علم أمها دام امها متفهمة

ليش تكلمهت وترسل مسجات
هي غلطت ... عاقبها بأنك اطنشها
عشان تحس بزعلك على الموضوع .

وغير جي هي ترد عليك بكلام زي السم ... خلك رسمي معاها ولا ترسل او تتصل الا لشي ضروري وكلمتين وبس
وان سألتك في شي .. او ليش متغير .. قول ما فيني شي .. لووو اصرت وبعد ايام من التطنيش قول انتي ادرى
ولا تناقش اكثر من جي

و احدد لها مصروف باول الشهر ... وان خلص مصروفها 2 يوم تنت مايخصك
هي تتحمل مسؤوليتها ... انت ممكن تعطيها اكثر والامر يكون لين بس بعد ما تكون حليت مشكلتك الاساسية وا لمبلغ اللي شرت فيه الذهب .. احذف من مصروفها جزء محدد كل شر كتسديد للي اشترت لانها اشترت من دون اذنك
لين تدفع قيمة الذهب

لو حزمت الموضوع هذي المرة فبإذن الله تتعدل الاوضاع ولا يتكرر الموقف

واغراض البيت الافضل انها تكتبها بورقة و بين فترة والاخرى ادخل المطبخ وسوي جولة تفقدية
في اكل منتهي الصلاحية او ما استخدمتوه فترة طويلة ونبها

والله يسعدكم ياااارب

هذا دلع زايد وسماجه
اذا استمريت ع هالحال راح تخرب بيتك وانت مبتسم
انا لو اجبر زوجي يشتري لي ذهب طلقني
ما اقولك لا تدلعها بس لاتوصل الامور للمبزره اذا ماشريت لها تلوي بوزها وتزعل سلامات
وانت عاد شد شوي تراك رب بيت وبنتك تتعلم كل شي من امه عشان لابكره تتزوج وترجع لك مطلقه لا قدر الله
اضبط امورك بارك الله فيك

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

صدقني زوجتك تدلع عليك لانها تحبك ((((مشكلة حب الزوجة مربوط بكرم الرجال)))) والسهم من اول ركزة شكلك كنت كريم في البداية وتورطت زي بالضبط الله يصلح احوالنا واحوالك يااخوي ويفرج همك

السلام عليكم ,,

أخي الكريم , السطر هذا قنبلة موقوته ..

يعني المسألة باختصار , القوامة للأقوى , أو ترى ما ضربت لك حساب ,,

راجع نفسك جيدا ,

__________________

السلام عليكم ورحمة الله وبركاته
زوجتك بحاجة لتقويم سلوكها
لن يستقيم سلوكها الا برد فعل جدي بحجم خطئها
لم تقم لك اي حساب او وزن
نفذت ما تريده بغض النظر عن رأيك او رد فعلك
طبق سياسة تقشف حازمة وجادة ان اردت ان تمسك زمام الأمور
بالتوفيق ان شاء الله

مالك الا تقولها صدمة عمرها عشان شوي تفكر وتحرك الكلام بمخها كم يووم ،،
يا اما تقولها على بلاطة اناااا انطردت من الشغل وحاليا بدون وظيفة وفعلا اخذ اجازة واعمل نفسك فوونش وشوف رده فعلها ! فاذا نكدت رد لها جملتها وقول وين اللي يقول انه مايحب الفلوس!

اوو انك تخبرها ان المدير قرر ينزل رتبتك لان وجد شخص يتناسب مع هالرتبة ومعاشك راح يقل كثيير ،، و خليها تمشي بحياتكم على اساس هالمبلغ البسيط او المعتدل والباقي انت خليه بحساب توفير اخر من دون علمها !! ع الاقل تجمع لكم لليوم الاسود او حتى تاخذ لكم عقار لمستقبل اولادك !

انت معودها ..

لازم تغيرها انت بنفسك ، لانها شافت واحد جيبه مشقوق ، بعدين وش المشكله اذا زعلت يوم او يومين اوشهر ، مصيرها بتتعود ..

طبق المثل اللي يقول : عاجبها عاجبها مو عاجبها تنتف حواجبها ..

صدقني بتعيش مرتاح ، بس اهم شي اتق الله فيها ..

__________________
لا تسقني ماءَ الحياةَ بذلةٍ .. بل فاسقني بالعز كأسَ الحنظلِ
مـــاءُ الحيــاةِ بذلةٍ كجهنمٍ .. وجهنـــمٌ بالعـــز أطيــب منــزلِ

مجرد دلع

مثل ما قال الاخ المهندس

حبها مرتبط بكرمك

انت لا تستضيق من هذا الامر لانها لا تعرف ازمتك الماليه
كل ما تستنتجه بانك ستبخل عليها

هذه فطره في بعض النساء وتقيس حبك لها

عودها بالتدريج
وانت شكلك اتحب حركاتها وزعلها وشخصيتها والدليل انتي اتراضيها واتراسلها

عموما على قدر حبك ستعطيها من مالك اذا مقتدر
وهي على قدر حبها ستعطيك في البيت من تنظيف واهتمام فيك وابنتك والحمل وكل ما تريد

فلا تكدر على نفسك من اجل الماديات

ههههه عجبتني جيبه مشقوق
يارب تشف جيب زوجي علي عاد ياشين بخل الرجل
بس لي عنده مسختها بصراحة وهو ماعرف يضبطها

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...