ايه روح لاهلك
سؤال
عندكم اطفال

قول لها مافي مطاعم قطعتها
يعني اذا ماطبخت بتموتون جوع
وسو لها جدول

ودامك وفرت لها مطبخ كامل

أن شاء الله يفيد أقتراحي

وسؤال ثالث والأخير كم عمر زوجتك ؟

إذا ماكان من شروط اختيارك للزوجة تكون ربة بيت وملمة بشوون البيت فليس لك الآن سوى الصبر والصبر الجمييييييل جدا والقلب الوسييييييع جدا والبال الطويييييييل جدا...

معظم شبابنا يركز على أمور أخرى عند البحث عن الزوجة ويستهين بهذا الشرط.. على أساس إنه سهل ومقدور عليه والزوجة راح تتعلم تدريجيا لكن يتفاجأ وينصدم بصخرة الواقع والله المستعان..

دى حاجة تغيظ يا اخى بجد انت مش مقصر وهى ولا على بالها انا قريت الردود كلها وانصحك انها لازم تشاركك مشكلتك وهى اللى لازم تحلها ويتم ذلك بالحزم والكلام القوى مع اهلها خصوصا امها اللى اهملت فى تعليم بنتها اساسيات الزواج وهددهم ان لو استمر الوضع على كده انت مش هتستحمل وبعد كده ميلوموش غير نفسهم قولهم انك كنت فى بيت اهلك افضل عالاقل مش شايل مشاكل ...انا ضد فكرة انك تطبخ او تساعد او تمد ايدك فى حاجة الكلام ده يتعمل بمزاجك وتفضل منك بس اوعى تساعدها عشان متتعودش ...امنع الخروج والهدايا والفرعيات وزى ما هى مكسلة انت كسل ...دى حاجة تغيظ بجد امال انت متجوز ليه يا اخى ربنا يستر ومتكنش بتجيب اكل جاهز طول مدة عرضك للمشكلة

والله ي اخوان الطبخ يوميا متعب وانا ماعندي شغله الا الطبخ لو في خادمه تشاعد معليش بطبخ يوميا وعشر مرات بس بعضنا ماتحب الخدم زيي اكره اشوفهم بالبيت ومستغنيه عنهم وعشان كذا مقسمه الشغل ثلاث ايام اطبخ ويوميا تنظيف البيت ويومين كوي وغسيل ملابس وحمامات ومالى الى ذلك والويكند عند اهلي اجازه وزوجي متفهم الحمدلله يعني يا ياكل بالدوام او يجيب معاه شيء او ناكل شيء خفيف باليومين اللي مافيها طبخ بس يوميا والله متعب جدا صحيح ممتع بس متعب يعني لامانه ماعمري من تزوجت من ست سنوات طبخت يوميا اهم شيء يكون في اتفاق بين الزوجين والزوج يعرف اذا زوجته تعبانه او عندها تنظيف وكذا يعذرها
والامر الاخر مرت علي شهور كنت طايحه ماتحرك وفيني خمول وماقدر اسوي شيء من التعب حللت صار عندي نقص فتامين دال وفقر دم وواضبت عالعلاج اللي صرفو لي ورجعت نشيطه الحمدلله وراح الكسل والخمول كله
يمكن المشكله جسديه اعمل لها تحليل شامل عشان تتأكد اخوي
ومن ناحية انو الاهتمام بالزوج واموره من طلخ وتنظيف صحيح مو واجبه شرعا لكنها واجبه عرفا ماعمر امهاتنا وجداتنا وخالاتنا تذمرو من هالامور والزوج يبي وحده تتهم فيه من كل النواحي اللي تشوف نفسها ماتقدر على خدمة زوجها وراحته وتوفير بيت نظيف ولقمع نظيفه اتمنى منها عدم ظلمه والاقتران به لان في هالشيء ظلم للزوج لانه هو كمان ماهو ملزم شرعا بالتمشيات والسفريات والهدايا والدلع كله
ولو انقلبت الحياه لواجبي وواجبك وانقلبت شغل واجبات ماراح تمشي ويصيرون مجرد ذكر وانثى عايشين مع بعض

__________________
أستغفر الله العظيم واتوب اليه

اخي الكريم مشكلتك حتى بطلبك للطبخ تقول مابي اتعبها
3 ايام بالاسبوع تطبخ لك اذا انت راضي على هالرتم بالتوفيق والله يسخرها لك

لكن تأكد ان حنيتك هذي هي عارفتها وعارفه انها لو اخلت بال 3 ايام وصارت يومين بترضى
وبعدها تصير طبخ يوم واحد وتمن عليك لما تسوي مشكلة وتقولها ماتطبخين بتقولك تذكر يوم سويت لك
حل مشكلتك بأن تكون القائد لاتعطيها مجال للتفكير اطبخ او مااطبخ

وتأكد هالشي بيأثر على عيالك مستقبلا صحتهم واكلهم شي مهم فاضية زوجتك ماطبخت مع عيال فجأه بيجيها الاحساس بالمسؤولية وتطبخ لك ولعيالك انسى

اهلها بالتدريج مثل ماقالت لك اتصل وش بتسوين غداء اليوم ماسوت لاتمررها وتقول اوك بجيب وانا جاي
احدى الاخوات قالت قبل الغيرة محرك اساسي وانا اوافقها الرأي لي زميل يقول لزوجته تعشيت عند فلان انا والشباب زوجته تسوي مكرونه بصلصه بيضاء والدجاج روعة ياحظة عليها

ثاني يوم مسوية مكرونة وصينية بطاطس وشي مو طبيعي فقط من الغيرة
وهو يمدح بعزم اخوياي علشان يعرفون فلانه ماعندها سالفة وانتي طبخك احلى

الزواج مسؤولية ...
و على كل واحد من الزوجين تحملها ...
و يتم التعود عليها بالممارسة و المداومة ، حتى تُؤلف ...
و لكي يستقر حال زوجتك على الطبخ اليومي ، عليها ان تضغط على نفسها بادئ الامر ثم تتعود بعدها بإذن الله ....
فان لم تفعل ، فالحلول المقترحة اعلاه مجدية ( خصوصا من نصح بشراء اغراض الطبخ و وضعها امام الامر الواقع مع الامتناع عن جلب اي وجبة خارجية )

نسأل الله ان يصلح كل زوجين ...
امين

ما ادري ليه مستصعبين طبخ البيت لها الدرجة !!

ادري انه مرات بتتعب الوحدة بس والله مع التعود يصير سهل ولما تتعب فينا الوحدة
تطبخ شي سهل المهم تطبخ!
وفي حلول تسهل على الوحدة فينا زي انها تسوي جدول اسبوعي وتلصقه على التلاجة كل يوم طبخة ماحتحير وحيوفر عليها مهمة التفكير..

لما المراة تكون عيينها ببيتها ومو هامها شي ثاني صدقوني انها تجتهد وتحاول توفر حياة الاستقرار ببيتها

انا اعرف ناس فقيرة المطبخ بسيط على قده والمقاضي قليلة مع ذلك تتفنن وتطبخ
وتصنع من القليل كثير..ياريت بنات اليوم
يحافظون على هذا الشي اللي اورثناه من والدينا واجدادنا بدل الجري وراء الموضا والاسواق وتربية جيل متكل وكسوول..

شاطئ الراحة اتفق معك ما اقول يجب ان تطبخ
حتى وقت المرض والدورة مع انه في نساء
جزاهم الله خير يقومون رغم المرض والتعب ومايرضيهم
يوكلون اهلهم اكل جاهز...

بالنسبة لي يقولون النساء قدرات شخصيا كل النساء بمحيطي
سنعات ويضرب بهم المثل في العالم بأسره
قبل زواجي ماكنت ادخل المطبخ الا ناااادرا وماكنت اعرف اسوي شي
لكن الزواج علمني ولما الوحدة فينا يكون عندها حس المسؤولية
تقوم تتعلم وتحضر اي شي لما ما اكون طبخت او سويت شي في اليوم
احس حالي فارغة وفاشلة فما بال لي ماتدخل المطبخ بالشهور!

والله مصيبة ولم اسبق ان سمعت بهذا على الاقل في محيطي

وفي ناس مامنعها على الطبخ غير الفقر وانها ما وجدت ايش تطبخ
فما عذر اللي عندها مطبخ مجهز ومليء بكل الخيرات!