مادامك اختي ما عملت له شئ ومرده يرجع وانت متاكدة انه هروب من المصاريف والمسؤولية معناه زوجك حابب يحط كرامتك ويذلك فهل تسمحي له بذلك
قوي نفسك وتغلبي على عواطفك ولا تتواصلي معه ابد
يوم يتاكد انك ما راح ترجعي له من نفسك زي ما عودتيه اكيد راح يشوف طريقة يدك فيها بشكل غير مباشر اي ما يحط من كرامته
انت بس اصبري وقوي قلبك وعيش حياتك هذي الفترة مع اهلك وبناتك

مرحبا .. اشكر الجميع على تفاعلهم معي ..
حابه اخذ رايكم بشغله ،،
أنا من جيت عند اهلي وهم الحمدلله مو مقصرين معي ابدا ولا مع بناتي،،
بس أنا ابي طريقة تخلي زوجي يحس بالمسؤليه ويرسل لهم مصروف ..
ف فكرت اخلي ابوي يكلمه ،،
يعني قلت مدام زوجي طردني من بيتي وازعج اهلي وخوفهم في نص الليل ولا همه ف مافيها
شيء بعد لو ابوي يكلمه يجيب لبناته مصاريف ،، لاني من جد ابي احسسه ان هالمره
غير مو زي كل مره اهلي يصرفوا علي وعلى بناتي وهو مو مهتم ولا يقول عيب ومايصير ..

واحب اوضح لكم نقطه :
زمان لما تصير اي مشكله يخليني اسبوع او اسبوعين ب الكثير بس وكان
يمر يشوف بنته ويرسل لها اغراض ومصاريف ..
بس لاحظت بعد فتره صار يخليني ب الشهرين والثلاثه عند اهلي ومعي 2 بنات
وماصار يهتم ولا يجي يشوفهم ولا شيء ،،
مره من المرات لما تصالحنا وقبل لا اجيب بنتي الثانيه سألته كيف يهون عليك
ماتجي تشوفهأ ولا تشتاق لها ولا شيء ! !
قال لأني عارف نفسي لو اجي واشوفها مره خلاص يطيح اللي براسي ومعاد اتحمل اخليكم
عند اهلك ،،
ف اللي فهمته ان الشغله عناد ومكابره وبنفس الوقت يتهرب من المصاريف ..

عموما انتظر رايكم بخصوص ان ابوي يكلمه او لا ،،

خلي ابوك يكلمه ويطلب منه المصروف ويفهمه
مو معناتها ترككم يعني مايصرف عليكم
حتى انتي مازلتي ع ذمته يمشي لك مصروف ماهو بكيفه
وان مارضى اشتكي عليه اطلبي نفقه .. طبعا مستحيل تسوينها ^.^
وان بغيتي قلبه يحن خلي بناتك يدقون عليه من جوال ابوك او اخوانك .؟. ويكلمونه وانتي ماكنك تدرين
بس اهم شي مايجي شي من طرفك وتمثلين عليه انك ماعاد تبينه

صبر جميل وبالله المستعان ..
حسبنا الله وكفى ..

السلام عليكم
ماذا لو كلمه والدك وفهم انه يضغط عليه عشان يرجعك. المهم ان يفهمه انك معززة مكرمة عند ابوك وان ماراح يخصك شئ وان بناته مسؤوليته هو كاب وان لازم يصرف عليهم ومثلا موضوع اللقاح خليه يكلم ابوها ياخذ بنته لللقاح او الدكتور او يجيب لها الدواء اذا مرضت لقدر الله
وكل حاجات البنات خليه يجيبهم ولا تطلبون نقود

أتصور الشي الي صار ببداية زواجكم هز ثقته فيك حيل
طلبك للطلاق عند الباب وانتم خارجين يعطي انطباع عنك انك ما توزنين أمورك كويس وتحاولين تضغطين عليه يمكن يتراجع
من قراءتي للأحداث أنصحك .. كوني مع زوجك واضحة ومباشرة
كلامي للاصلاح فقط ، إن ناسبك فخذي منه ما ينفعك ، وإذا ما ناسبك .. اتركيه .

__________________
## مهم ##
هل تتعرضين للابتزاز في الانترنت؟


هنا من ينقذك

بس يا اختي افاق المجد
لما رحت اشيك على قائمة الارقام المحظوره لقيت فيه اكثر من 3 ارقام محظوره من ضمنها
رقم زوجي وكل هذا صار خلال ربع ساعه فقط يعني في الوقت اللي كان فيه الجوال مع بنتي
وهو اول ماجرب يرسل لرقمه من جوالي طلع له ان رقمه محظور وعلى طول عصب وكبرت السالفه

يعني لو انه صبر شوي وراح شاف القائمه وانه فيه اكثر من رقم محظور مو بس رقمه يمكن كان
صدقني انه فعلا ب الغلط ،،

ومشكلة زوجي اقرب عقاب لي هو الطرد وبس ،،
مهما كان حجم المشكله صغيره او كبيره او تافهه وماتستاهل ..

كل اللي ابيه الحين أني اتفاهم معاه واقول له كلام محبوس بقلبي
.. كثير نصحوني اطنشه ولا ارسل له ولا شيء بس حاسه كذا ماني مرتاحه
ابي اقول له كل اللي بقلبي وبعدها ماعاد يهمني شيء ..
بس خايفه مايسمع مني ..
عدة مرات افتح على محادثته وابي ارسل له بس اتراجع ف اللحظه الأخير ه
لأني خايفه من ردة فعله ..

متردده ..

ياحبيبتي الكل نصحك ماتبادرين بأي شي سواء من طرفك أو من طرف أبوك.
خلاص انتبهي وخذي برأي الاغلبية لان فعلا هذا الصح،
لاتطلبين مصروف ولا تخلين ابوك يناقشه بشي
إلى أن يجي هو ويبادر ووقتها حطوا شروطكم ..
خليه يحس بقيمتك
طنشي وانسي .. طنشي طنشي طنشي..

الأفضل إنك ما تبادرين الآن ، خليه يحس بغلطه شوي
الجئي لله تعالى بالدعاء والزمي الاستغفار
الله يصلح أحوالك ..

__________________
## مهم ##
هل تتعرضين للابتزاز في الانترنت؟


هنا من ينقذك

ليه اغلب الرجال إذا ترك زوجته ف بيت اهلها يكون باله طويل
ويعيش حياته عادي ولا كأنه شيء صار ؟ !
عكس الزوجه تكون اغلب وقتها شايله هم وتفكر فيه ووفي بيتها ومصيرها
وتتم تحبه وتشتاق له حتى لو كان هو اللي غلطان وترضى بسهوله !!

يعني معقول الزوج ما يحس ولا يشتاق لزوجته طول فترة غيابها !
ولا الدعوه بس مجرد كبرياء وتأديب !