والله ومن ردكم وخبرتكم نستفيد

انا تصدقين ماكنت شايفه اني ذاله نفسي
لكن بعد كلامج وكلام ابجد هوز وبعض الاعضاء عرفت هذا الشي

انا تصرفت بدافع اني احافظ على زواجنا وبيتي

مع انه تصدقين فعلا ولاحظت هذا الشي
اني لما اعز نفسي واحترمها ريلي يتمسك فيني
ولما اذل نفسي عشانه اشوفه يسترخصني

الله المستعان
بس انا اقولج تصرفت هذا التصرف لما كنت عاجزه ومكسوره

شكراً عالرد اختي

يوزر قلبي سامحيني على قسوتي أمس بس اللي يقرا مواضيعك يستشف انك إنسانة طيبة إلى أبعد الحدود وبنت أصول ومتربية وتحاول جاهدة تحافظ على بيتها وأنا متأكدة بإذن الله إن الله ماراح يضيعك أمثالك يستحقون الأفضل بإذن الله .. عسى ربي ييسر دروبك

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

حبيبتي يزاج الله خير ، و ثقتي بالله كبيره الحمدلله
وانا احتاج هذا الأسلوب عشان اصحصح وبصراحه تأثرت بكلامكم
واستفدت منه لتطوير ذاتي شكراً جزيلاً

والله فكرة اني اروح المحكمه واطلب طلاق للضرر وايد تتردد على بالي

بس المشكله ماعرف كيف اتصرف
ولا ودي اتعب ابوي بروحه ريال كبير يبغي يرتاح

ماعرف ليش جي يسوي فيني

لا انه يطلق ولا هو يصلح العلاقه مابينا

الحين انتم ساكنين في نفس البيت. ؟ و الا كنتي عند اهلك؟؟
ومن يقوم بامورك انتي تسوقين ؟

ووين يبات يوم يغيب عن البيت هل في نفس المدينة او منشغل في مكان بعيد .. يمكن شغله هذا مسوي له هم كبير و متعب نفسيته لدرجة الانشغال .. خصوصا انك مستقلة وتديربن شؤونك بنفسك خصوصا اذا كنتي تقودين سيارة

معك حق تتضايقين ماراح اجاملك
وانت لك خيار الصبر و انك تدعين ربك يصلح شأنك لان كل شي بيد رب العاللمين ..

اختي استنكار

نحن ساكنين في نفس البيت
بس هو كثير التغيب عن البيت بسبب انشغاله واعماله

احب اوضح نقطه وبكتب بالرموز
نحن ساكنين في منطقه أ
وهو قبل كان ساكن ويا أهله في منطقة ب
تبعد عن منطقتي أ ساعتين بالسياره
وهناك موجود بيت ابوه

وعقب انتقلوا منطقة أ وخلاص استقروا فيها هو واهله وهني يشتغل و شروا بيت

لكن وجود بيت ثاني لابوه هناك في منطقة ب متعبني
فهو لازم كل ويك اند يروح هناك لانه مايصبر عن منطقته اللي تربى فيها
والمشكله الكبيره انه يرفض اروح وياه
دايما يقول عنده شغل وبينشغل ويا ربعه ومابيقدر يتفرغ لي


ف هو راح للمنطقة ب عشان شغل يخلصه هناك
ومن هناك سافر بدون ما ادري لانه بعيد ومافي تواصل

انا اسوق و اوصل نفسي بنفسي
بس اشغال البيت هو يسويها ويخلصها


والله يا اختي تعبت احس مافيني اتحمل زياده
الله المستعان
هالمره بصبر يرجع من السفر واشوف اخرتها
لانه فعلاً اذا ماتغير شي بطلب الطلاق

الله يعينك ولا حول ولا قوة إلا بالله.




الموضوع راجع لك وأتوقع إنه طلقك لكن يبغى يعلمك لما تنتهي العدة.

الله المستعان يا اختي

لا ما اظن انه طلقني
كيف يطلقني بدون مايلفظها
او بدون مايخبرني لا قول ولا كتابه
وكيف بيعرف انه عدتي خلصت

اشكرج اختي عالرد

قبل شوي اتصلت عليه
التلفون كان مغلق

بعدين طرشت له رساله
قلت له وينك ليش ماترد

بعدها بثواني يالي اتصال من رقم خارجي ( للبلد اللي سافر له )
ورديت وسويت روحي مصدومه ومادري انه مسافر

سلم علي وقال انه كان بيتصل لكن سفرته صارت فجأه وبسرعه وانضغط وقال كان المفروض اخبرج بس مداه يخبرني
وحاول يتصل فيني من تلفونه لكن كان فيه مشكله بالاتصال

الله يهديه دايما ويصلحه