بالنسبه لي انا ماقد ندمت على شغله سويتها بحياتي قد ماندمت على زواجي من ابو عيالي,تصدقون من كثر البعد اللي بيننا صعب اقول زوجي.من اول يوم الشوفه وانا كنت متردده فيه,وعلى الرغم ان كل استخاراتتي كانت ماهي زينه,بس عاد النصيب,اول شئ انا كنت متردده من شكله يعني ماكان زي الي اتمناه,أنا كنت اتمنى انسان طويل يعني اطول مني.ومو لازم يكون جدا وسيم عادي بس على الاقل مملوح,اناعندي الملحه افضل من الجمال,ويكون شخصيته قويه لان انا شخصيتي قويه ,طبيعي ادور واحد يكون شخصيته اقوى مني,فكل امراه في الوجود تتمنى ان يكون زوجهاقوي الشخصيه.لكن زوجي ياللي بالاسم زوجي عكس ذلك تماما,انا ادرك جيدا ان الشكل مومقياس الرجل لذلك وافقت عليه,بس للاسف حتى طباعه اكثرها ماتعجبني,يمكن هو طيب بس تصرفاته كلها خاطئه,مايعرف اش يبغى مايعرف يرتب افكاره,مايعرف كيف يحتوي الزوجه,مايعرف يوفق بيني وبين اهله,حتى اهله ماهم طيبين ويغاروا على ولدهم مره ,هو وحيد امه,ولما اشوفه كيف يكلمهم وطريقة تعامله معهم يزداد ندمي اكثر واكثر,يعني باختصار المراه لو ارتبطت بواحد ماحلو بس تصرفاته محليته ماراح تندم ولو ارتبطت بواحد ملك جمال ومليونير بس شخصيته ضعيفه وما عرف يحتويها وما عرف يحببها فيه راح تندم حتى لو كان يموت فيها,واكبر غلط اللي يقولوا اخذ واحد اهم شئ هو يموت فيني,طيب وانتي كيف تتعايش معاه اذا كنت ماتحبيه,كيف تقدري تعطيه,الزواج اخذ وعطاء ماهو اخذ بس,في النهايه الله يخلي ابو عيالي لعيالي.