إذا تعرضتي لتحرش ( ستري غيرته)
اذا تعرضتي لاي اعتداء ، حدث ، خطر ( ستري غيرته) ... هاذي هي معنى الغيرة ( الغيرة على العرض والشرف والخوف على المحبوب )

اما الغيرة اللي تبغينها ،، فهي تفقدك الثقة ، الانزعاج ، وتصنع حتى الشك بزوجك! لانها غيره على توافه الامور !

موضوع كلامك مع ابو بنتك ، رده فعله حكيمة عاقلة وصحيحة ! ضعي نفسك بمكانه ؟ من الحكمة عدم منعك من التواصل لانه عارفك وعارف اخلاقك وحبك له وحبه لك ورحمة بطفلتك ..

كوضوع الشراب فهو يعتب ك انسانة عاقلة فاهمة وبالغه وعارفة لامور دينها نعم لا مانع من النصيحة ويجب ذلك لانه زوجك ولكن هل هالشي فعلا يدل على غيرته ؟ كثير من الرجال يمنع ويعمل ويسوي من ناحية هالتمور بس هل فعلا معناه الغيرة ؟ ام السيطرة والتسلط ؟ ام هو فقط امر تقليدي اتبعه تبعا لمجتمعه؟

عزيزتي ... اذا فعلا حابة تعرفي جواب لسؤالك اسأليه صراحة وبمل رومنسية واقرأيي الاجابة بعينه ! ..

بكرا تندمي يا ماما وتجين تسألين كيف أخفف غيرة زوجي علي .. ؟

ماشاءالله، الله يباركلكم في حياتكم..

موقفك عن كلامك مع طليقك يظهر مدى عقلانية زوجك، يمكن لأنه عارف إن ما فقلبك مشاعر لطليقك ولأنه واثق فيكِ وفي نفسه..


يمكن الموقف اللّي بقوله ما يشبه حالتك بس يساعدك..

أنا سافرت للخارج مع والدي وكنت أتحجب وألبس بلايز طويلة ما كان يقول شي وكان واثق فيني وعادي أتكلم مع رجال قدّامه أو من وراه وأحكّيه عن المعهد وعن اللي يحصل وعادي أطلع لحالي، ليش؟ لأن واثق فيني الحمدلله..


لكن مع ذلك كان عارف بإهتمام زوج صديقتي بي وسؤاله الدائم عنّي فكان شديد الحرص معاي من هاذي الناحية، ويتضايق لو اتواصلت معاه ولو *لضرورة*، وكان يمنعني أزورها وزوجها موجود، وطلب منّي أحذف رقمه تمامًا لمّا رجعنا لدولتنا وحذرني وكان يحذرني دائمًا منه..

ليش؟ لأنه في سبب يغار ويعصب ويهتم..
وهل هذا شيء حلو؟! الإهتمام بك حلو لكن كونك تحت العين ولو إنك ماغلطتي صدقيني مو حلو ولا يمس الحلاوة حتى وشيء ماحد يتمناه..

حطي عقلك براسك حبيبتي، وحطّي في بالك إنو التعبير عن الحب والغيرة يختلف من شخص لآخر ولو زوجك واثق فيك وما يشك فيك وهذا شكّكي انتي في حبه، اسأليه عن مفهومه للحب ولو ضمنتي مكانك في قلبه انتهى الموضوع..إلا لو انتي في بالك إنو الغيرة *بمفهومك* طريقة اثبات للحب..

وصلى الله وبارك على سيدنا محمد..

شكرا للجميع فردا فردا على ردودكم.

أم مريمي
بالنسبة للشراب هو من الدين وليس من العرف .
والله ما أبغاه يسيطر
في فرق بين السيطرة والغيرة .

طيب أعطيكم مثال كمان
أنا عشان الدين مستحيل أخرج وأحط بأصابعي خواتم ومناكير..أحطها في شنطتي ولما أوصل المكان ألبس خواتمي .. واذا كنت مضطرة للمناكير أحطه وأدخل يدي في العباءة وأنا برة السيارة .. لكن جربت أخرج معاه بالمنكير والخواتم مايقول شي.


نفسي مرة يقول غطي يدك

ماشاء الله عليكي الآن عرفت ليش زوجك ما يغار

لأنه ثقته بيكي عاليه جدا ، هو متأكد من خوفك من الله وتقواكي
بما انك مهتمة بهذه التفاصيل والخواتم والمناكير فأنتي بفضل الله في نظر زوجك إنسانه عفيفه وتخاف على نفسها ليس لأجله وإنما خوفا من الله

ماشاء الله تبارك الله

منطقيا

انتي ماراح تحطين مناكير ولا تلبسين خواتم الا اذا بتروحين زيارات نسائية مو وانتي طالعة مكان عام

بتنزلين من بيتك للسيارة ومن السيارة للمكان اللي رايحة له!

تغطين يدك عن مين؟ عنه؟!

تبينه يصير من النوع اللي يقول لك لا تتزينين حتى لو قدام حريم؟ 😅

تبينه يطالع لبسك كل مرة قبل لاتطلعين يعطيك ملاحظاته سوي ولاتسوين؟ وكانك طفلة مش جاية من عند اهلها متربية وتعرف حدودها والصح من الغلط؟!

كم عمرك ياحور؟

وبالنسبة لاخر نقطة

قصدت فيها

افهمي طريقته وتصرفاته بالتعبير عن مشاعره لك واستمتعي فيها بدال ماتضيعين وقتك وجهدك وتفكيرك بالتفتيش عن تصرفات قد لاتعني له اي نوع من الاستمالة او المشاعر

__________________

اختلافي عنك لا يعني اختلافي معك

من بيتي للسيارة ومن السيارة للبيت صح
بس لما أنزل من السيارة ممكن يكونوا في رجال في دربي وقت المناسبات
وأنا ما أبغاه يشيك على لبسي ويخنقني بس شوية غيرة يافنتي .

في مثل يقال فيه ، احذر مما تتمناه ، هو واثق فيك ، و هذا النوع يثق لكن اذا فهم غلط او شك ، يخنقك خنقة ، وقد تصل الى مضاعفات و اتهامات لا تحمد عقبا .

مواقفك عاديه ما تحتاج غيره الي ذكرتيها
زوجك طبيعي لا تفتحي عيونه على اشياء مالها داعي

بسيطه كل مره تطلعين فيها مع زوجك امدحي رجال غريب عنك

وبعدها تشوفين غيرته

وبعدها تتحول الغيرة الى شك

وبعدها انتي تنبسطين و ترتاحين انك أثرتي غيرته صح ؟؟؟

وبعدها افتحي موضوع " غيرة زوجي قاتله عطوني حل "

ياعزيزتي انتي اكبر من حركات الأطفال هذه
زوجك رجل عقلاني ماشاء الله و شخص رزين ولا كان بعد كلامك عن طليقك كان أقصى شي يسويه
يوديك بيت اهلك و ممكن توصل للطلاق .. شوي عقلانيه يتحرر انتي اكبر من كذا