الله يعينك يا اختي ويسهل طرقك

الله يجزاك بالخير ويفتحها في وجهك على هالدعوه

حبوبه

انا قريت مشكلتك

زوجك نفس نوعية زوجي ...المسأله مو عناااااااااااد منه لا

في رجال الحمد لله والشكر يغارون من الزوجه اذا مثلا بترتقي بدراستها او تتوظف او يكرمونها بعملها ويرقونها

يعني يمكن صحيح كان قابل شرط العقد بس شاف انو الموضوع فيها ماستر ويمكن دكتوراه لابد تدخله الغيره..هو وش شهادته ؟؟

شوفي اياااااااااااااااااااااااك اياااااااك تقطعين دراستك لان شرط بالعقد والله لاكان وافق من البدايه !!!واذا كنتو شارطين وظيفه بعد من حقك

مااحرضك على زوجك بس لازم الناس تفهم ان شروط العقد لازم يطبقونها مو مجرد حروف على ورق

خل اقول لك سالفتي وبغثج فيها تحمليني

انا يوم يخطبني زوجي هو يشتغل بديره وانا بديره ... والحمد لله اني شارطه اني استمر بوظيفتي والا كان رحت ملح

مرت الايام واحاول انقل بس ربي مو كاتب يمكن لحكمه ...

بيوم تهاوشنا و ابتعد كم شهر مادري عنه ولاااشي ولا يسأل مع ان عندي ولدي ريان بس ماهمه

ولايرد على مكالمات ولا محترم شيبات ابوي ولا همه الا نفسه ف سافر

رجع بعد 8 شهور تخيلي بعد 8 شهووور تذكرنا والا يمكن في باله ينتقم

اهلي ماصدقو على الله يتصل يبي يتفاهم

جا وكان شرطه علشان يرضى علي -مع انه هو الغلطان لانه يمد يده كثير-شرطه اني افصل من وظيفتي اروح معه ديرته

وكان مصصصصصصصصررر بشكل مو طبيعي الاااااااتفصصصصل وتجي معي الا تفصل وبعدين نتفاهم

اهلي قالو زوجج اهم من وظيفتج وانا اقول لهم مااضمنه اضمن وظيفتي بس هو لا

اخذت اجازه شهر ورحت معه وانا نفسيتي زفت ويعاملني مثل الخدامه وانا ساكته وبس اصيح على سجادتي عند ربي واقول يارب اذا فصلي من وظيفتي فيها خيره ابغى بس أي اشاره حلم أي شي

وبيوم مدري وش خلاني افتح لابتوبه و شفت اللي ماكنت متوقعته ..طبعا محادثات وبنات وخراب وصور بس الشي اللي هزني

انه كاتب لوحده من صديقاته ( انا بضغط عليها واخليها تفصل واجيبها عندي ديرتي اعاملها مثل الخدددااامه واذا اهنتها بطلقها واخذ منها الولد وارميها بيت اهلها لاوظيفه لا زوج لا ولد ) قسم برب البيت هذا كلامه

الحمد لله عرفت مخططه قبل لا افصل وحفظت محادثاته عندي ويوم رحت بيت اهلي واجهته ويوم حاول ينكر ارسلت له محادثاته ومن يومها وهو ساكت

وحتى لو فتح موضوع الفصل اتطلق منه ولا افصل ...هالنوعيه ماتنضمن ..

ويوم تكلمت لج عن الغيره لان هو كاتب للبنت بحطمها لاني مابيها تصير اعلى مني ...لاني انا الحمد لله متفوقه بدراستي واحب عملي وهو يحاول يكسر فيني وحتى اذا عطوني شهادات شكر يقول مو اول وحده انتي يشكرونها فعرفت انه من النوعيه للي تغار من نجاحات زوجته للاسف

فقمت ان لو صار أي شي بالعمل مااقول له ولا حتى تكريم ولا شي وكل اقول العمل زهق يقوم يستانس ويتبسم

ف انتي لاتبيني له ان دراستج كل همج وانج تبين شهاده اعلى ..كله بيني له ان الدراسه تعب والمذاكره زهق وان الله يعيني على الماستر واني بديت ازهق وبيهدأ وبتمر السنين وتشوفين نفسج خلصتي ماستر

اسفه طولت عليج
بالتوفيق

الله يكون بعونك ولاتكلمي خلي اهلك يتفاهموا معه واهم شي كرامتك ولازم يعرف قيمتك ياكرهي لموضوع اهلك لايدخلوا ومابجيهم وادق بوري تنزلي قلة ادب

__________________
(وَلَوْ أَنَّهُمْ رَضُواْ مَا آتَاهُمُ اللَّهُ وَرَسُولُهُ وَقَالُواْ حَسْبُنَا اللَّهُ سَيُؤْتِينَا اللَّهُ مِن فَضْلِهِ وَرَسُولُهُ إِنَّا إِلَى اللَّهِ رَاغِبُونَ)
لاحول ولاقوة الا بالله العلي العظيم حسبي الله وحده ونعم الوكيل

هلابك اختي انا حاسه انو زوجي يبي يكسرني مارتحت لرفضه لدراستي وزوجي من النوع الحقود احسه يبي يذلني يرجعني له ذليله لدرجه انه رافض يجي لبيتنا ومفروض يجي لاخوي ويقول انا ناوي الاصلاح وبرجع زوجتي يحط لي قدر وقيمه مع انو ابوه موافق ومؤيد انه يجي بس هو حظرته يتهرب مايبي يجي ويقول المفروض هي اللي ترجع للبيت مو انا اللي اجي اخذها
وانا محتاره في وضعي مادري ايش اسوي اتكلم معه واشوف وش نهايته ابي ارتاح لا انا مطلقه ولا انا عند زوجي ودي اقول وش نهايتك افتوني في امري وش اسوي اخوي يقول طنشيه بس انا احترق ودي اعرف وش نهايته ولا منزل صوره بنستقرام مسافر ولا همه وانا جالسه عند ولدي تعبان ومابهذله معه حسبي الله على كل رجال تفكيره نذل واناني جعله يشوفه باغلى مايملك والله لما اشوف نفسي اتحسر مو ناقصني شي وتوني صغيره على الهم والمشاكل اللي بعمري توهم ماتزوجوا حسبي الله عليه دعواتكم بتفريج همي

صباح الخير
مستجدات زوجي العزيز انه بالليل كلمني يسال ليه ولدي للحين ماتعود علي قلت له لانه مايشوفك طول اليوم قام قال انا بتكلم معك وجلس يقول اول انا اتفقت معك انو اجي اخذك بعد الاختبارات وتطلعين لي بعدين انا مابي ادخل بيت رجال مايبي يشوف وجهي انتي تبيني رجال بدون شخصيه وقال كلام كثير ماله هدف وقال شكل الجلسه عند اهلك عاجبتك شوفي تبين امرك وتطلعين لي ونعيش حياة مستقره وهذا اللي ابيه او تبين ورقة طلاقك انا ابي استقر والله يسامحك
انامارديت عليه احترت ايش اقول
طبعا اول ماكلم اخوي وقال برجع زوجتي قال اخوي اوكي وترا لازم تجي انت وابوك ونتفق وهو قال طيب الحين يبيني تطلع معه بدون مانتفق على شي او يرسل ورقة طلاقي وانا صراحه مابي اطلق ولدي ايش ذنبه حتى يوم فكرت بالمستقبل ماراح اقدر اتزوج واترك ولدي وهو قال لي قبل اذا جا عمر ولدي سبع سنوات باخذه وانا مابي ولدي يروح عني مره مشتته ودي اتطلق وافتك منه ودي ارجع له بس لو رجعت بتنازل عن اشيا كثيره دراستي اهلي بيزعلون انو رحت كذا حتى بدون تقدير لي بيجي ياخذني من عند البيت ولا يقول عيب تقومين الدنيا وتقعدينها عشان ماعطيتك الا الف انا ادري لو رجعت بخسر اشيا كثيره بس مادري محتاره ايش ارد ايش اقول له

لاترخصين نفسك وتطلعين عن شور اهلك ابدا ولابتندمين طول عمرك وماراح يصيرلك الا الي ربي كاتبه الله يفرج همك

ياليت اهلي زي اهلك يوقفون ويقولون له بنتنا ماتاخذها الا معززه والا خلها عندنا
الله يكون بالعون حبيبتي

اذا رجعتي بالطريقة اللي يبيها وش راح تخسرين وش راح تكسبين
ياليت تكتبينها لنا

صباح الخير
اممم بما اني من بداية مشكلتي وانا اخذ رايكم ومشورتكم حبيت اقول لكم نهايتي مع زوجي اليوم ارسل متى اجي اخذك وكلمت اخوي واستشرته وقلت له انه كلمني امس ورافض يقابلك قال يطلاق يا ماراح اقابل اخوك بدخل في مشاكل قال افضل شي تقولين له شوف يا زوجي انا تحت امرك متى ماتبي تجي تاخذني بس قبلها ادخل البيت وكل واحد يقول مسامح الثاني قدام اخوي وهو ماراح يتناقش معاك قال لي لا انا ابيك وابي ترجعين معي والله مادخل بيتكم قلت كلها خمس دقايق احس بقيمتي وقدري قال انتي اهم شي كرامه اخوك وانا كرامتي لا قلت اخوي ماله دخل هذا تقديرا لي وجلس يتكلم انتي سافرتي بدون ماتقولين لي وكلام كثير طبعا انا تنازلت عن اشيا منها انو باجل موضوع دراستي الى اجل غير مسمى لما يرضا وانو ماطلبت مبلغ عشان اجهز نفسي بس وضح انه ناوي شر وفي الاخير قال الانفصال افضل وامور ولدي نتفق عليها بعدين والله يوفقك في حياتك قلت له امين وانتها الحديث الى هنا انا عن نفسي حسيت براحه لاني دايم ادعي اذا فيه شر ربي يصرفه والحمدالله على كل حال والله يعوضني بما هو اجمل
وشكرا لكل من عطاني رايه وساندني