معليش اخي
يقولون صديقك من صدقك
انا حاسه ان فيه شي بخاطر زوجتك عليك وانك مقصر عليها
ولو تحي تكتب بتكتب اشيا وممكن نتعاطف معاها اكثر
ممكن تذكر وش الانتقادات الي قالتها لك بالضبط ووش انتي شايف سلبيات نفسك
اخي غير بنفسك وبتشوف التغيير
سفر سفرها ترى مصاريف السفر ارخص من الزواج الثاني

صح اكيد ان فيني عيوب وسلبيات لكن الشكله انا جلست معها كثير وكنت اقولها سلبياتها واطلب منها تقولي سلبياتي لاني انا ماعندي قصة المكابره على الخطأ او اتحسس لا بالعكس حتى اقسم بالله من الاشخاص العاديين بالنسبه لي اذا قالوا لي نقد معين اسكت وافكر فيه هل فعلا موجود فيني وانا ماني منتبه او انه تبلي وخلاص
طيب اختي لو فرضنا اني انا مسوي شي او فيني عيب وهي ماتبي تقول
ايش علاقة العيال في الموضوع
مثلا من زمان ماشفت تاخذ العيال تروشهم مثلا الشغاله هي اللي قايمه فيهم
مع ان عندنا بساس ماتخلي الشغاله تلمسهم هي بنفسها اللي تنظفهم وتعتني فيهم!!
من زمان ماشفت تمسك كتب الولد وتذاكر له
صايره تلعن عيالي على كل طالعه ونازله
ونبهت عليها كثير اللعن ممنوع وبرضو تلعن

ارجع واقول ان ممكن فيني عيوب لكن عيوبي المفروض تقولي عليها

اما موضوع السفر اختي لاتظني اني بخيل لو تعرفي شخصيتي زين عرفتي ان هالصفه بالذات بعيده عني ولا احب اللي يحملها
لكن نا اتكلم عن السفر بشكل عام انا سافرت معها كذا مره لكن اقصد بشكل عام ماكل وقت تبي تسافر اكون اقدر اقصد يكون فيه اولويات اهم من السفر وقتها فـ اجل موضوع السفر

فعلا فيه نساء مهملات من طبعهم
وفيه من تمر بذلك بسبب ظروف
الأخ يستطيع تحديد هل هي مهملة بشكلها في بيتها و هذا طبعها من زمان
او يتوقع ان هناك سبب مثل ضغط الأطفال ،،المزاجية،،الاكتئاب ،، السمنة،،،روتين الحياة في البيت و الملل

__________________

لا اخوي ماكانت كذا ابدا
المزاجيه هي مزاجيه بقوه يعني ممكن بدقيقه تقلب

اخي تجنبت كثيرا ماادخل موضوعك

ولكن حين رايت الكثير من التخطبات في التخمينات عن شخصية زوجتك اضطريت ادخل

اخي انا اعلم ومتاكده ان هناك امر وقد كان هو القاضي على زوجتك

اذا كانت تسولف وحياة طبيعيه وبعد فتره تغيرت واصبحت بس ترد عليك للضروره
ومع صحباتها تعيش حياتها بالطول والعرض

اخي ماهو الامر او حادثه حصلت منك اتجاه زوجتك جعلها تنتكس وترى انك ماتستاهلها

اخي تصدق من خلال حوارك عرفت شخصيتك وعرفت شخصية زوجتك اكثر

هل انت كثير تنتقدها ؟؟
هل سبق وخنتها بااي امر سواء مكالمات او خلافه ؟؟

هل حصل امر جعلها تسحب بساط الثقه من تحت قدميك ؟؟

اخي زوجتك وااااااضح فيها علامات الجفاء ومااصعب الجفاء
اتمنى تجاوب كي نساعدك

هلابك اختي
اختي انا سبق وطلقتها بس اسبوع ورجعتها
ممكن يكون هذاالسبب؟
مدري بس كنت معذور وقتها او اعتقد اني معذور
بس قبل اقولكم قصة طلاقها ابي اقولكم شي بشخصيتها غريب عجيب
عندها تحليلات للمواضيع غريبه والمشكله انها تتعامل مع تحليلاتها على انها واقع وكانها شافته بعيونها وهو خطأ لكن لايمكن تشك ان توقعها خطأ حتى لدرجة انها تقسم بالله انه صح
بعدين كل شي له معنى عندها حتى الحلم
مثلا حلمت باي شي تحاول تفسره على كيفها وتمشي على هالاساس!!
اقولكم قصة طلاقنا كان عندي دوره لمدة اسبوع وعشان اننا ساكنين بمدينه غير مدينتنا خليتها تتصل على اخوها ويجي عندها هالاسبوع
المهم رحت لما رجعت رجعت دخلت البيت وسلمت سألتني سؤال غريب فتحت فمي دقيقه من السؤال وجراءة السؤال قالت لي هاه شبعت بنات!!
قلت ايش عشان اتأكد ان اللي سمعته صحيح
فـ عادة نفس الكلام علي
المهم الكلمة هذي اوجعتني بصراحه هذي كلمه تنقال لزوجك اللي توه جاي من سفر بدال قولت الحمدلله على السلامه
المهم مارديت ودخلت غيرت ملابسي وابي انام او بالاصح اتظاهر اني ابي انام وانا كلمتها تاكل وتشرب بصدري بس عشان مايتطور الموضوع حاولت اتظاهر اني تعبان وابي انام لاني حسيت ان اعصابي بدت تفلت
لحقتني للغرفه ونفس الكلام تعيده فقلت لها وش تقولين انتي قالت اقسم بالله انك نمت مع بنت البارح قلت اعوذبالله وتقسمين بعد وتعيد القسم مره ثانيه قلت لها طيب ايش اللي خلاك متاكده لدرجة تحلفين قالت لاني طلعت السوق البارح وفيه واحد حاول يتحرش بي فـ عرفت انك جالس تزني !!!!!!!!!!!
انا بهت بصراحه يعني كل وحده يجي حقير يقولها كلمه بالشارع يكون وقتها زوجها نايم مع وحده!!
وانا اقسم بالله اني مظلوم المهم قلت لها تعوذي من ابليس وتغطيت وتسحب البطانيه تقول طلقني انا ماني مصدق يعني فيه كذا المهم كلمه مني وكلمه منها طلقتها وبعد اسبوع توسطوا اهلها ورجعتها ورجعت اخس من اول
اما عن الانتقاد اذا كان الخطأ مو لازم يعدي انتقد نعم

متى صار هذا الطلاق ؟؟

يمكن تكون زوجتك تغار من طبيعة عملك ووسوس لها الشيطان ... يعني مو موضوع أنه أحد تحرش فيها وبس .. يمكن في تراكمات بداخلها من هذي الناحية (الغيرة)

__________________

تغيرت هي بعد مارجعتها على طول
هل ممكن هو السبب ؟

نعم ممكن جدا يكون السبب ..

زوجتك ببالها حاجة ... في موضوع مأرقها ..

أنت جرب مثل ما قلت لك وخلي هالمرة جلستك معاها مختصة بالأمور الرومانسية ... عتاب حبيب لحبيبته .. مو زوج ولا أب .
يمكن تكونت عندها قناعة بأنك ما عدت تحبها . ورغبتك بممارسة علاقتكم الخاصة ترى مو دليل حب عند المرأة نهائيا ... عكس الرجل .
فحاول خلال جلستك معها تقنعها بأنك تحبها وبأنك ما تشوف غيرها ... وخليك مستمع جيد ..انصت لها واعطيها مجال تتكلم حتى لو احتجت أنه يكون في لحظات صمت بانتظارها تتكلم ...
بالبداية ممكن أنها تستنكر وتكذب مشاعرك لها ... لا تتضايق وتزعل منها ... استنكارها هذا دليل على حبها لك وعلى أنها محتاجة منك تأكد لها .

جرب وارجع قول لنا النتيجة حتى نفهم أكثر

__________________

هذه واقعة الطلاق.

__________________


اللهم طِيبَ الأثر .. وحُسْنَ الرحيل.