08-03-2009, 01:07 AM
|
المشاركة الأصلية كتبت بواسطة أحب أبوي..
عادي كل الحريم يخافون من الزوجه الثانيه!!
واتوقع انه زوجتك قاصده تقلل من نفسها عشان تشوف ردكـ على كلامها وقد ايش انت تحبها.. فحاول انك تدعمها وفتره وتصير أكثر انسانه واثقه بنفسها.. (: |
08-03-2009, 01:09 AM
|
المشاركة الأصلية كتبت بواسطة توته وزوجها
حاول تفهم ليش زوجتك كذا
انا تعرضت لمضايقات وانا صغيره وهذي هزت ثقتي للحين سواء من الاهل او المدرسه واذا قالت لك بحاجه حاول انك تداريها وتدلعها ولاتحسسها انو في فرق بمعاملتك |
08-03-2009, 01:21 AM
|
المشاركة الأصلية كتبت بواسطة رجل طيب جدا
اعتقد ان مشكلة زوجتك الاساسية تكمن في قوة الجانب النـظري لديها وفي المقابل لا تملك الادوات اللازمه لتجسيد وتحويل الكثير من الجانب النظري لديها الى واقع عملي بصورة ترضيها .
فهي لا تشعر بأنها اقل من الباقين بقدر شعورها بأنها كان من المفترض ان تحقق في الجانب العملي اكثر بكثير مما حققت قياسا بما تملكه من تقدم وفكر في الجانب النظري . |
08-03-2009, 01:28 AM
|
المشاركة الأصلية كتبت بواسطة green222
حلو الآن الاخ زحمه وزوجته معنا
يا سلام رح نطلع بإذن الله بنتيجه مرضيه مدام زحمه الشيطان ما لقى مدخل يدخل عليكم الا انو يوسوس لك انو زوجك رح يتزوج عليكي الاحباط كلنا عنا احباط انما انا عامله احباط للاحباط نفسه من جهة ترتيب الناس اكثر منك فانا ما اعتقد لان كل شخص في الوجود عنده نقص بشيء ما ولو اننا لا نراه يعني الناس تحاول اخفاءه عنا بجهد كبير واللي انا ناجحه فيه يمكن غيري مش ناجح واللي غيري ناجح فيه انا مش ناجحه انا نصيحه مني اكثري من الاستغفار رح تحسي براحه نفسيه كبيره ثم ايضا مش كل كلمه يقولها الزوج نفسرها مليون تفسير خليها تمر وتطير واي مشكل خليه ابن وقته فقط وانسوه فورا نحن مسلمين والمسامح كريم فما بالكم بالمسامحه بين الزواج كلنا عنا احباط وياما اعمال نبدا نقوم فيها وما نكملها يعني مش انتي فقط حتى الرجال ايضا نفس الشي كلنا نتظاهر من الخارج اننا اقوياء انما من الداخل حدث ولا حرج انا نصيحه مني تربعي عنا هنا في المنتدى واستفيدي من خبرة الاعضاء وايضا ضعي بصمتك هنا انتي وزوجك لنستفيد منكم اايضا ثم لازم يكون المزح بين الازواج بصدق وكلام جميل اقول لك مثل صغير صار معي امس بيني وبين زوجي كان المفروض يصير معي احباط ودموع دخلت السياره قبله وانا امس احسست بنفسي ووجهي غير شكل ومنور المهم اراد ان يدخل السياره وشاف وجهي وكأنه يراه لاول مره , واندهش وقال : اللهم صلي على النبي ( انا فرحت طرت من الفرح ), قال : اللهم صلي على النبي شايفه ما اجمل اضوية السياره من الداخل , يخليكي تشوفي اللي قدامك حلو . الاخ يتغزل بضو السياره اللي وقت تفتحي الباب يضوي هههه اكيد قمة الاحباط انما ولا على بالي اخذت اولادي على الملعب لمتابعة احدى المباريات |
08-03-2009, 01:30 AM
 |
 |
|
| ياأيها الشاكي ومابك داء كن جميلا ترى الوجود جميل | ||
 |
 |
08-03-2009, 02:01 AM
| يا عزيزتي حاولت احط لك اهداف ولكن كل مرة تكسرين مجاديفي ثم تبدين وتطفين .. قلتلك اشتغلي بالاسهم تخافين من الخسارة قلتلك سوي برامج مفيدة وانشريها في النت قلتي مالي خلق قلتلك سوي اشياء ابداعية ولا فكري بمشروع ونسوي تمويل وتخافين من الخسارة بس .. قلتي بتسوين اشياء في البيت قلتلك معاك تسوين شوي وتبردين بسرعة ... انا اعرف اني لازم اكون معاك بس يكون دوري مساعد لك بهمتك وعزيمتك نبدأ وانا اكمل معك واساندك س مو من البداية تطفين قبل لا نبدأ لمجرد الخوف من الفشل مستقبلا والفشل والنجاح بيد الله بس احنا نسعى نسوي شي .. واتوقع خوفك من الفشل نتاج التربية الي لا يوجد في قاموسها معنى الفشل ولا غفران للتقصير ولا تجاوز عن عدم القدرة فهذا ولد عندك احساس بأما انك تخترعين قنبلة نووية او ما تسوين شيء... حتى التدرج في الاشياء مو مقتنعة فيه اقولك سوي مثلا عروض بوربوينت وانشريها في النت يستفيد منها الناس تقولين فيه ناس كثير سووا كذا اقولك فكرك غير فكرهم تقولي لا ما ابي بي اسوي شيء ما احد سواه واقولك صعود الجبل يبدا بخطوات بسيطة وصولا للقمة برضه مو مقتنعة تبين تسوين شيء عظيم وخايفة من الشل وتحسين انك مو واثقة على انجازه صح ولا لا ؟؟؟ |
| دامني ساكت يا بنت الحلال اسكتي التقصير من الجميع انتي مثلا ما ترتبين كل الاشياء وانا وبنتي نحوس البيت فمتعادلين ... انكسر شيء خرب شيء ما سويتي شيء ومالو اهم شيء اننا بخير والي ما يتسوى اليوم يتسوى بكره ... ما رحتي ماجيتي ما كلمتي وماله الحياة اسهل من اننا نزعل على اشياء تافهة مالها داعي ما همتني ولا انتبهت لها او ما ركزت عليها ليش تحرثين عليها ؟؟؟ |
| انا ما اعارض اي نشاط تقومين فيه ولكن انتي تقللين من دورك الكبير في البيت انا اقعد ساعة مع بنتي شوي واذبحها وانتي 24 ساعة قاعده معها ... تغسلين المواعين وتطبخين الوجبات وتنظفين البيت يوميا لو انا مكانك جاني انهيار فظيع من الروتين ... قاعدة تربين بنتنا وتهتمين ببيتنا وتهتمين فيني وتتزينين وتكوين ملابسي وتنظفين ملابسنا وتغسلين بنتي اذا وسخت .... هذا شيء مو سهل انا لو مكانك انفجرت السبع فجرات ..فدورك عظيك وقدرك كبير لا تقللين منه في داخلي ... |
| يا طويلة العمر انا ما افكر بالشيء هذا ب لما تربطين تقصير يمكن ما انتبهت عليه او ما ركزت فيه لاني احسه تافه وما يستاهل الذكر لما ترينه تكبرين السالفة في داخلي عقلي الباطن يتبرمج انك انسانه حوسة دلخة رفلا ما تعرف ترتب وما تعرف تهتم وتضبط الاشياء فأقعد افكر بالموضوع لاشعوريا .. فليش تربطين التقصير بالذكر ..فيه تقصير ضبطيه من عندك ولا تطرينه لي ... كوني ايجابية في تعاملك مع الاشياء مو آلة للحلطمة والندب على "حظ زوجك" العاثر الي طيحك فيه ... |
| ووجهة نظري انا ما اصادر على احد حقه في الزواج من ثانيات صغيرات ولا كبيرات يبي يتزوج عشرينيه يتزوج يبي يتزوج ثمانينية يتزوج انتي اشحارق رزك ... الي يتزوج يتزوج .. يمكن عنده قدرة جنسية جبارة وماعنده مشكلة يتزوج آلة جنس انثوية .. شيء راجع له .. حتى لو مو بأسباب صحية مثلا لزوجته يبقى لوفاء شعور ذاتي من الزوج نفسه .. بالاضافة الى ان طبيعة الزواجات في مجتمعنا ينبني الحب فيها على العشرة فقط ويمكن ما يتكون حب يكون فقط كائنين حيين من جنسين مختلفين يسوون جنس ويملون الكرة الارضية بزران لابينهم فكر ول تكافؤ فتزوج ثانيه بعدين شيء مو مستغرب كرهته هي بعدين شيء صاير وياكثر البيوت الي اعرف وتعرفين لو القتل حلال في الاسلام كان قتلوا الازواج بعض بس زين انه مو حلال .. |
| يا عيوني الحين مو الرسول صلى الله عليه وسلم قال بما معنى الحديث اذا رأى احدكممن امرأة ما يعجبه فليأت اهله او كما قال عليه الصلاة والسلام .. انا بشر .. احمل في داخلي مع القيم والايمان غريزة فطرية تخليني اشتهي واميل والقي النظرة الاولى وافكر واشتهي وووو الخ ... فيوم قلتل قلتلك لولا مخافة الله هذا الجانب الايماني ثم حبك ججانبي الاخلاقي والولاء حبك كان سربت .. يمكن اتزوج مصياف مسيار عرفي اي نيله واقنع نفسي انها على شرع الله ورسوله وامشي حالي .. ولا اتزوج رسمي .. ويوم قلتلها لك ابين لك حبي وشوقي بس انتي زعلتي وحلطمتي وقفلتي الجوال ولي 3 سنوات احاول اقنع فيك بوجهة النظر مو مقتنعة ...قلنا وقتها مرحلة وحام ..الحين ليش ما تقتنعين .؟؟ |
| انتي سالفتك سالفة الي على راسه بطحه يحسحس عليها .. فبدال ما تتضايقين دامني ما قلت شيء سويه الي تحسين انه خطأ وسويه صح وحلي المووع بدال ما تشيرين الي فيه وتذكرين نفسك بالسوء والتقصير قدامي حلي السفة وصل الله وسلم على نبينا محمد . |
| ربربتي يعن امتليتي بس ما قلت انك دبية والخف رحمة مو معنى هذا انك ما تعجبيني تعرفين شلون تعجبيني انتي والخف رحمة يعني لو خفيتي حلوة لو بيتي زي ما اني حلوة حتى لو سمنتي بتبقي في عيوني حلوة لا تخلين احساسك بالنقص يبرمجني انك مو حلوة ... لا تقولين المفروض ما تتبرمج وانا اقولك كثرة الدق تفك الحديد وهو احديد فكيف بزوجك المسكين وهو كتلة لحم وشحم وشوية عظام ؟؟؟ |
| دامك تقولين عن نفسك فاشلة بتفشلين .. وش يضرك لو برمجتي نفسك انك بتنجحين بإذن الله ؟؟ ليش تحكمين على كل نشاط قبل ان تبدأي به بالفشل ؟؟؟ ليش تقللين من قدر نفسك ومواهبك ؟؟؟ عندك العلم والمعرفة والنور ليش تقللين ن قدرك ؟؟ ليشودك تسوين مليون الف شيء في وقت واحد واذا قلتلك ركزي على واحد قلتي ممكن اسويهم كلهم شف الحريم شلون يسوون ؟ يا عيوني صاحب البالين كذا وبدال ما يضيع جهدك العلمي والعملي في الف نشاط ما تنجزين منهم شيء ركزي في واحد وخلصيه ثم انتقلي لانجاز الثاني ؟؟؟؟ يعني اما تصيرين مدام كوري ولا ما تصيرين ؟؟؟ لله يهديك بس |
| تصدقين شكلي بديت اتبرمج بجد اشوف طاري العرس موجود حتى هنا ... |
08-03-2009, 02:05 AM
|
المشاركة الأصلية كتبت بواسطة green222
يا عيوني ليه تفكري بالمستقبل بهذا الاحباط
لا نعلم ماذا كتب الله لنا غدا ثم لو اطلعتم على الغيب لاخترتم الواقع نصحيه مني عيشي حياتك بلحظتها مثل الاطفال بساعدتها العمر واحد واللحظات الحلوه اللي تروح عمرها ما ترجع انا اكثر شي يقهر زوجي وقت اوقل له روح تزوج ثم نحن لا نعلم الغيب ولا نستطيع ان نغيره اذا تزوج او ما تزوج كله بقدر الله سبحانه وتعالى هل كنا نعلم اننا سنتزوج هذا الزوج بالذات وبهذه المواصفات او اننا سنتعلم ونصل الى ما نحن وصلنا اليه هل كنا نعلم اننا سنتغرب ونترك اهالينا ونتغرب وكم عدد الاولاد اللي رح ننجبهم هناك اسئله كثيره واحداث اكثر حصلت وتحصل لنا لقدر من الله سبحانه وتعالى من منا يعلم متى يموت وماذا سنأكل الاسبوع القادم او ماذا سنلبس من الثياب طيب اللي وقع وكسر رجله لو كان يعلم انه سيكسر رجله ما كان مر من هنا اوزنيها معي وتلاقي كلامي واقعي قومي واضحكي وحمليها خفيف المستقبل بيد الله سبحانه وتعالى |
08-03-2009, 02:16 AM
|
المشاركة الأصلية كتبت بواسطة بنت طيبة الطيبه
بصراحة موضوع خطيييييير أول مرة ألقى نقاش زوجي على الهواء مباشرة هههههه ...
صراحة كلكم أعتبركم إيجابيين زوجة تسعى للكمال ومحبطة من التقصير وزوج يحاول إيجاد الدعم النفسي واستخراج زوجته من حالة الإحباط وأوجه كلامي لأختي مدام زحمة .... حبيبتي مادام عندك زوج مايهتم ولا يدقق ليه مشغلة عمرك بالتوافه ومعتبرة إن هذا الشيء يقدح في شخصيتك أنا زوجي ولله الحمد نفس طبع زوجك وعشان كذا مكبرة الوسادة وماخذة الأمور ببساطة لكن في نفس الوقت ماعندي لامبالاة بالعكس أحاول أطور نفسي وأهتم بأطفالي وماأحب إنه يبدر مني تقصير وترى ماشاء الله عندي ستة أطفال منهم توأم مع ذلك ماأحرق في نفسي زيك يعني تخيلي أنت طفلة وحدة ومسوية في نفسك كذا طيب لاكثروا راح تنتحري بعيد الشر عنك .... عيشي الحياة ببساطة وراح تحس بطعم السعادة إن شاء الله .... دايما أردد هذا البيت يعجبني كثير ..
|
08-03-2009, 04:13 AM
08-03-2009, 04:16 AM
| مواقع النشر |
| أدوات الموضوع | |
| انواع عرض الموضوع | |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
