هو فعلا بطل وماشالله عليه.. بس ممكن يصير بطل الابطال "عند رب العالمين" لو يسمع زوجته وهي تشكي وتبكي وياخذها بحضنه .. الله يبعد عنهم الزعل يااارب ويرزقهم توام ذريه طيبه تملى عليهم دنياهم

__________________
حاسه حالي لحالي بالكون وكل الناس وأهلي حوالي .. بس لأنه غاب عن حياتي """ بس الأكيد انه راح ييجي يوم وأرجع فيه ... لناسي وأهلي اللي أخذني منهم وخلاني لحالي

اخي المتفائل بارك الله فيك
انت نادر بهذا الزمن الذي ارى الزوج ينحاز لزوجته ويزعل لزعلها ويرضى لرضاها!
صحيح انك ماسمعت لزوجتك بس هذا الشي اعطاها درس انها تحذر من
ان تزعل والدتك وان تعلم بأنك بار بوالدتك ولن يرضيك زعلها
ماشاءالله عليك.

ليس عيبا ولاينتقص من رجولة الرجل إن زعل لزعل زوجته ورضي وفرح برضاها .. ومشاركة الزوج مايحزنها ومايفرحها وإظهار التعاطف معها ليس بالضرورة يعني انحيااااااااز لها ..

الانحياز هو حين يغمض عينه عن الحق ويقف معها حتى إن كانت مخطئة ..

لذلك يجب على الرجل أن يحقق التوازن بين حق الأم وبرها والحفاظ على شعورها وكرامتها وبين حق الزوجة والحفاظ أيضا على شعورها وكرامتها لأن زوجته هي أيضا أمّ أمّ لأولاده من حقها أن يحفظ لها كرامتها أمام أولادها..

ولست أعتقد أن ذلك بصعب أو مستحيل .. يحتاج فقط حكمة والتروي في ردات الفعل .

ربي لايتوهلنا رأي .. ويحسّن من أخلاقنا.. ويحسن خاتمتنا جميع .

__________________
بالغار كللت أم بالنار ياشام ..أنت الأميرة تعلو باسمك الهام ..

هذي نصيحه من عدة مشايخ دين سمعتها و الله على ما أقول شهيد...

الزوج في خلافات الزوجه و الأم أفضل حل له "التغابي" ياخذ بخاطر الإثنين... طبعا إذا ما كان في ظلم واضح من طرف للأخر... يبين للأم ان الزوجه ما تقصد و انها بمكانة بنتها.. و يبين للزوجه ان الأم ما تقصد و انها بمكانة امها... يعني يمسك العصا من النص...

و ان شاء الله ما يجي يوم من الأيام و تتذكر فيه كلامي... ان مب كل الأمهات مثل أمك و مب كل الحريم مثل زوجتك.. الأعضاء ما قصروا و شرحوا هالنقطه بشكل جميل...

الاخت دانه
انا متزوجه واتمنى لغيري مااتمناه لنفسي
الذي قصدته بزعله لزعله ورضاه لرضاها ليس كما فهمتي
الذي قصدته انه ينحاز لها سواء كانت ع حق او باطل وخاصه مع الاهل
اصبحوا الاهل يخافون من زعلها لكي لايزعل ابنهم حتى وان كانت المخطئه
انا اتكلم من واقع تجربه ولا اتكلم من فراغ اتكلم عن مجتمع وصل بهم الحد من محاسبة الاخوات حتى عن مشاعرهن تجاه زوجاتهم حتى تدخلوا بالنوايا ورفع الصوت ع الام من اجل الزوجه للاسف!
ومازلت اشجع موقف المتفائل وفي تفس الوقت لا اهمش زوجته انا اوافقه بأن لايرضى الكلام ع والدته وان لايدخل نفسه بين مشاكل الحريم
وكل مجتمع يختلف عن الاخر

اسلوب مستفز صراحه واذا امك تدوس على زوجتك بحجة انها بنت امس وامك عجوز
زوجتك ماعرفت تعبر عن الي بخاطرها لما قالت تعال شوف امك وهذا دليل انها كانت مقهوره وان امك سوت غلط كبير
والدليل ان امك اتصلت عليك تبي تبرر موقفها وحضرتك عطيت امك جوها ورحت سمعت القصه من اختك
وزوجتك ضربت فيها الحيط
وامك مالها حق ترفع صوتها على زوجتك مهما كان غلطها في النهايه هي بنت الناس مو بنتها
ذكرتني بقصة صارت لي اول زواجي مع زوجي امه غلطت بحقي وانا سكتت ماقلت لزوجي وامه مثل امك
راحت تبرر غلطها لزوجي يعني ماكلفت نفسها تبرره لي
وزوجي سوى مثل ماسويت ولاهمه شعوري ولا موقفي
قسم بالله الموقف صارله اكثر من ثلاث سنين ومازل جرحه بخاطري مابرى ومن ثلاث سنوات وانا اسجد وادعي ربي
فذا زوجتك ماهمتك خاف من دعوتها عليك وعلى امك

معليش اذا انتي عادي عندك يشرشحك زوجك ويحقرك ولا يطيب خاطرك اذا حصلك موقف مشابه من والدته ...وتعتبرينه درس جيد
فغيرك لا ..
ولو زوجي يسوي تصرف المتفائل هذا،،، يعني انه اعطان درس في الحقد على والدته ...

والحريم انواع
صنف ينفع معه العين الحمرا بمثل هالمواقف
وصنف تنفع معه الكلمه الطيبه ويقدر يجيب راسها بالكلمه الطيبه

صح انتي متزوجه بس شكلك تغاري من زوجات اخوانك ومقهورة ليش اخوك يوقف معاها ومايدفنها تحت رجولك ويبرد غيرتك

البر بالأم والأب لا يتنافى مع حقوق الزوجه والأولاد.
طاعتهم واجبه إلا في معصية الله ، والظلم مو هين، والأمانه مو كذا تتعامل.

عموما الرجال الذكي يبعد النسوان من بعض، مو يجلس يعيشهم مع بعض في بيت واحد وكمان يدوس على راس الضعيفه عشان مالها أهل ولا سند في البيت غيره ..

_________
اخي المتفائل انت ماشاء الله كتبت المشكله وحليتها من عندك وبررت موقفك
طيب ليش عرضت القصه؟

عشان تكون قدوة للرجال؟ ولا تريد ثناء ومديح؟ ولا حاسس انك غلطت؟ او حاسس بالذنب؟

أنا لو مكان زوجتك بنقهر وبقول في نفسي هذا مو رجال جايبني من بيت اهلي عشان يصرخ علي يستعبدني هو وأمه.. اخواتك تهزأو من امهم عادي، أما هي لا مو بنتها.

لو مكان مامتك بقول ليش ولدي ما أنصف زوجته وأخاف اني اظلمها في يوم وماحد يوقفني عند حدي، واصر على ولدي يطلع برا البيت مع زوجته .

ولو اني مكانك ببعدالنسوان عن بعض، واطيب خاطر كل واحده بكلمتين واصالحهم .
موقفك يجي منه شوي
بس فهم زوجتك وابدي لها انك مايرضيك زعلها. ولا يهون عليك ذلها .

الاخت fetkaالله يعين اهل زوجك عليك
مافي مجال للغيره بين زوجة الاخ واخته
ولله الحمد نعتبر زوجة الاخ اخت جديده لنا ولم اتكلم عن حياتي
لكني تكلمت عن واقع يحصل في مجتمعي كثير
انا لم اهمش الزوجه ولها حقوقها والاخ المتفائل في اكثر من موضوع له باين انه تعامله راقي مع زوجته
وكبر بنظري بإحترامه لامه واكيد هو عارف زوجته وكيف يتعامل معها
احترم الرجل الذي لايدخل في متاهات الحريم ومشاكلهن