كلنا نملك عادات وتقاليد وكلنا محافظين عليها

والله ياأختي من حقك تنصدمي لسى ملكة ويمد يده وإهانه لأهلك
وعلى شي مايستاهل ..مهما كان السبب مايمد يده عيب عليه وماهي رجوله أبدا ..
يزعل يرفع صوته يعاقبك يسوي أي شي إلا مد اليد ..
الله يكتب لك إلي فيه الخير يمكن خيره لك ..

اكيد عزيزتي انا بروحي متفاجأ يمد ايده بقول تهووون بس يغلط على اهلي هالشي يحتاج موقف جاد بعيد عن المشاعر اهليا ماقصروا شلوه على كفوف الراحه

معليش غلاتي للللو اني مكانك طلبت الطلاق شنو هالكلام عنده وليه يطلب يقضي حاجته وانتم ما تزوجتوا رسمي ؟؟!! خيره انك رفضتي لانك لو وافقتي راح يشك فيك انك بنت مو زينه و وووووووو...........الخ واسمحي لي مو رجال الي يمد يده ع حرمه شنو ما وراك رجال هو ماخذك من الشارع ؟؟ لا غلاتي انتي بنت ناس لهم شيمتهم وسمعتهم عند كل العرب فكري في كل شئ وربي ما يستاهلك
والله يعوضك بالي يقدرك ويعرف قيمتك

__________________

بما انه يقولج انه انتي ما وراج رياييل ' وتلفظ عليج بكلام عيييييييييب ينقال ' وفوق هذا ضربج وانتو بعدكم ملجه !!!!!


هاي أسباب كفيلة لمعرفة سبب تمسكه بزواجه الأولي وقوله لج أنها أجبرته يحترمها !

صدقيني هالاشياء كبيرة وما تتجاهل اللي يمد أيده غسلي ايدج منه '

ياخوفي تكونين مجرد بنك متحرك له !
ويا خوفي الأكبر تكونين مجرد قضاء وطر لين يرجع بلاده ،،،،

روضه نشي ع نفسسسج مدة الايد عووووووووفه وانتي بتتعقدين وبيدفنج حية
والله لو امج رحمة الله عليها درت يما تخليج تكملين و أبوج بيقبضه الباب لانه عيب '


وردة فعله كالتالي :
بيبكي كالأطفال ، بترجاج انج ترضين وانه ليموت بلاج وبيمرض وبيصورلج أوديته وبيطرشها لج لا وبعد عادي يقولج والله لانفصل من الشغل ان خليتيني وأنا مالي غيرج وهلم جراَ ' تنشنشي ما أشوف فيه خير أمره موضوعج ' الله يسهل امرج

نفس اللي افكر فيه من اول يوم كتبتي فيه قصتج معاه .. ويوم خبرتينا عن الملجة والترتيبات يا في بالي شي بس ما رضيت اقوله عشان ما تحسين اني ابا اخرب فرحتج.


على كل حال ما اقدر اكتب وايد لاني مع ولدي في المستشفى بيسوي عملية اليوم قديته.. والموبايل ما يخليني اخذ راحتي.. بس تذكرين يا روضة يوم قلت لج زمان ان المواقف والايام هي اللي بتثبت اذا هالحب صادق وجاد او لا؟
ً
خلي هالعبارة جدام عيونج دايما.


يمكن ارجع لج عقب ما اتطمن على ولدي.

__________________


اللهم طِيبَ الأثر .. وحُسْنَ الرحيل.

اسمعي يا روضة:
1) هو الآن زوجك وأنتِ الآن زوجته بشرع الله وسنة رسوله.. أي يجوز بينكما ما يجوز بين الأزواج تماماً شرعاً.. أما من وجهة نظر العُرْف فهذا لا ينبغي الآن.
2) إنَّ الرجل يفور ويغضب عندما يجد من زوجته إيضاحاً أنَّ الأمر لوالدها وليس له، أو أنَّ لا تستجيب للأمر من الزوج بحكم أنها لا تُؤْمَرُ حتى من والدها.
3) النقطة السابقة تعني للرجل أنك زوجة غير مطيعة، ومتمردة، ولا تعرفي مبدأ الاحترام بين الزوجين.
4) ومثل هذا لا يُقالُ للرجل أبداً وإن كان صحيحاً.
5) واعلمي أنَّ الزوج غير الأب تماماً فكلٌّ منهما له حق مختلف مع أن حق الزوج أعلى من حق الوالد.
6) أنتِ أخطأتِ وهو أخطأ.
7) خطؤك يكمن في:
أ‌- تلك العبارة التي قلتِها.
ب‌- القرب غير المنطقي خلال هذه الفترة.
ت‌- إرسال رسالة ضمنية بأنك أفضل منه عن طريق الأفعال.
8) خطؤه يكمن في:
أ‌- توتره.
ب‌- تجاوزه للضرب غير المبرر.
9) أرى لكِ:
أ‌- ضرورة الابتعاد عنه هذه الفترة لمدة أسبوع ولا يزيد.
ب‌- إظهار الجدية بأنك لن تقبلي بمثل هذه التصرفات أبداً.
ت‌- ثم إيضاح الأمور له تماماً بكل صراحة من حيث الأهل وغير ذلك.

اخوي بليغ حق الوالد عندي اعلى من حق الزوج . الزوج بحتاجه لانجاب موب عشان يقيد تصرفاتي وهالشي قبل فيه من البدايه .. واقتنع فيه


تحليلك الباقي واقعي ومنطقي وباخذه ان شالله وبتعامل على اساسه ومن ناحيه ايضاح الامور ﻷهل هاي نقطه كانت ادور في خاطريولابد اجدمها عشان اراويه انه وراي رياييل ..


اشكرك اخويه ماقصرت

بعد اذن بنت ابو ظبى
سلامة سلطان يام مهره
خير الف لا باس
طمنينا شافاه الله وعافاه

الله يكتب اللي فيه الخير