اكيد الحبوب تأثر على الحامل
اذا كانت زوجتك حامل فخليها تأخذ جلسات علاجيه فقط من غير حبوب...

السلام عليكم ورحمة الله وبركاته

اخي الفاضل الحمدلله انك اتخذت قرارا وهو علاج زوجتك وتلك خطوة ايجابية منك لذلك لا تضيع المزيد من
الوقت وخذ زوجتك الى طبيبة مختصة في منطقتك وان لم توجد طبيبة فربما طبيب مختص لكي يشخص
حالة زوجتك واعلم ان التأخير ليس في صالح زوجتك وليس في صالحك ايضا لذلك حاول ان تعالجها في
اقرب فرصة ممكنة وان شاء الله خير اما بالنسبة للحبوب ان كانت تؤثر على الحامل او لا نحن لا نستطيع
الاجابة عن ذلك والطبيب المختص هو من يقرر ان كانت بحاجة الي ادوية ام ان كانت بحاجة الى جلسات
علاجية فقط

ارجو ان اكون قد افدتك ولو بالشيء القليل

اسأل الله العلي القدير ان يشفي زوجتك في القريب العاجل غير الاجل

والسلام عليكم ورحمة الله وبركاته

__________________
[/size]

السلام عليكم ورحمه الله وبركاته

قراركم بالذهاب لدكتوره صح
ليه؟؟؟؟؟؟
احتمال زوجتك عندها اكتئاب الله يشفي مرضى المسلمين
احتمال ماعندها شي بس مو عارفه كيف تتاقلم مع الشخص الجديد الي دخل حياتها(انت ) ولاتقول انك زوجها
نعم انت زوجها لكن لم تتعود ذلك وكذلك دورها الجديد كزوجه فتهرب من ذلك بالنوم وقله الاكل فتحتاج لاستشاره زوجيه
احتمال كانت تتصور الحياه الزوجيه بشكل اخر واكتشفت شي ثاني


اخي الكريم ماذا حدث في اول لقاء بينكم؟؟؟؟؟؟؟؟؟؟؟؟؟؟؟؟؟؟ اسال نفسك واسالها هل تصرفت انت تصرف ازعجها؟؟؟؟؟

وياليت ماتبلغ احد بالذهاب لدكتوره النفسيه فمجتمعنا مازال متخلف واولهم اهلها فقط انت وهي واحرص تكون معها بكل مواعيدها
.....
روح انت اول واحكي لهم قصتك وشوف وش يقولون لك
ثم شاورها تبي تروح او لا يعني برضاها ولايمنع من انك تكشف انت بعد كاستشاره لك يمكن فيه امور تصلحها من غير قصد وماانتبهت لها

وكمان شغلوا القران بالسياره وبالبيت اواقلها اناشيد اسلاميه ترا الاغاني والافلام تجيب ضيقه الصدر عن تجربه
وزوجتك تسهر عليها لوحدها وتاركها زوجها نايم بلحاله!!!!!!!!!!!!!

الله يساعدكم ويسعدكم

عفوا يمنع ذكر اسماء اطباء..و عيادات.
الإشراف

__________________
[type=31162]يقول ابن القيم رحمه الله / من احب شيء غير الله عذب به


الكلمة الطيبة صدقه
العمـــــــــــل صدقه
الإبتسامه صدقه[/type]

لا املك الا الدعاء ،فرج الله همك واثابك على حسن اهتمامك بزوجتك .

انا اوافق اختي farhia الرأي والله يفرج لك ولزوجتك

__________________
لا إله إلا الله محمد رسول الله

اخي اولا احي فيك وقوفك بجانب زوجتك..
ثانيا اخي احجز لها الموعد بنفسك ولاتخبر احد خل الموضوع بينكم واحرص انك دائما تكون معاها بالمواعيد هذا الشي راح يرفع من معنوياتها ويساعدها على العلاج..
الله يسعدكم ويخليكم لبعض

يعطيكم العافيه على ردودكم ووقوفكم معاي

انا قلت لكم اني اريد ان اساعدها بس اهي حتى الكلام ما تحب تتكلم او تتضايق لما اجي

بكلمها بالموضوع حسيت بكذا والله العظيم اني احترت كثير معاها وكله ابي اريحها

لكن من داخل نفسي والله احس اني مو متزوج حتى علاقتنا متوقفه حوالي اكثر من خمس شهور

وقبل كانت احس انها بالغصب يعني تبي ترضيني


يعني اهي تبي الخير لي لان مره قالت انت ما فيك شي انا اللي فيني

ودايم تبكي بس بدون ما تبين لي واذا سالتها وش فيك تقول ما فيني شي خلني بنام راسي مصدع

يعني انا احاول افتح معها حوار واناقشها واريحها

بس ما فيه تشجيع انا سويت اللي على وش اسوي اكثر من كذااااا

__________________
أستغفر الله اللذي لا اله الاهو الحي القيوم واتوب اليه

حتى النوم اهي تنام بالنهار تقوم تصلي وترجع تنام وانا داري انها تعبانه

وتصحي بالليل واجلس اسهر معاها لحد الثانيه او الثالثه وارجع انام

يعني احس انها في وادي وانا بوداي حتى لما اجلس ابي افتح حوار او اناقشها بشي


ما فيه تبادل يعني السكوووووووووووووووووت ملى حياتنا وصار ملل

يعني حاولت تقول زي ما قلت لكم لكن بدون فايده والله اني خايف اخسرها

يعني لو اني ما احبها كان قلت لها يا بنت الناس الوضع هذا مو عاجبني يعني

والله اني احس ان حياتي قبل احسن بكثير حتى الان نفسيتي تعبت ووزني نقص

ودايم التفكير وهم ولكن ما ابين لها احاول اني اساعدها بس الى متى بستمر كذاااا

حتى تعبها ما يمنع انها تتطمن على ولو برساله يعني مره وحده سافرت من عندها

ووصلت للمدينه اللي اعمل فيها ما ارسلت لي رساله تقول حمدلله على السلامه وصلت او لا

او حتى تلفون ومن طيبتي انا ارسلت لها رساله قلت وصلت ولكن لم ترد عليها

__________________
أستغفر الله اللذي لا اله الاهو الحي القيوم واتوب اليه

الأخ الكريم .. / انا اعتقد ان حيائها طبيعي لكن زايد شوي بسبب اشياء يمكن انت ماتعرفها
مثلا :

يمكن الزوجة فاقدة بعض الثقة بجمالها .. يعني اذا قربت منها خايفة تشوف شيء مايعجبك .. (يعني البنت تدقق في ابسط الأمور في شكلها ) حتى في النوم تخاف تشوف شيء مايعجبك .. بس كل هذا له حل واحد

ان دائما اذا جلست بجانبها او بعيد عنها تمدحها من والى (وبتشوفها تستغرب وتشك حتى في مديحك لها .. وامدح ريحتها في كل شيء حتى لو ماتشم شيء !!
وكرر هذا الشيء وبتشوف شلون تتغير وتصير جريئة معك!

وغير هذا كل ماتبتعد عنك الصق فيها لاتتركها .. وكأنك تمازحها ..

اذا زعلت كلمها لاتروح عنها
اذا راحت عنك الحقها ..
اذا ابتعدت الصق فيها..
وسوا كل اللي تبيه على اساس ان انت زوجها والزوجة لازم تطيع زوجها .. (يعني تفهمها بشكل لطيف مو بانانية وتسلط)

يمكن حتى في الملابس تشوفها تستحي تلبس اي شيء .. لكن انت اختار اللي تبي واجبرها(لكن بشكل لطيف)
بالنسبة لتغيير ملابسها احترمها في هذا الشيء .. واتركها على راحتها ودائما قول لها (شفيها يعني اذا شفت ووو ) وشوي شوي وراح تمل من التقفيل اثناء تبديل ملابسها بس يبغالها صبر

حتى بعض المتزوجين الجدد تطلب الزوجة دائما ضوء خافت اثناء النوم عكس الزوج لأن الزوجة تصير حساسة وخايفة من ناحية هذي الأمور ان الزوج يشوف شي مايعجبه ووو .. بس شوي شوي وتتغير

ودائما امدحها حتى لو ماادت عملها بشكل كامل تجاهك من ناحية نوم او لبس او او .. دائما امدحها في تأدية واجبها وقول لها انا احب المرأة اللي تصير مع زوجها كذا وكذا ووو
ودائما قول لها اشياء جريئة .. عشان يفل الخجل منها ..

وفي الأخير اقول ..

بعد مايروح الخجل عنها .. راح تتذكر شكثر ايامكم حلوة وزوجتك تخجل منك .. راح تحس بجمال خجلها

وبعد في شيء ابي اقوله (طبعا انا مااقول ان في زوجتك لكن احتمال يصير واذا صار حاول تتخذ الحل هذا معاها )

البنات واجد يخطبوهم وبعض البنات تمر بحالات مثلا يجوا خطاب وتعلق في واحد منهم وتصير مشاكل مع اهلها عليه ويصير تتش منا ومنا وتصير لها ذكريات مو حلوة .. تجري معاها الى الزواج وتحس انها مذنبة او انها تشوفك ملاك وتحبها واهي تحس انها ماتصلح لك ومن هذي الأشياء ..

لكن انت حاول تتكلم عن ماضيك واخطائك البسيطة طبعا مو اللي تزعلها .. وقول لها الإنسان يمر لحظات يخطئ فيها اخطاء كبيرة لكن الله يسامحه .. ويمكن الإنسان يحب قبل لايتزوج او ينعجب او يتخيل وحدة بهالشكل والمواصفا عشان يتزوجها ويمكن يحب ويصير حديث محبين بينهم لكن مافي حب يشبه الحب بين المتزوجين ..

اذكر لها هذي الأشياء كاحتياط .. بس كاحتياط .. لأنها يمكن ماتتفهم الذنب والغفران واستمرار الحياة ..

وشوف كل ماذكرتها وقلت لها شفيش زعلانة وليش انتي كذا وكذا .. راح تحس انها نكدية اكثر .. امزح واضحك وشيلها على ايدك وطير بها في البيت .. وخلها تتذمر .. واتحملها داخل قلبك .. حتى اذا هزئتك وانتهت من كلامها .. قولها بهمس وعينين مليانة حب (فلانة أحبش وماأشوف احد غيرش) ..

تحملها كثيييييييييييييير وراح تشوف النتائج ..
وراسلها بكلمات الحب وسو لها مفاجآت ..
وسو نفسك فرحان وطاير من الفرح بوجودها وماتشوف الزعل لى وجهها ..
عبر لها شكثر ابتسامتها حلوة ..

اقرأ القرآن ومنها سورة البقرة في بيتكم

ادع الله إنه يقرب بينكم ولا يفرق بينكم الشيطان