المشاركة الأصلية كتبت بواسطة مختلفة قليلاً

أنا قد كتبت موضوع هنا عن زوجي وانو يبغى يسافر قبل ولادتي ويخليني طبعا هو يبغى يسافر اربعه شهور للدعوه ،
طبعا أنا لسى ادرس منازل و جاني أمس يقولي إنّو يبغى ينزلني عند اهلي قبل الاختبارات النهائية عشان هو يسافر وانا يصير اختبر السنه الجايه قلت له لا ما أبغى تروح علي الاختبارات وقال خلاص نحنا اتفقنا من اول على كذا ؟قلت له فين اتفقنا ؟ انت قلت له كيف تقدري تختبري مع الحمل وانا قلت لك مدري هذا عندك اتفاق !!
المهم انتو إِيش تشوفوا اصر ع موقفي مع انو معاندني ولا اختبر السنه الجايه ؟ مع انه مو مستصيغة الموضوع نهائي ؟

المشاركة الأصلية كتبت بواسطة أنا حور

حبيبتي ممكن تختبري بمنطقة أهلك
إذا كنت ثانوي وتبغي الطريقة أنا معلمة وممكن استفسر لك من الإدارة..أو روحي مدرستك الحالية واستفسري بدقة.
بس اختباراتك لا تتنازلي عنها هذا رأيي واستخيري والله يوفقك .

المشاركة الأصلية كتبت بواسطة شاطى الراحة

بينكم مشاكل وتراكمات؟
او بينة وبين اهلك مشاكل؟

المشاركة الأصلية كتبت بواسطة مختلفة قليلاً

أكييد تحصل بيننا مشاكل خاصة وقت الحمل والغلط يكون منه يعني يسمع كلمة مني تزعله ع طول يغلط ويكبر المشكلة ع أتفه مشكلة يمد يده علي وانا أكتم في قلبي واصبر ..
بحملي ذا ماصارت مشاكل كثيره لاني كنت اسكت و ما أطول معاه الكلام عشان اتقي شره

مابيني وبين أهله شيء