بصراحه أنا حاولت إني أتقمص شخصية زوجي لاكن ماحصلت شئ أتمناه ومالقيته فيه الحمدالله وماشا ء الله تبارك الله زوجي في داخل البيت وخارج البيت مومنقص شئ عليه ومرتاحه معه
يساعدني في البيت ويحس فيه ومعطيني الأولويه بكل شئ بحياته وحنون وفوق هاذا كله فاهمني لوبغيت شئ يجيبه قبل لا أقوله أحيانا أحس إن تفكيرنا واحد حتى وجبات الأكل أحيانا يطلب شئ يكون نفس اللي أنا أبغاه وأحيانا أنا لوطلبت شئ يطلع نفس إللي يبغاه لوكنت جالسه وقلت آه قال سلامتك يوجعك شئ بصراحه ما أقدر أسوي كل إللي يسويه لي وفوقها عشت معه الحين عشرين سنه ماعمره جرحني بكلمه ولا رفع صوته عليه الله يخليه ويحفظه لي يارب بس تدرون أنا بتقمص شخصية زوجه حزينه ومكتئبه وزوجها مايعرف حقوقها ويضرب ويسب ويشتم مره قاهر زوجته تدرون لوأنا زوج هاذي الشخصيه وش أسوي أصبحه عقال وأمسيه عقال وأفقع قلبه يصلح الغداء أقول ماعجبني إطبخي غيره وأخليهاتطبخ وأقول شبعت ماعاد باكل
تغسل الملابس أقول وسخانه عيدي غسيلها تنظف البيت أشيل الفصفص والفاين وأوسخ البيت كله وأقلبه حوسه وأقول لها نظفي تبغى مكان أقول لها تجهزي أخليها وأروح أنام تقول ودني أصحى أجلد ظهرها بالعقال عاد حنا بالخليج عندنا عقال يجلدون فيه حريمهم
والسموحه موالكل البعض ودي أسأل خواتنا العربيات ويش أزواجهم يستخدمون في وقت العقاب لزوجاتهم
إللي عندها علم تقوله لي طيب خلوني أواصل عقاب هاذي الزوجه المتسلطه
أحرمها ماتكلم أحد لوجيت وهي جالسه تقرأجريده أشيلهامن يدها وأقطعها ولوجيت وهيه عند التلفاز أسكره عليها
ولو حريم من زميلاتها أفتح الباب وأقلهم إنقلعوا ماخربتوا زوجتي إلا أنتم وما أوديهاالسوق في السنه إلا مره تاخذ لها ولعيالها من لبسه وحده بس تكون حق عيدين أقول لها جيبي شاي وقهوه وأخليها تجيبها بعدين أذوق فنجان القهوه والباقي علا راسها يالله شيليها من قدامي أنت أهلك ماعلموك كيف تصيري
ربة منزل وبعدين لوجت غرفة النوم بتنام وهي متكشخه ومتهندمه وريحت الطيب علا بعد متر أقول أووووف وش ذي الريحه الخياس شكلها منك يا الله علا الحمام وأنتم بكرامه تسبحي ريحة الغرفه قلبتيها باأخليها لك وأروح أنام بالمجلس وأي شئ تناقش فيه علا طول أكتمها وش دخلك أنت إهتمي بنفسك وبيتك أول ولاتحشرين نفسك ترين هاه
هاه العقال الظاهر جلدك حنه للعقال ياالله عل المطبخ لأخلي العقال يسوي حرف إكس بظهرك وأخليها في اليل تنام إلين تنصف نومها وأصحيها قومي سوي لي عشاء كبسه جت نفسي فيها الحين وأخليها تظبطها وبعدها أقول خلاص حطيها بالثلاجه وسوي لي سندوتش خفيف بالجبن لوإعترضت وقالت حرام عليك ليش تسوي فيه كذا أقول لهاحتى يخلص دور شخصيتي إللي قلدت فيهاشخصية الزوجه المظلومه ويش بتسوي في زوجها الظالم لوحصلت فرصه وتبادلوا الأدواربينهم أتوقع أي زوجه زوجها يعاملها بقسوه لوحصل لها
وصار العكس بينهم بصراحه بتسوي فيه أكثر من كذا .
أنا عن نفسي زوجي لوقدر الله وكان تعامله معي وقح وقاسي وأخذت أنا زمام الرجل وهو المرأه حتما سأسقيه الكأس مرا وأتلذذ وأتفنن في رد إعتباري وكرامتي وهذا جزء بسيط فقط من التأديب والله ماعاد إلا هي أوديه كوفي شوب وأعامله برومنسيه وأدلعه وهوكان موريني الويل خلوني أعطيه لومن بحره قطره يذوقها بس لوكان طيب معي ماعاد أناديه إلا يعيوني يعمري
يحياتي وحنا طالعين من البيت نتمشى بسياره أمسكها بيدينها وأفتح باب السياره
وأخليها تركب وأنا أرفع رجلها الثانيه لبطن السياره واسكر الباب برقه وهدؤ وأسوق السياره عاد آه ياحلوها لوكان نظامها آلي السياره يدي الثانيه بيد زوجتي حتى نوصل لوجهتنا وبعدين أوقف السياره وأفتح الباب للمدام وأمد يديني وحده لشنطه ووحده ليدها وأرمي بوسه علا كفها الناعم وأمسكها ونتمشي وأي شئ تطلبه بس أمري تدللي ياحياتي أطلبي وأنا البي حتى لوكان نبض من قلبي ونجلس أنا وياها بمكان هادئ وأطلب نسكافيه وإلا كبتشينوا وأجلس جنبهاوأحط يديه بوسط يديها وأقول لهاالحين بهاذي اللحظه زوجك يحس إنه ملك كل العالم بيديه يا أجمل إمرأه وأغلى جوهره وبرضو لما أجيب أكل أو بسكوت اوفاكهه أقوم أوكلها بيدي إلين تشبع وبعدين آكل بنفس ملعقتها وأعيشها أحلا أيام عمرها وهاذي بعض المقططفات بس فيه أشياء ثانيه باقي بس تعبت من الكتابه أصابعي أوجعتني من كثر الطقطقه علا الأزاريربس علشان شفت صفحاتكم كثرت قلت خلوني أدلي بدلوي مع الدلاء وحاولت يمين يسار ماطلع معي غير إني أتقمص شخصيتين شخصية واحد يحب زوجته وواحد يعذبها تعذيت
والمثل قال إزرع خير تحصد خير وتزرع شر تحصد شر وألف شكر لأختنا أحب زوجي وكلنا ترانا نحب أزواجنا مافيه إلا أنت تراني بشتكيك للإداره أنت ماتحبين زوجك أكثر منا ترين أنا قلبي وزنه كيلو يعني أكبر من قلبك يعني أنا أحب زوجي أكثر منكم لأنه وزنه ثقيل وسعته أكبر وبسجله بموسعة غنس مدري عنها وش إسمها بس بدعيلك وأقول يارب إنك تخلي زوج أختنافي الله أحب زوجي يحبهامثل مثل ماتحبه وأكثر وأدم سعادتهم يارب وألف بين قلوبهم وأجعلهم وإبتلي كلن منهم بحب الآخر حبا جما ووأثقه في قلوبهم وزدهم خيرا من فضلك يارب مع تحيات أختكم في الله وسامحوني أطلت عليكم بمشاركتي بس بجد حاسه إني بين أهلي الله يعافيكم كلكم.
01-11-2010, 06:28 AM
أستمتعت بقراءة ردك الله يحفظ زوجك لك ويحفظك له ويزيدكم ألفه ومحبه ويبعد 
ضوابط المشاركة
العرض العادي
