الله يهديك يا لوف مجمع لي 24 عضو ع موضوع لحسة مخ 
شوي تقول حب من اول نظرة بعدين طاقة بعد مدري وش
حدد فهمني وش تب تفهم اذا الناس كلها تقول الحب الحقيقي
يكون بعد الزواج انت تبغانا نشرح لك شي ما جربناه ..!!
شوف يبوي بتكلم بوجهة نظري عن الحب
الحب يتكون بين طرفين او من طرف واحد سايلنت زي ما يقولون
اللي بين طرفين هذا يكون اتوقع كل المسميات فيه من نظرة
اندماج ارواح التقاء قلوب كلش يجي الزبدة تلاقيهم متيمين ببعض
مثلا اثنين من صغرهم معروف فلان لفلانة حيجي الحب لا شعوريا
اذكر أنا صغيرة كانو يسمعوني أني لولد عمي الصغير اللي هو بعمري تماماً
و كنا متفقين و احنا صغار و نلعب مع بعض حتي يوم كوبرت ششوي
صارو يمزحون معنا انك له وهو لك هذا ما أقولك انولدت له مشاعر بقلبي
مستحيل أنكرها سبحان الله يوم صرت بسن الزواج اخوه اللي اكبر منه قال يبغاني
و كان كبير بعمره اكبر مني ب 16 سنة لكن عاد النصيب لما يجي خلاص الواحد
ما يقدر يرده و تزوجته طبعا و اخوه الصغير توه يتزوج قبل سنتين
بس الحمدالله ما كان فيه تواصل بينا ولا كانت الحب ع قولتك واصل حده و الشيطان مكبرها
اما النوع الثاني من الحب اللي من طرف واحد هذا تعب نفسي شديييد
اسمحلي ع الاطاله تراي ما انعطي وجه لا مسكت خط
وحدة من صديقاتي مرة جت الدوام تصيح تصييح و نفسها قافله يا فلانة وشبك وشبك
عيت تسولف بغت تموت من الصياح يومتها وش السبب ...! ولد عمها اللي تموت به
و تحبه و دايم تدعي الله يكون من نصيبها خطب بنت خالتها و كان زواجهم البارح
هذا نوع من انواع الحب اللي ما ينفع بريال ما غير دمار لراعيه و بهذلة
وبس طال عمرك ..
عساني ما جبت العيد

__________________

‏
الوعي هو الملاذ ..

أستغفر الله العظيم ؛
( الفردوس غايتي )

اشكرك على القصيده ووصف جميل صراحه بس نفس اللي مكتوب بكل مكان حسيت بكذا وبكذا وكان كذا
طيب وش خلاك تحس كذا ااااااااااا ماادري
وهل حس الطرف الثاني بنفس شعورك اااااا ماادري


انا ابي اوصل لمعادله

متى يوقع الحب بين اثنين بنفس الدرجه وبدون مقدمات وبدون مجاملات

هههههه ماتخيلت شي معين
صدقني حتى لو كنت راسمة ببالي شخص وسيم و تاجر وحنون ووو يمكن يجيني زي الموصفات اللي تمنيتها بس مااقدر احبه ولاارتاح له مع انه نفس مواصفاتي اللي اتمناها

ماجربت احب بس اتوقع مارح احبة عشان شكله ولافلوسة
بعدين ليش تفاول على زوج المستقبل
لوف ااطلع من مخيانت افكارك سوداء

بنفس الدرجة ما اتوقع يحصل و بدون مقدمات
لكن اتوقع و الله العالم في حالة الانسجام التام
و التفاهم أنا بمثلها لك
خطبت وحدة محد وصفها لك ابد دخلت تشوفها
ارتحت ملكت بعد الملكة اكتشفت انها خجولة هاذي صفة تعجبك
شوي شوي توسعتو بالمكالمات حسيت انها ذكية و لبقة
وشوي دلوعة و لما زرتها شفت كل معاني الأنوثة و الدلال
هنا يبدأ الحب اذا هي مثلك حبتك و حبت مواقفك و سوالفك معها
و بيكبر الحب لغاية ما توصلوا لمرحلة الاهتمام بالمحبوب و الشوق
و الوله و و و و تصير ولد الفراعنة تكتب قصايد في عيونها
أتمنى تكون وصلت وجهة نظري او قدرت اقربك للمعنى
و بس ي لوف

__________________

‏
الوعي هو الملاذ ..

أستغفر الله العظيم ؛
( الفردوس غايتي )

ههههه الله يخليك لزوجك ويخليه لك ويرزق صاحبتك بواحد يحبها اكثر من اللي قبله
يمكن لحسة مخ بس انا جالس ابحث عن شعور الحب متى يكون وايش سببه ومتى ينتهي
يعني على اي اساس صاحبتك حبت ولد عمها متى حبته ليه حبته يمكن الانسان لما يكون صغير يحصل فراغ عاطفي ويبي يعبيه باي طريقه ومع المسلسلات والقصص يقرر يختار له واحد يحبه ويعبي هالفراغ
بعدها تحصل هالشخص وتدحشه بهالفراغ وهو ماجاب خبرها وبعد فتره يتحول الشعور له كحب حقيقي ويتزوج وتجلس تبكي على حضها وهو ماله ذنب واتوقع هذا اللي حصل معها
اما انت فرضيتي بالنصيب مثل اغلب الناس اللي ردوا
ولاقصة حب حقيقيه مرت في الموضوع

هههههههه اهم شي تاجر تحبين الدراهم شكلك

لا بس انا ماقصدت اتفاول عليه بس حبيت اقلل من مميزات اللي تحبينه واشوف ردك
ههههههه افكاري سوداء حسيت اني من الفئه الضاله

لالالالالا مو كذا
اول شي العطاء اقصد المادي او المعنوي وكل شي بالدنيا يندرج تحت مسمى عطاء
بعدين انا اعرف بنفسي وباحساسي من اللي يستاهل ومن اللي مايستاهل
انا ماجربت احب ولاقد عشت علاقة عاطفية بس اتكلم عن حياتي بشكل عام يعني مع اهلي واخواني صديقاتي مع زميلات العمل حتى مع رئيستي بالعمل ومع اقاربي
ولاقد وصلت للحالة اني مااقدر اسيطر على عطائي
ولو مثلاً حبيت وعطيت ولاشفت مقابل وودي استمر واعطي بسبب الحب اقدر ادقم نفسي <<<اتحداك تفهم وش معنى ادقم

اوك بدينا نوصل لمكان ماء
بس لو ماصارت مثلي يعني ماحبتني وش اسوي كذا واحد صارت معاه
وليه انا ابدا الحب وليه نفيتي انه يكون بنفس الدرجه من الطرفين
فيه كذا قصه مرت علي اتزوجها بعد فتره تعلقت فيه ومو داري فيها هو عرف بحبها بدى يستخدمه ضدها
فيه ناس حبت على ذكر الشخص بدون الزيارات والمكالمات
فيه واحد تزوج وحط كل مشاعره بكرتون واعطاهياه وهي لا حياة لمن تنادي
متى يوقع الحب بنفس الدرجه بنفس اللحضه

احس وماادري ممكن تفكرون معاي اشوي ان احسن حب اللي يكون بين مراهقين يعني صراحه احسه صافي ويكون على غباء وبشكل متوازي ممكن لانه اول حب

لوف أنا مطلقة
اما عن صديقتي بقولك ليه حبته قصة حبها عجيبة غريبة
اخواته الله يسامحهم اوهموها انه يحبها و هي كانت صغيرة بالثنوي
الى ما كبرت و صارت باخر سنة بالجامعة و هي تحبه و كل يوم يكبر حبها له
و كانت تصير بعض المواقف الغامضة الي تهيئ لها انه يحبها
يعني البنت انخدعت مسكينة كانت شفافة بس انخدشت للأسف
هذا أنا ما اعتبره حب ..،،
الحب اذا ما تووج باهتمام من الطرف الاخر ف يعتبر احساسيس وهمية حتزول مع الوقت

__________________

‏
الوعي هو الملاذ ..

أستغفر الله العظيم ؛
( الفردوس غايتي )

سجلت دخول لاجل اسئل
هل انت بالفعل متخصص بهالجانب ام مجرد قراءت متمعنه؟؟
امام قلم ناضج جدا وزوج ان كان يحمل هذا الفكر فهنيئا بزوجه المستقبل اذا عكسه ع حياته ليس مجرد تنظير وهنيئا لاابناء بأب بيغنيهم البحث عن جوانب اخرى!!!!
قلم ان كانت ردوده نابعه من فكره ليست منسوخه فحافظ عليه من مهاتراتك التي سقطت عيني عليهم ف بعض الردود
حتى يؤخذ برائيه متى ماشعر السائل انه بحاجه لااستشاره منك!!!!
كل رد ذكرته كما لو انك عكست مابداخلي من تساؤلات كنت ارغب الحديث حولها !!!
اخي لابد الاستفاده من التجربه السابقه بطريقه ايجابيه لا تلوم نفسك وتجلدها اكثر!!!
ماشاء الله تبارك الله
متابعه جدا وبشغف ولن ابدي راي بالموضوع لاني اشعر انك تناولت كما ارغب ان يكون واكمل مناقشته!!!
موضوع اختير بعنايه وادير مناقشته بروعه وثقل قلم اتوق لااغوص باعماق فكره وعقلانتيه
لله درك بكل كلمه قلتها!!!!