براعم.،
مريومة لو منك ادفع التداكر و ما افوت لمة اهلي و احبابي ما دام متعودة تدفعيها .بتنكدي علي نفسك مو عليه احسهم ما يتاثروا بالكلام مثلنا و ينسوا
بسرعة و احنا الي نجلس ناكل في حالنا

__________________

السلام عليكم
صبحكم بالخير و المسرات

ام الدانه
وسعي خاطرك بظن اللي صاير معك قشة قسمت ظهر البعير
نصيبك تتغربي عن اهلك و ان التكلنولوجيا اليوم قربت المسافة مو مثل زمان
مسالة تذاكر البناات. يعني هو قادر يدفع و مو راضي او ما عنده

الله يصلحه و يهديه. بعض الرجال همهم نفسي نفسي

خالة بيتا الحمد لله علي سلامتك ,

__________________

مسكينات النسوان الله يكتب اجرهن امين
ادعولي
ﻻن نهايتي قربت
الله يلطف فينا ويجيرنا امين

__________________
انا لله وانا اليه راجعون

الله يعوض صبرك فرج و رحمة و يرزقك من واسع فضله و ينصرك علي ومن ظلمك

__________________

الله يسلمكم يا رب
الله يفرج همك متفاءلة
ويهدي أخوكي يا براعم .. قوليها بوجهه ليش لأ ؟

الحمد لله أم الدانه .. تروحي وترجعي بالسلامه

__________________

أم الدانة

السيناريو اللي قلتيه يتكرر دايما معايا وفاهمة شعورك عدل

الحين مو وقته تعلميه الدرس انه يدفع ويلتزم

المناسبة هذه ماراح تتكرر ولا تتعوض

حيطلع الويكند وبينبسط واهم شي وناسته ووالله ماراح يفكر فيك

ادفعي هذه المرة بس عشان نفسك ووناستك لانك حتندمي وتنقهري مرة

بيجيبهم بالسيارة ..
يلا المهم يتحمل مسؤوليتهم ويشوف حل للموضوع ..
ترا هم بناته مثل ما هم بناتي ..

انا زوجي يدفع معايا النص

ورغم كذا راتبي كله رايح تذاكر طيران

اعتقد هو يشوف عشان السفرة لي ولمصلحتي فلازم أنا اتكفل فيها كاملة ..
طيب وأنا زوجتك .. وهذولا بناتك ..
وإنت تزوجتني وخذتني من أهلي وملزوم فيني توديني لهم وتيجبني أنا وعيالي ..
عشاني أشتغل خلاص ارتحت وغسلت يدك ؟؟
طيب نتفق مثلا في السنة لي زيارتين على حسابه أو زيارة .. والباقي علي .. ماعندي مشكلة ..
بس هو أبدا ولا مرة بادر من نفسه عطاني وقال قيمة تذاكركم .. ولو أقول له .. غالبا يقول ماعندي ونادرا يعطيني مبلغ بسيط .. وأنا والله مب محتاجة لهالمبلغ اللي يعطيني أياه بس أبي أحسسه بالمسؤولية وإنه ملزوم ومن واجبه يعطي ..
أنا لازم أجلس معاه وأتفق على هالشي ..
أحط بقلبي واحتر وهو ولا على باله ..

وفوق هذا يقول لي استقيلي .. أمس قلت له لو أنا طعتك واستقلت عيل بنحرم من أهلي نهائيا لأني ماعندي راتب آخذ به تذاكر .. وإنت كله تقول ماعندك .. قال لا وقتها برتب أموري .. أقول بقلبي أيه خير إن شاء الله أطلع من شغلي وأطق راسي بالحيط .. والله ما أطلع ..

مرة اقترحت عليه إن نجرب شهر واحد ما أحرك راتبي نهائيا .. نعمل تجربة كأني مستقيلة وكأننا عايشين على راتبك ونشوف هل نقدر أو لا .. وإذا قدرنا بستيل من عيوني ..
ماوافق حتى يجرب .. قلت له تبيني أستقيل بدون دراسة للموضوع ؟؟ وبعدين إنت تنضفط ماديا وأنا وقتها أضطر أتنازل عن أمور كثيرة وعن مستوى تعودت عليه .. خلنا نجرب ونشوف ..
أنا عارفة إنه ماراح يقدر .. أبيه يجرب عشان هو بنفسه يقتنع .. بس حتى التجربة خاف منها ..