هلا مبتعثة كيفك 🌷
ان جينا للجد مبتعثه مو من مصلحتى اغامر
فضلا على انى شايفته مقبل عليا و مايبغى يزعلنى الا بدا الموضوع

الكتابة اشكر الاخ لماذا نتزوج ذكرنى فيها > سبق قالي اخصائي نفسي انى اكتب
لها فوايد حسيتها كثيره
من ضمنها افررغ بطريقه هادية انا بالعاده افرغ باسلوب حاااد جدا ياذينى
اكسر اخرب اتهوور اسوى اي شيء ااذي غيري وتخرب علاقاتى
الكتابه لا خلتنى اهدا شوى ،، طلعت مواقف قديمه جدا > مدرى كيف طلعت
رتبت افكارى المتداخله ومواقفى والاهم طلعت مبدعه 😊 بالتعبير
عطتنى مساحة اتكلم ارتاح ، انا بالعادة ماعندى وقت اتكلم بطبيعة حياتى كان لازم علي اتصرف مباشره باي موقف ماكان فيه وقت للكلام .. > بعتبر دى الجزئية من التفريغ
انا حاليا اهدا بكثير واحس بانجاز انى تحكمت باعصابي وبرد فعلي

اذا تقصدي بطرفين متساويين حرفياً زي كذا



فهذا خطأ

اما اذا كنت تقصدي التساوي في الإجمالي زي كذا



فهذا صحيح

ولكن الاستيعاب جداً مهم

بحيث يتم وضع الرسم البياني في الواقع على أسس متينة وضعها الخالق سبحانه وتعالى


انظري الى صفاتك وقدراتك كأنثى وزوجة وصفاته وقدراته كذكر وزوج

وضعيها داخل اطار ماهي الحقوق التي لكي وعليكي والحقوق التي له وعليه

وبعدها بامكانك رسم الرسم البياني الذي يصف العلاقة بينك وبين ابراهيم بشكل واقعي ودقيق ومريح والاهم من ذلك ان تجعلكم الرسمة تتجهوا للامام في علاقتكم وتكون علاقة مثمرة مزدهرة مبدعة

__________________

جميل ..
لكن حسب كلامك مافيه فرق بين اللى يصير الان !! يعنى مو هذا هدفي انا
نقطة الفرق الجنسي ( ذكر - انثى) و بناء الحقوق عليه بشكل مجحف ماتناسبنى
ابسط مثال الان و بنفس موضوعي حكاية هو يروح وين مابغى وبلا اذن وانا لا
ايش الحجة و العذر ؟ اجابوا هنا انه رجل !!! < يعنى انا ما اصنف من ضمن الكائنات البشرية !!

عشان كذا قلت لكي ارجعي للشرع وش يقول

وغير كذا الرسم البياني يبين لكي انك في مقاييس معينة اعلى منه (مثل العاطفة - تربية الاطفال (وخاصة في مرحلة الطفولة)- الاعتناء بالمنزل- الحس الديكوري - وغير ذلك)

وهو اعلى منك في مقاييس اخرى

واما بخصوص وضعك الحالي فهو عرض عليكي ان تسافري معه فرفضتي

وافق انك تسافري مع اخوكي برضه رفضتي!

وبالتالي جلستي في البيت، والطمع يقل ماجمع.

الا على فكرة

حتسوقي سيارة؟

كيف حيكون الوضع وقتها؟!

تشغلي سيارتك وقت مايعجبك وتطلعي من البيت؟! ولا كيف؟

__________________

الشرع واضح < بعيييد عن التفسيرات العنصرية
( ولهن مثل الذي عليهن بالمعروف ) ..

الاختلافات موجوده ما احد ينكرها لكن المنكر هو التعسف فيها ..

دخلتنا موضوع ثانى السيارة !! طبعا هو يماطل فيها جداا < لاحظ ماسويت بدون اذنه
ابغى سياره ، رده : اوكى بس تعلمى بالاول ، طيب انا اعرف من قبل ، هو لا لا لازم تتمكنى مرره
اوكى ابغى سيارتك اتعلم فيها ، لا لاا بتسوين حادث .....الخ
انا بشتري سياره من حسابي انا ، هو قلت لك لاا مو الحين فيه عندك سواق اصلا ليش تتعبي نفسك !!
السواق باجازه و الثانى كبير عمره مره و الثالث مع خواته ..
مافهمت ايش قصدك متى مابغيت ؟! الا انى طبيعيا بقضى امورى ..
على فكره سبق رحت مع كريم مره وحده بس " قبل الزواج " وكنت مضطره عشان شغلي
النتيجة بعد مده يمكن شهرين الا يكلمنى واحد واتس و يطلب ما ابلكه وانه هو سواق كريم
وجايب اسمى ورقمى و انا ناسيه المشوار حتى شكله نسيته و يقول انا لى مده طويله تعبت الى ماجبت الرقم ومانسيتك ....
باختصار السواقه اظمن و اكثر امان ..

حكاية انه عرض علي اسافر معاه انا وضحت انه سافر في رمضان
فضلا على انه بينشغل مررره بالمباريات وياليت يخلينى معاه لااا مستحيل
فضلا على انه مووذي بالسفر ما استمتع معاه

اما اخوي فعنده موتمر هناك و مو فاضي لي و ما اعرف اتمشى وحدي !! ملل
ماراح استفيد شيء ..

صحباتى ماشاء الله راحوا الحين برا وانبسطوا
وانا اللى كنت اعطيهم نصائح شوف ايش صار معي 😔
ترى ماعلمتهم ان زوجى رافض قلت انا هونت مابغى اروح ..

تدرين أنت متقدمة خطوة واحدة وهذه الخطوة مسببه لك كل هالشعور المزعج ,,,فقط خطوة واحدة !!
عودي الى الوراء خطوة واحدة فقط ستتغير حياتك ومشاعرك وسعادتك وراحة بالك وكل اللحظات ستزهر باللون الذي تحبينه ..بإذن الله

عودي الى الوراء خطوة واحدة لا غير ..

__________________






استودعتك الله من كل شر ومن كل حاسد وعدو ..

ايش الخطوة اللى انا متقدمتها ؟!
وضحي اكثر اذا ممكن ..

طيب ممكن تستعرضي لكي ولنا ماهي الحقوق الواجبة على الزوج تجاه زوجته وكذلك الحقوق الواجبة على الزوجة تجاه زوجها ؟

هو يبي الأمور تستقر في الرياض، لأن موضوع قيادة المرأة جديد، والتجهيزات مازالت قائمة وقائدات السيارة الان محدود او قد يكون نادر، وبالتالي خروجك في الفترة الحالية فيه متعب من ناحية عدم الجاهزية ومن ناحية انه راح يكون الضوء مسلّط عليكي

فانتي امشي معه وقدمي على الرخصة وبعدها يحلها الحلال

اقصد كل ماجء على بالك انك تخرجي راح تخرجي من المنزل بسرعة وماراح يلقاكي في البيت

لا حول ولا قوة الا بالله

الله يعينك طحتي في واحد قلبه مريض مايستحي

مادام انتي ملتزمة بالحجاب الشرعي وماتعطرتي وماكلمتي احد بالجوال وما سمع صوتك وضحكك وسواليفك مع الناس وما مزحتي معاه ولا اعطيتيه ريق حلو فصراحة عيب عليه انه يضعف ويبحث عنك طوال هذه الفترة ومانساكي ( انا ما أدري ايش اللي مانسيه؟ هل يقصد وجهك! او ضحكتك ؟ او تعاملك؟ أم ماذا؟!)

__________________

مايبغى الامور تستقر ، يبغى يمنعنى وبس مو راضى عن السواقة ..
اكيد اذا جيت بطلع و انا عندي سياره راح اطلع ، ايش المانع ؟! وان رفض اكيد بجلس
الحقوق و الواجبات باختصار يراعينى مثل ما اراعيه
يتنازل مثل ما اتنازل ، مايحاول فرض سلطته بشكل تعسفي
اي قرار يخصنا يكون مشترك مو يستفرد فيه بنفسه ..
هذا في الامور المشتركه
في الامور الخاصه له مطلق الحريه وما ادخل فيه و العكس بالنسبة لي
مايدخل فينى و لى مطلق الحرية ..
لكن طبعا ابراهيم مو عاجبه دا الكلام واللى اشوفه انه كل شيء يستفرد فيه بنفسه
حتى اللى مايخصه و يعتقد انه مسؤل مسوليه كااامله عني وعن كل شيء يخصنى
حتى فكري 😂 يعتقد انه مسؤل عنه !!

بخصوص كريم ، اعتقد حجابي و كلامي مو حجة له ..
ايش اللى مانسيه مادرى عنه ماخذت وعطيت معه بالكلام كل اللى قلته له
سالته من فين اخذتنى و فين وصلتنى ؟ لان ماصدقته انه سواق كريم
بس فعلا وصف لى البيت و قال لى اخذتك من الحي الفلانى ووصلتك للمكان الفلانى و قلتى لى
لا تروح و بعدين رجعتك البيت < ووصف وصف دقيق انا ناسيته
سالت ايش المطلوب ؟ فقال انا من وقتها مانسيتك وقام يعطي معلومات عن نفسه بس
وبلكته و لا كملت حكايته ..