. شيليه من الصاجات وسيبيه لغاية لما يبرد ورصيه في علب ورشيه بالسكر البودرة لما تيجي تقدميه‏.‏

وبالهنا والشفا

غريبة

المقادير‏:

1‏ كيلو دقيق ‏(8‏ أكواب متوسطة‏)
3‏ أكواب زبد‏
1‏ كوب سكر بودرة‏
بياض بيضة
فانيليا
ذرة ملح‏
أنصاف لوز للتجميل

الطريقة‏:‏

1. انخلي الدقيق واضربي الزبدة مع السكر بالمضرب الكهربائي لغاية ما ينعم الخليط ويبقى مثل الكريمة.

2. اضربي بياض البيضة مع الفانيليا بالشوكة وضيفيه للخليط السابق مع الاستمرار في الخفق‏.

3. حطي الدقيق بالتدريج واعجني المقدار لغاية ما العجينة تبقى ناعمة (ماتكونش بتلزق في إيدك)‏.

4. سخني الفرن وبعدين شكلي العجينة علي هيئة كرات صغيرة بحجم البندقة الكبيرة واغرزي فيها نص لوزة وبرضه تراعي إنك ماتضغطيش عليها بإيدك‏.‏

5. ادهني الصاج بالسمنة ورصي فيه الغريبة واظبطي الفرن على درجة حرارة متوسطة لغاية ما تستوي، بس خلي بالك إن لونها مايتغيرش يفضل زي ما هو سكري فاتح‏.‏

6. شيليها من الصاجات أول ما تخرج من الفرن بس بالراحة لأن الغريبة ناعمة‏.‏

7. لما تبرد كويس رصيها في علب التقديم‏.‏

وبالهنا والشفا

البسكويت

البسكويت بالذات كذا نوع، فيه اللي بالنشادر واللي بجوز الهند واللي بالقرفة واللي واللي.. وعلشان كده احنا اخترنا لك كام نوع سهلين في العمايل.

بسكويت النشادر

المقادير:

كيلو دقيق منخول
كوباية سمن
2/1 2 كوباية سكر بودرة
5 بيضات
كوباية لبن
ملعقة كبيرة نشادر
فانيليا.

الطريقة:

1. اضربي السمن مع السكر لغاية الخليط ما يبقى زي الكريمة.

2. اضربي البيض مع الفانيليا كويس لغاية ما الخليط يبقى غليظ وبعدين ضيفي السكر والسمن للخليط مع الاستمرار في الخفق لغاية ما يتجانس.

3. تذاب النشادر في نصف كوباية لبن وضيفيه للخليط السابق.

4. ضيفي الدقيق بالتدريج بالتبادل مع اللبن لغاية ما تلاقي العجينة سهلة في التشكيل.

5. تشكل العجينة حسب الرغبة إما بماكينة البسكويت أو تقطع بالقطاعة، ثم ترص الوحدات في صاجات مدهونة بالزيت على مسافات متباعدة علشان مايلزقش.

6. اظبطي الفرن على درجة حرارة متوسطة ولما يسخن حطي الصاجات في الفرن.

7. ارفعي البسكويت من الصاجات وسيبيه لغاية ما يبرد خالص وبعدين رصيه في علبة.

ملحوظة: لو عاوزة يبقى بطعم القرفة أو البرتقال ضيفي للعجينة ملعقتين قرفة أو كوباية عصير برتقال.

بسكويت جوز الهند

المقادير:

2 كوباية دقيق
4/3 كوباية زبدة
2/1 كوباية سكر بودرة ‏
1‏ بيضة
‏ فانيليا
‏1‏ صفار بيضة‏
‏ كوب جوز هند ناعم‏
‏ذرة ملح‏
1‏ ملعقة صغيرة بيكنج بودر
‏2‏ ملعقة كبيرة لبن حسب الحاجة‏

لدهان الوجه‏:‏

بيضة مخفوقة مع فانيليا‏.‏

الطريقة‏:‏

1. اضربي الزبدة مع السكر لغاية ما تبقى زي الكريمة‏.‏

2. اضربي البيضة وصفار البيضة بالشوكة وضيفيهم للخليط السابق‏.

3. اخلطي الدقيق مع البيكنج بودر والملح وجوز الهند وحطي الخليط ده على المقدار السابق واعجنيهم لغاية ما العجينة تبقى سهلة ويمكن تشكيلها‏.‏

4. ‏‏ ممكن إنك تحطي 2‏ ملعقة كبيرة من اللبن إذا كانت العجينة يابسة (ناشفة وإنت مش عارفة تشكليها).‏.‏

5. ‏ ممكن إنك تشكلي العجينة حسب ما إنت عايزة إما بماكينة البسكويت أو بالقطاعة‏.‏

6. ‏رصي قطع البسكويت في صينية على مسافات متباعدة ويدهن الوجه بالبيضة المخفوقة مع الفانيليا‏ وسخني الفرن في درجة حرارة متوسطة، وبعد فترة دخلي البسكويت ‏واتركيه لغاية ما لونه يبقى دهبي.

7- شيليه من الصاج وهو سخن وسيبيه لغاية ما يبرد ورصيه في علب.

وبالهنا والشفا

بيتي فور

المقادير:

3 كوبايات دقيق
2/1 كوباية زبدة
2/1 كوب مربى مشمش
2/1 كوب فستق مطحون للتجميل
1 بيضة
4/3 كوب سكر ناعم
ذرة ملح
2/1 ملعقة صغيرة بيكنج بودر
ملعقة صغيرة فانيليا

الطريقة:

1- اضربي الزبدة مع السكر بالمضرب الكهربائي لغاية ما تبقى ناعمة مثل الكريمة، ثم ضيفي إليها البيضة.

2-ضيفي الدقيق إلى البيكنج بودر والملح وضيفيهم إلى الخليط السابق بالتدريج ومع التقليب المستمر لغاية ما تبقى العجينة سهلة التشكيل.

3-تشكل العجينة بماكينة البيتي فور أو بقمع موضوع في كيس قماش، ممكن إنك تشكليها زي ما إنت عايزة على شكل وردة أو كورة صغيرة ثم رصيها في صينية تيفال.

4- سخني الفرن على درجة حرارة متوسطة ثم دخلي البيتي فور لمدة ربع ساعة.

5- خرجيه من الفرن واتركيه لغاية ما يبرد.

6- للتجميل ادهني طرف البيتي فور بمربى مشمش ورشي فوقه فستق مطحون.

ملحوظة:
لما تعمليه بالشكولاتة شيلي مقدار 2/1 1 ملعقة دقيق ويوضع بدلا منها بودرة كاكاو.

وبالهنا والشفا

أصناف تانية

فيه كمان أصناف تانية مش أساسية في العيد لكن الناس كلها بتحبها ودول برضه جبتهم لكم.

فطائر بالعجوة

المقادير:

3 كوبايات دقيق
4/3 كوباية زبدة
2 بيضة
2/1 كوباية لبن
2/1 1 ملعقة خميرة
بيكينج باودر
1 ملعقة صغيرة شمر وينسون محمص ومطحون
1 ملعقة صغيرة فانيليا
4/1 ملعقة صغيرة ملح

للحشو:

2/1 كيلو عجوة مفصص ومفروم
3 ملاعق كبيرة زيت ذرة
1 ملعقة صغيرة قرفة
1ملعقة كبيرة سمسم

الطريقة:

الحشو:

حطي الزيت على العجوة والقرفة والسمسم واهرسيهم كلهم مع بعض.

الفطائر:

1. انخلي الدقيق وضيفي له الخميرة والملح والشمر والينسون.

2. حطي الزبدة على الدقيق وافركيها بأطراف صوابعك لغاية ما الزبدة تختفي تماما.

3. اضربي البيض بالشوكة وصبي فوقهم الدقيق والسمن واعجنيهم وبعدين ضيفي اللبن بالتدريج لغاية ما تتكون عجينة تقدري تفرديها.

4. افردي العجينة على شكل مستطيلات وبعدين حطي الحشو ولفيها لغاية ما تبقى زي العصاية، وبعدين قطعي العجينة على شكل مستطيلات لأجزاء صغيرة على حسب الحجم اللي إنتِ عايزاه.

5. رصي الفطاير في صينية مدهونة بالسمن ودخليها في فرن متوسط الحرارة لغاية ما لونها يتحول للون الدهبي.

قراقيش

المقادير‏:‏

‏6‏ كوبايات دقيق منخول
2/1 1كوباية سمنة‏
‏2/1 كوباية زيت‏
2‏ ملعقة كبيرة سمسم‏
1‏ ملعقة صغيرة ينسون
‏1‏ ملعقة صغيرة شمر‏
‏2/1 ملعقة صغيرة ملح‏
‏ قطعة خميرة بيرة في حجم عين الجمل
‏1‏ ملعقة كبيرة سكر سنترفيش
‏1‏ كوب مياه دافئ للعجين

الطريقة‏:‏

1. نقي الشمر والينسون والسمسم وحمصيهم نص تحميصة.

2. ادعكي الخميرة البيرة مع السكر السنترفيش لغاية ما تسيل‏ وحطي لها شوية ميه دافية وغطيها وسيبيها في مكان دافي علشان تخمر‏.

3. حطي الدقيق في طبق العجين وضيفي له الملح ورشي فوقه الشمر والينسون والسمسم وقلبي المقادير كويس.‏

4. ‏ اعجني المقدار بخميرة البيرة بعد ما تخمر وضيفي الميه الدافية بالتدريج واعجني لغاية ما تبقى العجينة متوسطة الليونة.‏

5. غطي العجينة وسيبيها في مكان دافي لغاية ما تخمر وقطعيها حسب الرغبة.

6. رصي القراقيش في صاج وغطيه وسيبيه في مكان دافي لغاية ما تخمر،‏ وبعدين ادهني الوش بالسمن السائح أو الزبدة وسويها في فرن متوسط الحرارة لغاية ما تستوي‏.‏

وبالهنا والشفا

وبكده يكون خِلص عددنا النهاردة.. يارب يكون عجبكم

وكل سنة وإنتم طيبين..

__________________

21-10-2006, 01:47 PM

أم الهادي

عضو دائم

تاريخ التسجيل: Jul 2006

المشاركات: 79

ما شاء الله .. ما شاء الله ..

وصفات عجيبه .. و ان شاء الله نجربها ..

بس لي سؤال .. هل يمكن استبدال مربي المشمش بمربي الفراولة في البيتي فور؟؟

تحياااتي لك ..

__________________

سبحان الله و بحمده، أني كنت من الظالمين ..

21-10-2006, 01:52 PM

روح الغالي

كبار شخصيات المنتدى

تاريخ التسجيل: Aug 2005

المشاركات: 9,203

ماشاء الله عليك يابرنسيس الغاليه

عجبوني كثير وحابه اعملها لأمي واختي لأن العيد ده مافيش الا احنا لوحدنا

خلينا نتسلى انا وماما واختي

ربي يسعدك ويفرج همك وينولك مرادك ويرزقك ربي الزوج الصالح

وكل عام وانت بألف خير

اختك في الله

__________________

إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا

21-10-2006, 05:15 PM

rima

كبار شخصيات المنتدى

تاريخ التسجيل: Aug 2003

المشاركات: 4,093

رهييييييييييييييبة حبيبتي برنسيس

الحلو ما بجيب الا الحلو

تسلم الايادي يا غالية

__________________

لا احلل نقل اطباقي دون ذكر المصدر

(ام علي وريما شخص واحد وهو انا

)

21-10-2006, 06:19 PM

اسبريسو

كبار شخصيات المنتدى

تاريخ التسجيل: Nov 2005

المشاركات: 7,194

يسلموووووو برنسيس

يعطيك العافيه

__________________
اللهم إني تصدقت بعِرضي على الناس وعفوت عمن ظلمني
وأسألك في ذلك بلوغ مراتب المحسنين
ربنا هب لنا من ازواجناوذرياتناقره اعين واجعلنا للمتقين اماما
رب اجعلني مقيم الصلاه ومن ذريتي
اللهم اني اسالك لذريتي صحبه الاخيار وتوكل الاطيار
اللهم الف بين قلوبهم وبلغني فيهم غايه املي ومناي بحولك وقوتك
اللهم اسعدني ببرهم في حياتي وبدعواتهم بعد مماتي

22-10-2006, 04:08 AM

ام الشفيعتين

عضو جديد

تاريخ التسجيل: Oct 2006

المشاركات: 39

يعطيكي العافيه

22-10-2006, 05:27 AM

عيون الظبي

عضو متألق

تاريخ التسجيل: May 2006

المشاركات: 625

::: تسلميييييييييين وجاااري التجربه :::::

__________________
لا إله إلا الله عدد ما كان وعدد ما يكون ، وعدد الحركات والسكون

22-10-2006, 05:55 AM

jeans

كبار شخصيات المنتدى

تاريخ التسجيل: May 2006

المشاركات: 4,360

كل الشكر عزيزتي

كل عام وانت بخير

__________________

22-10-2006, 11:24 AM

samar84

عضو نشيط جدا

تاريخ التسجيل: Feb 2006

المشاركات: 524

مشكوره ياعمري امس كنت جالسه اور طريقه الغريبة للاسف مادخلت موضوعش بس ابشرك عملتها بطريقه اسامه وطلعت تجنن واليوم بجرب البيتي فور بطريقة البرنسيسة

22-10-2006, 11:30 AM

#10

al7olm6

عضو متألق

تاريخ التسجيل: Jun 2006

المشاركات: 703

ياااااااااااازين الاكل ويااازين الوصفات

<<<<< صايم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه