اشهر وهن اختي في الله الغالية 79جني

وضح لي من كلامك انك متزوجة حديثا ،، وانك ساكنة مع اهل زوجك ،، لازم تعرفي ان الزواج ميثاقا غليظا، وانه المفروض بدوم طول الحياة ، لكن لو بدأت المشاكل مع الأهل ( وخصوصا اهل الزوج) ما راح تخلصي وخصوصا وانت عايشة معاهم في نفس البيت وعمر الزواج حيكون اقصر من ما تتخيلين ،، انت قلتي ان السالفة مو سالفة خاتم لكن سالفة كرامة ، يا اختي الحبيبة مافي كرامة بين زوج وزوجته وانت لو عملتي مشاكل مع اهل زوجك وخصوصا امه معناها بتحكمي علي حبه ليكي بالانهيار ، لأن اكيد حبه لأمه التي حملته في بطنها 9 اشهر وهن علي وهن وارضعته وربته اكتر من حبه ليكي ، واكيد حيصون كرامة امه- اللي ياما دافعت عنه في صغرة - علي حساب كرامتك. اتأكدي ان حماتك لازم توقع معك في مشاكل لا حصر لها فأنت الصقر اللي خطفتي ابنها من عشها ، لكن الحفاظ علي بيتك من الانهيار هو مسئوليتك انت ، وانت وبس.

احمدي ربك ان زوجك فاهم امك وعارف انها غلطانة ، لكنه بالتأكيد ما حيواجهها لخاطرك ن وان فعل، فالمرة دي وبس والمرة التانية حتكون عليكي


احفظي بيتك واكرمي حماتك، وان بخلت عليكي.

كرامتك مش في الخاتم ، كرامتك من كرامة زوجك ، عشان كدة ما تحطيه في مواقف قدام امه

اتحملي عشان زوجك علي الأقل، وعشان تحفظي بيتك ، ويارب يكرمك بالذرية الصالحة تكون قرة عين لك وله

اختك
monana

وطمئنينا علي اخبارك ، ومستنية المشكلة التانية

ويارب ما يكون في مشاكل وتعيشوا دوما سعداااااااااااااااااااااء

__________________

عزيزتي ... خلاص انسي سالفة الخاتم...
واقنعي نفسك أنك مش محتاجة هدية منها.. لا من خاطر ولا من غير خاطر..
ترى الكرامة مش بالهدايا...

وأمك.. لا تجيبين سيرة الخاتم معاها مرة ثانية.. وإذا هي فتحت الموضوع..
حاولي أنك تبينين أنك مو مهتمة وسكري الموضوع بهدوء...
وإذا زوجك تكلم عن امه أنها غلطانة...
قولي له : عادي حبيبي لا تهتم.. أنا ماشلت في خاطري عليها..
وبيني له أنك تحترمين أمه وتحشمينها عشانه..
عشان تكبرين في عينه أكثر وأكثر...

ونصيحة مني........
دامك مستانسة ومرتاحة مع زوجك... أنسي سوالف أمه أو أمك...
وأي شي يصير منهم لا تسوين منه مشكلة..
لأن الزوج مهما وقف في صفك وقال إن أمه غلطانة.. ترى ماراح يرضى عليها أكثر...

عيشي حياتك مع زوجك .. وأنتي توك عروس... والمشاكل الخارجية لا تحولينها داخلية...

أمك إن شالله بتنسى مع الوقت... المهم إنتي ماتزعلين نفسك...
خلاص.. أم زوجك بخيلة... على نفسها...
مش هي اللي بتصرف عليك.. عشان تتضايقين من بخلها....


الله يوفقك وعطينا مشكلتك الثانية عشان نساعدك فيها...
والله لا يجيب المشاكل بييييييييييييييييينكم...

الله يوفقك اختي الغالية لرضا زوجك ورضا ربك

__________________

شوفي اختي لاتعطين الموضوع اكبر من حجمه وحاولي تتناسينه علشان زوجك مادام انه يحبك ويقدرك فهذا كافي

يالله من اجل عين تكرم مدينه علشان تمشي الحياة لابد من كثير من التنازلات

أقول جنى لو وحده غيرك كانت تطنش الشيء هذا وبعدين تعالي اسالك سؤال .........
انتي زوجك معاه أخوان ولا هو لحاله ؟
ردي على السؤال ضروري ابي اقولك شيء

احس ان ماله داعي تعصبين كلش..وحتى لو كلن الخاتم مب ذهب عادي.. مب مهم .. الحمدلله زوجي يغنيني عن كل شي...


مادري بس انتي بتخربني حياتج بيني وبين زوجج ..لانه اولا واخيرا امه .. ولا راح يرضى عليها..ومسألة الكذب
هي مش بنتج عشان تقولين طاحت من عيني من بعد الحركه خلاص ان كذبت في رب فزق بيحاسبها ...

خللي تركيزك على بيتك الذي هو اهم من الهدايا وخلاف الحموات وكلام القيل والقال والأخذ والرد

مآدري أحسها سوالف حريم يعني ماكو داعي أمج تدخل أو خالتج...

أنسي الموضوع وخلاص وأستانسي مع زوجج

السلام عليكم ورحمه الله وبركاته ...

انا قريت كل ردودكم وان شاء الله اسويها,,, واطبقها ... يمكن عشان شوي انا انسانه حساسه زياده عن اللزوم ... بس انا ماخسر زوجي عشان شي مثل هذا ,,,

اما يا اخ الجنوبي زوجي عنده .. اخو .. والله يعين الي بتاخذه لأن امه الي هي خالتي ..... مسويته يا دهينه لا تنكتين وتفضله على اي احد من عيالها وهو الي بقى من بعد اخوه بلا زواج ...... لو الود ودها .... ما تبي ولدها بعد يشتغل .. ويستلم راتب من غير تعب ... ويا خوفي صراحه من تأثير هذا على ولدها لين تزوج .....

مشكورين على كل شي ...


اما بالنسبه لمشكلتي الثانيه .... هي بعد بسيطه بس شوي تضايق ... زوجي في طبع ان لكل خطأ عقاب ... يعني ما ينسى .. يعني لو صار شي لازم لازم يردها بطريقه او ثانية .... حتى لو نغزه ..... مع ان مشاكلنا قليله بس لاحظت هالشي في تعامله حتى مع خواته .... لازم لازم يعاقب ...... يعني كنت اقوله ممكن لمن الواحد يغلط لأول مره سامحه او عطه انذار .... لا عنده هالشي مستحيل .... ماشي حياته عسكريه ... مثل حياته العمليه ... وهالشي يضايقني ,,, وخصوصا .. لمه طلبت منه اني بقص شعري ورفض .. مع اني متوحمه في شعري .. لاني حامل توني عقبال الجميع .... المهم انا رحت الصالون بسوي اظافري قلت خليني اقص شعري يمكن لو شافه يغير رأيه .... رحت البيت ... وزعل ,, مالمته .. وحاولت اعتذر .. واقنعه اني فعلا متوحمه بشعري .... ماكلمني يوم كامل .... وبعدين ثاني يوم كلمني عادي ولا كأنه صار شي .. جان يقولي لكن ما بطوفها لج ولازم اشوف لج عقاب يجازيج ...... طيب ليش جذي ... ليش الرجال ما ينسى .. وليش لازم عقاب ... يكفي اني اعتذرت ووعدته اني ما بكررها .. .وبحكم ان احنا ازواج جديد ... لازم نكتشف بعض شوي شوي ..طبع العقاب والجزاء فكره تضايقني ....... لازم يكون في تسامح وغفران ....... عشان المحبه تكبر .. ولاانا غلطانه .... صدقوني انا ما تدلع ولا شي ... بس انا لمه اكتشفت هالطبع الصراحه ضايقني .......

تحياتي

اخت جنى......... على العموم ......... زوجك اذا كانت هذي أخلاقه فهو رجل فعلا لان هذي أخلاق الرجال و شكله من النوع اللي رسمي و روتيني ......أهم شيء دام انه ما يسوي لك مشكله بدون سبب هذا اهم شيء لانه من اللي فهمته منك ان زوجك يزعل بوجود سبب وهذا طبيعي جدا عن كل رجل ............أهم شيء أنه يحترمك ..........وأكبر دليل على كلامي انه طبيعي وطيب أنك تقولين حتى مع أخواته ...... معناتها أن رجلك ماشي بأسلوب واحد متبعه في حياته ,
تبيني أقولك شيء ........ اللي مثل زوجك هو اللي ناجح في حياته ......... والله يوفقكم ان شــــــــــاء الله ....