ما اعرف كيف ابتدي بس حابه استفيد منكم لانه اللي امر فيه شي جدا صعب تبون الصراحه

انا تقريبن صار لي 6 اشهر معقود قراني وما كنت اعرف انه في فرق بين العرس والخطوبه

خطيبي دخل علي من اول اسبوع ملكه من دون ما نسوي حفلة ولا شرينه الشبكة

ولا دزة ولا شي على اساس انه بيشتغل لي العرس


ان شا الله بعد 3 اشهر الحمدلله اشتغل ودورنه على شقة فوق شقة بيتهم

في البداية قال بنفرش شوي شوي لانه الميزانية ما تسمح

الاما فرش الشقه كلها يوم قلت له البيت مو راضيين اسكن في الشقة بدون ما تسوي لي حفلة

ولا تاخذ لي شبكة قال اوكي اوكي بس صدفه عمة امه توفت وخذ له حجه عشان يأجل العرس لي شهر 6

يعني تخيلو من بعد شهرين خلاهم 9 اشهر وانا مدخول علي

يعني انا متزوجة واهلي ما يدرون

انا صدق ما كنت اعرف هسوالف كنت احبه وايد واحس انه يستغلني ويستغل صغري انا عمري 22واهو 34 الحين

احس انه صاير بارد بسالفة العرس ولا يجيب طاري ولا يقول انه لازم نحجز للفندق ولا راضي اروح افصل لي فستان

صدقوني ما حسيت بطعم الخطوبة نفس صديقاتي اللي كل يوم يمر علييها خطيبها

ويطلعهه ويردون البيت انا كل وقتي في الشقة معاه نتغدى ونتريق وننام ما يحب يطلعني من غير ما اقول له


ولا يكلمني في مواضيع جد كل كلام حب وجنس واكل وبس احس اني صدق نزلت من نفسي وايد وانا اقول لا يتهيأ لي ومعليه بعد ما قال لي بسوي لك احسن عرس

وابي البسك احسن فستان الحين يقول لي بسوي لك عرس حالك حال البنات في اي صالة عاديه مو القصد اني طمعانه بس ابي اعرف هاي جزاتي وانا متأكده انه يحبي ويموت فيني


بس ابي اعرف ليش تغيير اهو دايمن يقول ما صدقت حصلت وحده نفسج الحين انا حيرانه سدت نفسي من كل شي حتى صرت الحين ما اخليه يمارس الجنس معاي


كله اتحجج انا عندي التهابات وانا اكذب عليه ما ابين اني اقصد

حطني امام امر الواقع دخل علي من اول اسبوع على اساس العرس قريب الحين تأجل وبيتأجل اكثر واكثر شاسوي عشان يستعجل

انا مهمومة صدق ما احس اني عروس ما احس اني مثل باقي البنات اللي تحلم بالفستان الابيض وليلة العرس ضيعت كل امنياتي

وضيعت نفسي احس انه اختياري كان خطىء انا اللي الكل كان يتمنناني ويعيشني احسن عيشة انخدعت فيه كثير متضايقة وحزينه بس ما اقدر اواجهه وقول له شي على طول ساكته وحزينه يقول لي اشفيك اقول له ولا شي مالحل ؟؟

ساعدوني.......