في البداية بعد ماتتفاهم مع زوجتك أكيد راح تقولهم انها على وشك الطلاق ..
هي بتمهد لهم الموضوع بعدها أنتظر كيف راح يتصرفو !!
لان الانفصـال ماراح يتم بين ليلة وضحاها بالتأكيد بتحصل مهاترات وشد وجذب بين العائلتين وتدخلات لإصلاح الوضع ,,
فإذا بادرو واتصلو فيك تكلم مع والدتها أشرحلها كل شي وان شاء الله راح تتفهم وفي الأخير يهمها سعاده بنتها حتى لو كانت في الطلاق ..

وأرجع اقولك أعطي خبر لأهلك بالتدريج خصوصا كما ذكرت انهم أصحاب امراض - شفاهم الله وعافاهم - لاتنفع لهم الصدمات المفاجئه ..

أسأل الله ان يسهل أمورك ويصلح حالك ويعينك على الخير ..

شوف انا بتكلم بالعاميه لانه اخر الليل و ما عندي قدره عالفصحى*

شوف و انا اختك.... ما في ام بتقبل الطلاق على بنتها.... لو شو ما كان...*

اول شي انت قول لزوجتك ان خلاص ايامنا كمتزوجين صارت قليله و ان شا الله بترزقين باللي احسن عني بس عطيني فرصه امهد الموضوع للاهل و بعدين بنهي كل شي... طبعا ييبها بطريقة افضل عن طريقتي.... هي اكيد متوقعه هالشي بس على اعصابها و ما تعرف متى بيصير

اتوقع انها راح تقول لامها... و في هالحاله انت ارتحت من انك تكلم مرت خالك


سالفة مرض امك و ابوك و العايله الكريمه كلها.... اقوووولك و انا اختك عطه طناااااااااااش.... ما في حد مب مريض في هالدنيا.... بس تبلغيهم بالموضوع يكون على فترات مثل ما اقترحت اختي ملائكيه...

كل يومين مب كل يوم لاااا كل يومين افتح الموضوع مع الوالده و الواااالد.... خلك على هالموال ثلاث اسابيع.... من الصوب الثاني اكيد بيت خالك راح يعرفون بالموضوع و اكييييييد بتواجه معارضات و تهديدات عااااد هالمره لا تضعف.... قول الله يوفقها و ما شفت منها الا كل خير بس ما اقدر اقبلها كزوجه



الوالده و الوالد قوووول لهم تراني ناوي اطلق... و اذا قالوا عن العصيان و بر الوالدين ترى الزواج ماااااا يخصه في بر الوالدين....*

اثبث على رايك و الله يفرجها عليك و عليها....

اسال الله عزوجل ان يرزقك الزوجة الصالحة التقية النقية جميلة الخُلق و الخَلق... و ان تقر عينك بذرية صالحة منها.... و اسال الله عزوجل ان يبدلها بزوج أفضل منك تقي نقي زوج صالح يعفها و يحبها و يرزقها الذرية الصالحة منه..... اللهم امين امين امين

الله يجزاك خير بالنسبه للناس كلهم عارفين يعني امها ابوها وكلهم عارفين كرهي لها واني مجبور عليها .. وزوجي قلت لها كل شي وقلت لها انتي قولي لهم وقالت ماقدر اقول لهم ؟؟ واانا قلت لها كذا عشان توصل لهم الفكره وااكيد مليون بالميه انها قالت لامها عن هالشي بس ساكيتن ؟؟ وش اسمي هالسكوت ؟؟ ينتظروني انا اتكلم يعني عشان كذا قلت لك هل اصارح امها والا لا؟؟

الكل ينتظرك تتكلم.... سو الطريقه اللي ملائكيه قالت عنها.... ثلاث اسابيع... بعدها ودها بيت اهلها..... بس قوووول لها انك راح تطلق بعد ثلاث اسابيع لان حتى لو هي حاسه و عارفه بعد راح تنصدم... فعطها خبر من الحين...

انت ليش تبا تقول لامها؟؟؟ علشان تحصل مسانده منها في موضوع الطلاق؟؟؟ ما احس له داعي تقول لها.... او ممكن في الاسبوع الثالث بس تعطي خبر انك راحرتطلق...

اخاف تدخل في دوامة اهل كبيره اذا وايد اطراف عرفوا بالموضوع...

فنهد للطلاق مع الوالد و الوالده هالثلاث اسابيع.. و تحمل اي كلام منهم...

و لا تقول صعب اكلم الوالد و الوالده... كفايه خلاص....هو قرار و اتخذته.... استخير و خذ بالاسباب...

السلام عليكم
الله يفرج همك ويسرلك امرك
اخوي مشكلتك انك بعد 3سنين جاي تتكلم ترا كثييير
اعطي نفسك اسبوع شيل الافكار الي براسك حاول وحاول صدقني هي فكره وتعود عليها العقل
هي مسكينه مالها ذنب بهذا كله مثل منت مبتلي هي مبتليه بعد الاسبوع شفت نفسك خلاص فشلت ...اجلس معها وفهمها وعلمها انها ماقصرت معك وقولها الف واحد يتمناك حاول ماتكسر فيها
وودها لااهلها وارسل ورقتها خلها تعيش حياتها وترتاح وانت ريح نفسك والي يزعل من اهلك اصبر عليهم وراضيهم وفهمهم وانشاء الله انهم بيرضوا الحمد الله مافي اطفال كان الوضع اسواء من كذا

لاحول ولاقوة إلابالله..الله يفرج همك

أخي ما فكرت تعدد ؟

(ربى إنى مسنى الضُر و أنت أرحم الراحمين ) ردد الدعاء هذا

والله يفرج عليكم

إذا صعبه عليك لا تدفن نفسك
إستخير ربك وانفصلوا
والله يكتبلكم الخير

الحياة الزوجية استقرار نفسي
وسكنى للزوجين
فإذا وصلت للمرحلة هذه يستحيل العيش
لنا في الانفصال الحل النهائي
وحط خطين تحت النهائي

ربي يوفقكم ويعوضكم كل خير

كان الله في عونك اخي
والله ان قصتك تشبه قصتي ولكن انا صار لي 10 سنوات ونصف 4 ونصف ملكه و6 زواج.
قبل كل شي استخير .
الله يفرج همك وهمي وجميع المسلمين .