المشاركة الأصلية كتبت بواسطة ملكة الآحساآآس

للان مانتي فاهمه المشكلة
انتي حارمة نفسك وشاريه ارض باسمك يعني ماهي له لك انتي
وتجمعين تبين تبنين ماهي له لك انتي وهو ماغصبك
راسلتك وقلت لك زوجك يبغى انثى
ووضح لك السمنه السمنه
حتى لو وزنك 90 مقارنه بوزنك قبل شهر كان 108 ترى وزنك جدا جدا جدا كارثه يصعب الحمل والحياه
وكل شوي تتشكين
تسهرين وترجعين ولا سولفتي معاه
صحيتي متاخره
ورحعتي تنامين للعصر
الى متى تعبانه ومتضايقه ونفسي تعبانه وكسلانه واضغط ع نفسي
تعبانه تعبانه
انا والله والله مليت من كثر ماتتشكين
زوجك وصل لمرحلة الانفجار الي كلنا نبهناك منها
ترى الكسل والضيقه وعدم الحمل من السمنه ورب الكعبه من السمنه
زوجك ضحى اكثر من تضحياتك
ترى وظيفته عشانك
ترك الرياض عشانك
ماينجب وصامت عشانك
وباقي تزعلين
قلت لك الف مرررره ياالست اسعي اجتهدي الفلوس الي تجمعينها للهواء اعملي منها تكميم
وبعدها اشتركي بجيم راح تنزلين بقووه وينشد جسمك وتحملين وتنجبين وتقدرين تتحركين بسهوله وتكسبين زوجك
مافي رجال ينشرى بفلوس
الرجال ينشرى بالافعال بحسن التبعل
اجل يوم جمعه ونايمه للظهر وهو جايب فطور
الحرمة السنعه مطبخها كامل
وبيتها يلق وملابس زوجها نظيفه
ماتنتظره يقول لله يامحسنين
انتي مانتي قادره تشوفي مشكلتك
وكل مره رايحة لااهلك
رتبي بيتك وتقضي لبيتك للشهر الفضيل واعزمي امي وخواتك واطبخي عشاكم
بكره بيطلقك ويتزوج وبيحس بالفرق
لاتقولين اشتغل واشتغل ترى يبين من خلال الكلام كيف جدولك واهتمامك
انتي تستخدمين زوجك لين تخلصين اهدافك بناية البيت لان اخوانك ماراح يهتمون
وزوجك صادق 12 سنه معهم ماجمعتي هلله
واربع سنوات معاه شوفي الارض والرصيد وبلاش جحدان
نصحناك قبل ينفجر وارجعي لمواضيعك ورودنا

المشاركة الأصلية كتبت بواسطة لؤلؤة الصباح

فعلا يالست تكرر هالامر بكل مشكله لكم انك تكونين نايمة وهو يجيب اكل من برا ماعرف فركزي على هالموضوع اعتقد هو يبيك تكثرين طباخك بالبيت وماتعتمدون على المطاعم ابد وهو معاه حق اصح واوفر لكم
وبعدين وش سالفة حطيتي لنفسك اكل وماحطيتي له دامك قادرة تحطين لنفسك الاكل ليه ماحطيتي له والا انتي تبين تسوينها زعلة؟
والاهتمام بالنفس بكل مواضيعك ركزوا الاعضاء على هالنقطة وزوجك كررها اكثر من مره ولازلتي تقولين معاكم حق انا هاملة نفسي طيب الى متى يالست ؟ متى بتهتمين بنفسك؟ كثير بنات عندهم وزن زايد لكن هالشي مايمنعهم من الكشخه والدلع
نصيحتي لك ماتخلين رسالته تمر مرور الكرام وماتاخذك العزة بالاثم

المشاركة الأصلية كتبت بواسطة لست كغيري*

طيب مو مشكلة راح أهتم بنفسي وادلعها .. لكن هو مايساعدني .. يعني لما اروح السوق تعجبني شغلات يقول لا غالية .. ولما نكون نتناقش يقول مو لازم الواحدة تدفع فلوس عشان تدلع نفسها وتتشيك .. طيب وش تبوني اسوي؟

ثاني شيء انا ماأقدر اهتم بنفسي وأهتم بحياتنا بنفس الوقت .. لازم اضحي بجانب على حساب جانب..

على بالكم ماأعرف اهتم وألبس وأكشخ وادلع نفسي .. لا اعرف .. لكن انا حارمة نفسي من هالشغلات عشان أشياء مهمة .. وعلى بالي إن زوجي راح يقدر هالشيء ويتغاضى بس للاسف في كل مرة يرجع لنفس الشيء..


انا مشوشة وش تبوني اتصرف؟

المشاركة الأصلية كتبت بواسطة لسه متفائله

عجبني انك حطيتي الرسالة لي بعتلك زوجك رغم انها تخليك فموقف حرج نوعا ما لانها تبين زأي الطرف الاخر .ممكن تخلي الواحد يصف مع زوجك...
هذا المبدأ عندك غلط..يعني اذا لازم تختاري تضحي بين الاهتمام بالنفس والزوج او الاهتمام بالوظيفة تختاري الوظيفة؟؟انتي امراة وزوجةبهذا الاسبوب تنسلخين عن الانوثة وزوجك بينفر منك..هاد الكلام يطلع من المراة لمو متزوجة او متزوجة لكن على وشك الطلاق مثلا او زوجها مريض جدددا او على فراش الموت. بصراحة ما افهم انتي ليش شايلة هم هاد المستقبل يعني توسيع البيت مثلا من الكماليات ولا شو رايك؟ حددي مين انت وحطي ببالك الرجل يتزوج الوحدة وبيحب هو يشقى ويصرف عليها المراة ما انخلقت مشان تساعدو بالفلوس... واذا شاءت تساعد لكن مو على حساب انوثتها...
ونقطه ثانيه بما انك هنا مجهولة اسمعي الكلام ولا تكابري، بالله عليك كيف النوم لحد الظهر؟ اسهري بحدود واصحي قبله وحضري الفطور، اكلو ما اكلو مالك شغل ،انتي ساوي لي عليك. وبعد الصلاة بتكوني مجهزة الغدا، وهو يختار بدو يفطر لو بدو يتغذا انتي سويييييي الي عليييييييك .بتقولي بس مافي شي مشان اجهز الفطور.بقولك هالنقطة اهم وحده، انتي انتي انتي مو زوجك.، انتي لازم تحرصي ان مقومات الفطور دااايما تكون بالبيت، وبعدين كيف يجيب فطوره وفطورك جاهزين بدهم بس تفكوهم شسو هات الله يهديك؟ اصحي ولا تدوري مبررات ذي النقاط مايبغالها نقاشس ابددد انتي تسيئين لنفسكبهذا التصرف وبتخلي زوجك يسجل عليكي اهداف حتى لو هو غلطان بتطلعي انتي بالاساس مو مرأة معليهش لا تزعلي من كلامي نخن لا نعرفك اتمنى تاخدي هالكلام وتستفيدي منو

المشاركة الأصلية كتبت بواسطة لست كغيري*

صح كلامك .. صح .. المفروض أنا اسوي اللي مطلوب مني من واجبات وماأصدقه لما يقول مو مهم ولا الحياة مشاركة او عادي نمشي حالنا بأي شيء .. صح .. وهذا اللي لازم أسويه ..

المشاركة الأصلية كتبت بواسطة لست كغيري*

صح كلامك .. صح .. المفروض أنا اسوي اللي مطلوب مني من واجبات وماأصدقه لما يقول مو مهم ولا الحياة مشاركة او عادي نمشي حالنا بأي شيء .. صح .. وهذا اللي لازم أسويه ..

المشاركة الأصلية كتبت بواسطة لؤلؤة الصباح

فعلا يالست تكرر هالامر بكل مشكله لكم انك تكونين نايمة وهو يجيب اكل من برا ماعرف فركزي على هالموضوع اعتقد هو يبيك تكثرين طباخك بالبيت وماتعتمدون على المطاعم ابد وهو معاه حق اصح واوفر لكم
وبعدين وش سالفة حطيتي لنفسك اكل وماحطيتي له دامك قادرة تحطين لنفسك الاكل ليه ماحطيتي له والا انتي تبين تسوينها زعلة؟
والاهتمام بالنفس بكل مواضيعك ركزوا الاعضاء على هالنقطة وزوجك كررها اكثر من مره ولازلتي تقولين معاكم حق انا هاملة نفسي طيب الى متى يالست ؟ متى بتهتمين بنفسك؟ كثير بنات عندهم وزن زايد لكن هالشي مايمنعهم من الكشخه والدلع
نصيحتي لك ماتخلين رسالته تمر مرور الكرام وماتاخذك العزة بالاثم