توك تصحي ؟؟؟؟؟؟؟؟

.
.

من أول تخربي بيتك بيدك يا ( أحبه )
و نحن نحذرك ..

معاه حق بسالفه المطاعم
ماعمرك طرحتي مشكله الا في ضمن السالفه مطعم
وحتى بهالمشكله قبل ماتحطي رساله زوجك
لفت انتباهي سالفه المطعم

والله العظيم صرت اطبخ بالاسبوع من 4الى5مرات .. مرة او مرتين بالاسبوع اللي يجيب اكل من المطعم... والله ظلمني بهالنقطة ..

ووزني قاعدة انزل فيه .. بس فعلا زي ماقالو الرجال يحب المراة اللي تدلع وتحب نفسها وماتحرم نفسها شيء .. وهذي غلطتي كل همي حياتنا ومستقبلنا وحرمت نفسي من كل شيء ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

والوزن يا لست مغيري
حطيتي موضوع بقسم الرياضه وسحبتي عليه

ماعندك رغبه جديه بالتغيير

فيه شي ما علمتينا عنه!
كيف يدخل عليك يقول ايش هذي المهزله لمي اغراضك بدون سبب؟
وبصراحه حتى انتي غلطانه
يعني ما اتخيل يدخل عليه زوجي يقول ايش هذي المهزله لمي اغراضك
واقوم الم كاني انسان الي بدون اسال ايش فيه وش السبب!!!
الا ان كنتي عارفه وتبغينا نستنكر على زوجك وانتي عارفه السبب!

عارفة اني غلطانة .. وغلطانة في شغلات كثير بعد..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

طيب قولي لنا ليش قال كذا في هالموقف ؟؟

__________________

اول ماركبت السيارة عند بيت أهلي كان معصب وقال الواحد يكون رايق الين مايجي هنا .. بصراحة حز في نفسي هالكلمة .. ولو تدرين صرت مااروح لاهلي الا كل اسبوعين عشان عصبيته لما يوديني لاهلي .. المهم .. بعدين سكتت وماتكلمنا .. سألني عن حال امي رديت عليه .. وسكتنا .. قام يقولي اعطيني هويتك اتأكد منك لاتكوني من واحده من اخواتك وركبت بالغلط وتستحي تتكلم .. سألني مانمتي الظهر قلت الا .. قال يعني مافيك نوم .. قلت الا والله فيني .. وانا من جد تعبانة ونعسانة .. المهم طلعنا البيت ونمنا .. صحي هو على الجمعة وصحيت انا سويت الشاي وجاء من الصلاة فطرنا وحنا ساكتين .. حسيت ببرد وتعب ونوم .. رحت المجلس لانه دافي ونمت .. جاء بعد العصر وقال وش هالمهزلة .. إذا ماتتركي هالمهزلة جمعي اغراضك اوديك بيت اهلك .. جمعت اغراضي البسيطة ووداني بيت اهلي

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

لاتاخذين اضطراري
ردات فعلك دائما فوق الموقف
اللي صار بينكم نوع من الانفجارات الزوجية الطبيعية
بس اللي لازم يصير انك تستفيدي منها
زوجك من مواضيك مو كامل لكن يعتبر من فئة أحسن الرجال..
مدلعك ويراعيك ولاعنده لف ودوران وحركات مريبة منضبط ولسانه ما فيه بذاءة .. فيه عيوب بس ككل البشر مافيه كمال

أنتي برضو والنعم
بس بما انك طرحتي الموضوع
خلينا نركز عليك انتي
مشكلتك تأخذين كل كلمة على محمل الجد
مثلا يوم قالك لمتى هالمهزلة كان وقفتي وقلتي أي مهزلة وبينتي له انك كنت تعبانة من تأخر العذر وأنك لو عارفة ان هالشيء يضايقه وقفتي..ترا من تجربة 13سنة كلمة لو عارفة انه يضايقك ماسويته تغير مسار الإشكال 180درجة
وأنتي فعلا ماكنتي عارفة انه يتضايق..

رقم 2 مرة ثانية لاتطلعين لأهلك وبينكم وقفة خاطر ابد الابدين
ارفضي واخترعي أي سبب لاتقولي كرامة وخرابيط كرامك ببيتك صدقيني..

داومي واذا رتبتي افكارك تماما وهديتي وقتها روحي لبيتك علشان تسكرين معه هالملفات..

هو يعرف ان الدورة متاخرة واني تعبانة وقلت له عشان ماياخذ في خاطره اذا تضايقت او قصرت في شيء من حقه .. بس للاسف ماقدر .. مع ان دايم اقوله ان الواحدة وقت الدورة تمر بتغيرات وهرمونات هي اللي تتحكم بنفسيتها.. لكن لاحياة لمن تنادي

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..