انتحار صديقتي بعد زواجها بشهر
ما كنت اتوقع بيوم من الايام ان هذى نهاية صديقتي منيرة
بقول القصة و انتم أحكموا فيها و مين الغلطان و ايش السبب
و أسئلة كثيرة مب لاقيه لها جواب !!!!!!
القصة واقعية مب خيال و لا تأليف نفسيتي تعبااااااانة منها
فاعذروني على اي انفعال او كلمة غير مقصودة ابغي افضفض
فانا من الأساس نفسيتي متحطمه و الحين زااااادت تحطيم ...
منيرة هذي صديقتي من واحنا صغار ما أشوفها الا بين
سنة و سنة اذا رحت لجدي ...
المهم منيرة هذي بنت مثقفة جدا .. عندها طموح كبير و
كلامها دايم فلسفي وانا ماحب كل كلامها لانه صعب في
واقعنا لكن مع هذا اروح لها بين فترة و فترة
و كل مرة تقول لي أني بسيطة و ما عندي طموح و مو فاهمة الحياة
الى ما تزوجت و كانت اخر مرة أشوفها فيها ..،.
كان ابو منيرة شخص قروي حاد الطباع غليظ
متزوج اربع حريم ...!! كل يوم و هو ضارب هاذي و مطلق هاذي
و عنده عيال ما دري كم عددهم ؟!! كثاااااار ...
إخوانها و رثوا قسوة وجهل ابوهم ...
الى درجة ان و احد منهم كان يضرب امه !!!! و يروح يوصلها
المستشفي و يتركها و يرجع القرية المجنون ...
و كل يوم وفيه مشكلة بسبب عيال ابو منيرة و مشاكلهم مع بعض
يعني عيال الضرائر يتضاربون و هم كبار طبعا و بعضهم متزوجين
مرة واحد سارق من الثاني و اللي مكسر سيارة اخوه
و اللي مغرق مزرعة أبوه و اللي ضارب خواته و اللي مادري ايش مسوي
و اللي جاي سكران و متطاول على زوجة أبوه او امه ...
لكن ام منيرة كانت الزوجة الاولي و اكثر وحده مضطهدة
و منيرة بنتها الوحيدة غير العيال ...
كانت تجي لجدي يحل مشاكلهم مع زوجها و يخلص بنته
من أبوها اللي دائماً يضربها ...
منيرة كانت تفضفض لي انها تحلم بالحرية و الهجرة الى أبعد
دولة عن قريتها و تعيش مثل اي بنت و زاد تعقد منيرة كونها
متعلمة تعليم متوسط لكن ثقافتها واسعة جدا ...
تزوجت منيرة صديق أبوها غصب عنها .. و هي البنت الهادية
المؤدية و اللي تحلم احلام مستحيلة ...
طبعا متزوج و طلعت منيرة من القرية ،، لكن وووووين راحت
هل راحت لأبعد دوله مثل ما تحلم ؟!!
راحت منيرة الى اقرب قرية من قرية ابوهم !!!!!
استسلمت منيرة ظاهريا للواقع لكن داخلياً كانت تعيش اشد انواع
الاعتراض المكبوت و زاد الامر جهل و كبر زوجها ابو سند
اللي انهااال عليها ضرب في احد الايام و رجعها بعد ثلاث
اشهر من زواجها مطلقة !!!!
ليش ضربها زوجها ؟!! و طلقها وهي الجميلة الصغيرة !!
هذا سوال ما عرفت جوابه مدة طويله ...
الى بيوم ما جت ام منيرة عند جدتي تبكي و تشكو من وضع
منيرة اللي حبسها أبوها و قطع عنها العلاج ...
منيرة كانت تتعالج نفسيا بعد ما حولت قتل زوجها !! حطت له
مادة سامة في القهوة ... عرفت وقتها ليش تطلقت ؟!!
لكن كيف اكتشف زوجها ! مادري ؟'!!
حاولت أتواصل معها لكن ما قدرت و طلعت أنا من القرية
وانشغلت بحياتي ..
الى ما رجعت قبل مدة الى القرية و في الليل سمعنا صراخ
أمها و بكيها منيرة انتحرت بعد ضرب أبوها لها و تزويجها
من ابن عمها ...
رمت نفسها من فوق السطوح لتنهي معاناتها بيدها بعد
شهر واحد بس من زواجها ...
قصة منيرة احزنتني جدا و تذكرت كلامها عن صعوبة الحياة
مع أبوها و في اسرة تستعبد الأنثي .....
كان دائماً تدور على حل مرة تتكلم عن حقوق الانسان و مرة
عن القضا و مرة عن تبديل الجنس الى في النهاية
ما وجدت حل الا الانتحار ...!!!!
الهدف من موضوعي فضفضه مثل ما قلت و سوال محيرني جدا
القصاص المفروض يكون على الاب ؟!! او تعتبر منيرة منتحرة
و مذنبه ؟! رغم معاناتها ....
لو كنا مكان منيرة هل راح نسير بنفس طريقها !!!!
او نرضي و نستسلم للحياة ....
عجزت القي جواب او حتي اجزم بموقفي لو كنت مكانها
ممكن اسوي زيها او ممكن اقتنع بالواقع و أحاول أجمله
لو كذب و وهم ...
اختيار صعب جداً و واقع اصعب ...
لو منيرة عاشت مع زوجها مو افضل من الانتحار او فيه عائق لها
*
09-03-2012, 03:33 PM
ضوابط المشاركة
العرض الشجري