حياك اختي انا دخلت فيها بس مرات معدوده مو عشاني عشانها لاني ماشتهيها وانا انسان بكل صراحه جنسي وبقوه بس هي بالذات نو وي مافيه شي يشدني فيها اتقعد من بعض الامور ويعصب علي اقولها

بالنسبه للصراحه صارحتها وقلت لك شي وهي قالت الامر بيدك بس انا اعطي نفسي مجال يعني انا ابي اسوي كل شي لاجل احل هالعقده بس للاسف مازلت في حيره ومدحتها وكل كل شي فيك زين وقلت لها ترا ماجاملك وقلت لها لو تزوجت عليك او تزوجت غيرك ادري اني راح اندم وقلت لها لو تزوجت غيرك ادري ماراح تصبر علي زي صبرك بس انا قدري وضعي قالت والله مقدره وانا الحين معطي نفسي هالمهله عرفتي الحين يعني كللل اللي يخطر في بالكم سويته وهي عارفه هالشي والناس عارفه والكل عارفين وانا ماعلي من كلام النس الناس الميت وهو ميت بقبره ماخلوه يعني وقفت علي انا مثلا؟

تحياتي واشكر شعورك

يا خوي انا اسفه اعرف ردي قاسي عليك بس هو الواقع الاليم يعني شي ما تقدر تغيره ابدا لو شوووو ما سويت.... و السبب اللي عطيته عن عدم التواصل ما يعذرك يا خوي...

و بعدين انت قريت جزء من ردي... راجع ردودي انا طرحت عليك كيفية الطلاق منها.... دامك حاولت و حاولت خلاص يا خي.... ارجع و اقول لك.... الارواح جنود مجنده منها ما تآلف و منها ما تنافر.... دامك ناوي الطلاق.... طلق و خل الاسباب منك.... علشان تعطيها فرصه بالزواج و ما تخلي الاقاويل تاكلها.... خاصة انها بنت خالك و زواج ثلاث سنين و ما فيه عيال فتوقع كلام الناس عنها...

حياك وانا احترم وجهة نظرك بس امور زي هذي او اي مشكله تحصل لاسمح الله حاولي تدخلي باب اللطف والكلام السلس الدعوى مو قوه وصعف .. الدعوى ااستشاره مع وجود اسباب مقعنه انا كل باب طقيته وهذا انا اقول لك اني بقرر الطلاق وهل لي الحق ؟؟ وانتي تقولي اخر شي دام كذا طلق صح؟؟ يعني انا ماقصرت حاولت وحاولت وحاولت والثلاث سنين غيرك قال اصبر كثرها وناس تقول لا طلق انا اشوف اني وصلت لطريق مسدود بعد هذا كله اللي يقهرني ان فيه ناس تقول ظالم واني على خطأ هالشي يخليني اتعقد لاني اعرف نفسي زين واعرف اللي لي وعلي بس المسال مشوره لعل وعسى ان اجد حل لان هذي اول واخر بصمه لي في المنتدى

انصحك بشيء واحد

قيام الليل والاستخاره لمدة شهر كذا بالاستمرار او الانفصال

والله يكتب لكما الخيره

اللهم اكتب لهم الخيرة في امرهم

__________________
يارب ابدل حزني فرحا وسرورا وابدل مرضي صحة وعافيه ياكريم

أنا برد رغم أنك حاط ببالك أن الردود عاطفية و ستكون مع الزوجة
أخي الكريم , مافي أحد ما يحب الزوجة المطيعة , الخلوقة , المحبة لزوجها
المشكلة بشكلها , رغم أنك تكرر أن الشكل لا يهمني
لكن كتابتك أفصحت عما بداخلك , و هذا لا عيب فيه , فأنت تقول لا تشتهيها
و سبب من أسباب محبة الزوج لزوجته , التوافق في العلاقة و هو سبب مهم ,,ومهم جدا
,,
طيب عندي اقتراح و قد يكن غريب نوع ما , لك جرّب و ما راح تخسر شي
لما لا تجعلها تسوي عملية تصغير معدة , لتنحف و تعالج عند طبيبة اخصائية أمراض جلدية ان صحت الكلمة
لتبيض المناطق الداكنة و التخلص من الحبوب
يعني البنت الله يستر عليها أخلاقها حلوة و أنت كذلك من كلامك عن نفسك
بس التوافق الجسدي ليس موجود ,,,
الأخلاق صعب تتعدل , لكن العيوب الخلقية بأذن الله وبالطب الحديث تتعدل ليش لأ؟؟

__________________

اعجبني الاقتراح
جرب اخوي وتسبب
لعل الله ينفع فيه
ماتدري لعله خير
وفعلاً دام صفاتها زينه وتعاملها واخلاقها
ماراح تلاقي الا قلليل في هالزمن مثلها
والشكل بتلقى احسن لكن حده سنه وبعده بتكوون انسانه عاديه بنظرتك
الله يوفقكم ويفرج كربكم وكرب كل مسلم
ادعِ ربك والح عليه
الله يحب اللحوح
كرر الاستخاره وقيام الليل واكثر الدعاء في السجود
ووتذكر ،
ضاقت فلما استحكمت حلقاتهاااا ...... فرجت وكنت اظنها لاتُفرج

فرج ربك قريب لكن تسبب
وتريّث

الله يدبرك لما فيه خير



دعواتك لناا
وبان الله راح ادعي لك

__________________
ربنا هب لنا من ازواجنا و ذرياتنا قرة اعين و اجعلنا للمتقين اماما
ربي أسعد أمي جنتي ❤

نصيحتي لا تطلق واتركها تكون اسرة صغيرة واعطها حقها ولو كنت مكره بما انك عرفت عيبها وعرف ايجابياتها وكون نفسك مع زوجة ثانية باختيارك اهم شي خلك قدها مايحتاج الهم اللي حاط نفسك فيه هذا من ناحية ثم النت النت النت احفظ نفسك واحفظ بصرك واربط قلبك مع الله واسال الله من فضله..

اسمح لي اقول انك انت سبب تعاسة نفسك

الحل بيدك انت وبس !!

رجال قرارك يخصك لحالك ما حد له شور عليك

اسعد نفسك و طلقها دام انغشيت فيها مو حرام و لا عيب

هي ضحية تدخل الأهل و زواج الحريم اللي يخططون و يزوجون علي كيفهم

انت بري و مظلوم فطلقها و اختار حياتك بنفسك ~~

خل اهلها يتعلمون وش معني يلصقون بناتهم غصب بناس ما تبغاهم

و كونهم ساكتين لانهم عارفين وش سووا فيك ~~

لا تورط بعيال و ينظلمون بعدين ،،،

الله يعينك اخوي ويكتب لك الخير

ماادري وش اقول بس اذا مافيه توافق مالله حادكم على هالعيشه يعني لو طلقتها بتتعب شوي بس اذا هي انسانه عاقله وفاهمه ماراح يضرها الطلاق بالعكس بيفرحها لان مافيه وحده تحب تعيش مع احد مايبيها بغض النظر عن كلام الناس

اخوي تزوج وحده تقرب لنا وفي يوم الصباحيه جاء لاامي يبكي يقول مابيها وبطلقها انهبلت امي قالت اكيد احد حاط لكم سحر قال لا بس ماارتحت لها وشكلها مو زي ماوصفتوها لي

المهم قلنا اول يوم ومو معقول انه حكم عليها صح مرت الايام وهو حزين وهي حزينه وتحاول بكل ماتملك انها تكسبه بس هو عجز يتقبلها وكان يضغط علي نفسه عاش 3 سنين بدون اطفال وتروح امي وتاخذها وتعالجها عشان تحمل تبيه يرغب فيها وجابت بنت ويوم صار عمرها سنه راح ووداها لااهلها قال بنتكم مافيها اي عيب بس ربي ماكتب لي نصيب معها وخلاها عندهم وارسل ورقتها وتزوج وعاش حياته ونساها بس امي تقول مااسامح نفسي اني ساعدتها تحمل لانه كان مايبيها وربي مازرع حبها في قلبه وعجز يتقبلها وكان يفترض انه ماصبر لان القبول من ربي مايجي من انك تصبر هذا احساس لايمكن يتغير

وطبعا في مجتمعنا للاسف البنت اذا تطلقت طاح حضها يعني اخوي تزوج وجاب ولد وهي لسه في بيت اهلها وكلام الناس قطعها مع العلم ان اخوي حط العيب بنفسه بس ماسلمت

قلت لك موقف اخوي عشان احطك بالصوره لاتطول الموضوع اذا ماتبيها علمها وقولها تسامحك وسامحها وادعو لبعضكم بالخير واكرمها وطلقها بدون مشاكل والله يغني كلا منكم من واسع فضله ويجعل ان كان في طلاقكم خير انه يعجله وان كان شر يرده باايسر الاسباب

موووفق وطمنا اخوي ايش تقرر