جزاك الله خير اخي ابو مريم
ويعلم الله اني تعبت جدا
وتشهد علي عشرات المواضيع اللي كتبتها هنا
انا مركونه ديكور بالبيت
صرت احس نفسي زوجة بالاسم
وهو يزداد حاله الى الاسوأ
يمكن كان يحبني.. الان ما اعتقد
قسم بالله اني افكر بالانفصال
لكن خايفه على بنتي وولدي
قلت بنتي ياخذها ابوها والولد يبقى معي
لانه طفل رضيع ماكمل 3 شهور
بس متردده لان عمري ببدايه الثلاثين
واحتماليه الزواج الثاني ضعييييبيفه جدا جدا
لكن كل شي بيد رب العباد
انا منتظره معجزه حتى تتحسن حياتي
والا كل واحد يمشي بحال سبيله
والله مايضيع عبيده

كنافة وضع زوجك ما يطمن حاولي تشوفي اختصاصي اسري

وش صار مع وظيفتك كنافة


كنافة اللي معروف ان الاسواق الشعبية او العادية اكثر ازدحاما من الراقية مو العكس

__________________

لا مجمع الفيصليه ومجمع المملكة والرياض غاليري
اكثر زحمه من البديعه مول وحياة مول

واهل الرياض يمكن افهم بقصدي

بالنسبه للوظيفة فبعد ماطلع شياطيني اعتذرت
ووقتها استخرت واخذت راي والدي
وقدمت مصلحة ابني اللي عمره شهرين ونص
ولازلت ابحث عن بديل

ياحبيبتي لاتتنازلين عن شي من اختيارك

روحي للي تبين بس يعني مثلا لا تختارين اوقات ذروة وزحمة

روحي عصرية او صبح.. ومو شرط يكون زوجك معك اصلا

الغربيين مايحترمون المراة المتنازلة على فكرة واكيد انتي عارفة هالشي

بعدين الاسواق اللي ذكرتيها مو شعبية شدعوة.. وزحمتها ماتقل عن الباقي

موضوع الوظيفة ارجعي افتحيه اذا كمل ولدك 8 شهور.. على ماتقدمين وتجيك فرصة وتقنعين فيه يكون كمل ولدك سنة

تقدرين تكونين قوية بدون جدال وندية وباحترام

لاتصيرين متطرفة ند للند او خاضعة

ابتداء من طلباتك.. يمكن سابقا ماكان يرفض لك لانه عارف كنتي تقدرين تستغنين وتقومين بنفسك وكان للاسف جزء من مصدر احترامه لك

لكن الحين لانك معتمدة عليه ومالك الا هو بعد الله صار يستخدم هالشي.. اشتغلي على هالموضوع

__________________

اختلافي عنك لا يعني اختلافي معك

قمت بنفسي وكان ينفعل من عدم احتياجي له
اعتمدت عليه وصار يهيني ويذلني بحاجتي ويتمنن علي
احس هو نفسه مو عارف ايش يبغى بالضبط
مو كافي حارمني من حقوقي ومالمسني من ولدت
اكثر من 3 شهور ماصارت بينا علاقه ليه! ماني فاهمه
والله لو انه معطيني حقوقي الشرعية
قسما بالله كان ارتاح وريحني من هالدوشه
لكنه ظالمني وبنفس الوقت يقفلها بوجهي
كل شي لا لا لا.. كرهني فيه وبالبيت
وحتى لهفتي عليه بعد النفاس ماتت مره وحدة
كل المشاريع والخطط الوردية اللي رسمتها هو موتها
وقابل ليني معه بغرور وتكبر وشوفة نفس
وانا ما ابي الا الكلمة الطيبة
وانه يحسسني اني مرغوبة كأنثى.. بس والله
هذا اقصى طموحي
لكن هذا الانسان ما صار يلزمني بأي شي
اللهم متضايقة على خسارة بيتي واستقرار بنتي وولدي
افكر بالطلاق وخايفة منه
لي على هالحال سنه تقريبا
والحين زايدة هالموضوع براسي بقوة
من خيبات الامل والإحباط اللي شفته معه
فوق كذا له عين يتسلط ويتحكم ويتأمر

من الأشياء اللي محزنتني
الأسبوع الماضي رحت ورشة عمل
مختلطة فيها نساء ورجال
وكنت لأول مره احس بميل غريب للنصف الثاني
هم رجال كبار ناضجين ومحترمين
لكني سرحانه اتخيل معامله كل واحدة لزوجته
احس هذا صوته رجولي وتفكيره عاجبني
انجذبت لواحد منهم وتمنيت لو انه زوجي
بس الحمدلله الورشة مدتها 3 ساعات بس وكل واحد رجع بيته

وانا حزنت على نفسي
بعمري ماكانت نظرتي للرجال كذا
حتى لما كنت عزباء عمري مانظرت لهم كذا
احس صار فيني جراءه مخيفة بداخلي
احس اني للحين ماعشت مع رجال
لسى ماجربت أعيش مع رجال
اللي عندي بالبيت ماهو حولي.. اعتبره مجرد ذكر
لكن انا الى اليوم مالقيت اللي ابغاه بهالدنيا
الله يصبرني ويكون بعوني ويبعدني عن الحرام

لا يكلف الله نفسا إلا وسعها

دائما في مواضيعك تطرح حلول و افكار لزوجين طبيعيين ويرجي ان تطبق و تأتي فائدة مع زوجين و زواج غير عادي و غير طبيعي
زوجك مع مشكلته الي صارت واضحة شخصية متطرفة
متطرف في كرمه و عطاءه .متطرف في قسوته و جفاءه
بالله لو اخت و اخوها عايشين في بيت واحد بتكون المودة و الرحمة بينهم في مستوي افضل من كدا
حتي لو طلبتي الانفصال هو ما راح يطلق و يرجع يدادي و يغدق عليك ماديا لترضي و فترة و ترجعوا لنفس الدوامة الي عايشينها
حتي انت مش مقتنعة بحل الانفصال بس تنفيس غضب و احساس بالظلم
الوظيفة في مثل وضعك ضرورة بتكون متنفس لك تفرغي طاقتك و تنشغلي عن تحليل مزاجية زوجك و شخصيته المعقدة
باقي يومك يكون لبيتك و اطفالك و بكذا ما يصير عندك فراغ بحيث تقدري تتعايشي مع وضع غير طبيعي بضغط نفسي اقل

__________________

مع العزيزة هاجر بكل حرف
الله يفرج همك عزيزتي كنافة ويسر امرك ويسعدك دنيا وآخرة

احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه