يعجبك لما الناس يعرفو سبب طلاقك ( ياأنا ياأخوك ). 🙊

عيب يابنت والله عيب لو أخوك مارضيتها عليه

زوجك رجال الله يسخرك له ولا يعوضه اذا اصريتي لها السبب

ومن جدك تستفزينه وقلبك محروق عشان سوالك حظر ( ضربني وبكى وسبقني اشتكى)

اذا بتتطلقي جد تخيلي ايش موصفات الزوج المستقبلي الي بتتزوجيه بعد الطلاق ولاتنسي تشترطي عليه يهتم في ولدك عشان ماتحصل معاك نفس المشكله

وولدك الله يشفيه شفاء لايغادر سقما

.................................................. .............
بالعكس موقفه هذا يؤكد انه وفي وعداه العيب وراح يكون وفي لكي الله يسعدكم وتموتو سوا بسن الثمانين ان شاء الله .

الزوج موجود والولد مولود والاخ مفقود !!
لو كان اخاك من يمر بنفس هذه الضروف الا تستقبلينه في منزلك ؟ ولو رفض زوجك ذلك الا تغضبين ؟
بعيداً عن العاطفه , الزواج ليس ورد وزهر , الزواج مواقف ومسؤولية واحترام للنفس .
لا مانع من الاخطاء وهذا المتوقع والاكيد وجودها وهذه سنة الحياه ولكن الصبر والعقل والبعد عن النظر بسلبيه هو الحل .
يبيعون عليكم الاطباء النفسيين والمستشارين الاسريين الكلام الرخيص وتلهثون خلفهم دون وعي (الكلام عام وليس لك خاص)
باختصار انا رجل ولو كنت مكان زوجك حتى لو كنت غلطان سأختار اخي ودون تردد وحتى وان وصل الامر للطلاق .
انظري للاوقات الجميله بحياتك واحمدي الله على نعمه ولا تكوني المرأه الهادمه لمنزلها .

بِسْم الله والصلاة والسلام على رسول الله

سأقول ماعندي إن وفقت فمن الله وإن أخطأت فمن نفسي و الشيطان ولا حول ولا قوة إلا بالله

أتعلمين أين تقع المشكلة الرئيسية تقع في عنادك وتعمدك لإشعال المواقف بدل تهدئتها و معاملتك لزوجك بأنه ند في حين أنه عليك أن تعامليه على أنه زوجك سِتْرِك بعد الله أبو أبنائك
لكنك للأسف تعامليه كأنه خصمك في الإتجاه المعاكس

أنت قلت ولم يجبرك أحد على ذلك أنه دار بينكما خلاف "صغير" يعني ما يستاهل التكبير و يتوجب عليك إحتواءه وحلّه وببساطه
لكن العكس الذي حصل

الذي حصل أنك سعيتي لإستفزازه في موضوع حساس وكبير وأنت تعلمين ذلك و تعلمين رده مسبقاً ولكنك أردت الإنتصار بأن تجعلي زوجك يتنرفز و تعكري مزاجه ولا يهنئ بالطلعه مع أخوه
ملاحظة : الشيطان هو الوحيد المستفيد من إستفزازك لزوجك ، لا زوجك إستفاد ولا إبنك ولا أنت . بل في الحقيقة أنت الخسران الأكبر من هذا كله لأن أي شخص سيسمع بما حدث ستصغرين في عينه حتى إبنك لو علم في المستقبل بهذا الموقف وعلم أنه كان سيتسبب في التفريق بينكما ماذا تظنين ستكون ردة فعله ساعتها !!!!

أختنا الفاضلة لا تكوني كالتي نقضت غزلها من بعد تعب وعمل وجهد جهيد

نصيحة لك أرجعي لبيتك و كأنه شي لم يكن وأعتذري لزوجك و حافظي على بيتك وتعودي من الشيطان الرجيم فالموضوع صغير لا تكبريه

وأنصحك تراجعي موضوع حُل البارحه تقريبا موضوع أخونا أظن أسمه مرجان وتمعني تكبيره للكلام ماذا فعل به و بعائلته و أنظري لحاله وحال عائلته عندما سعى للصلح واعتذر

أسأل الله أن يفرج الهموم ويشرح الصدور وييسر الأمور

لو طلقك بتزيد حرقة القلب ..
وبعدين انتي تقولين مايحبك ولا يبيك ..
لو مايبيك كان طلقك من أول ماقلتيله طلقني ..
أو حتى بدوون ماتطلبين منه ..

وبعدين إنتي خيرتيه بينك وبين أخوه ..
ومن طق الباب سمع الجواب ..
لا تساومين زوجك على أهله مرة أخرى ..
لأنه حتى لو يحبك أكثر بيختارهم عليك لأنك أجبرتيه على هذا التصرف ..
الغلط كله تتحملينه إنتي ..

الله يهديك و يصلحك
صنعتي مشكلة من فراغ و بدوري حلها

__________________

أقحمتي أخوه في الموضوع وهو ماله علاقة الله يهديك

تخيلي أختك عندك وزوجك ماياخذ راحته بتسمحين له في الطالعة والنازلة يلوم أختك ؟؟؟

اسكتي ولا تخبرين أهلك وارجعي بيتك بعد كم يوم راحة وفي لحظة صفاء قولي له أنا اسفة لو زعلتك أدري إن أخوك ماله علاقة ولا ضايقني بشي بس تنرفزت من مماطلتك في موضوع المستشفى وووووو.... كملي يعني

تراه ماغلط والمتوقع يسوي كذا بيته يعتبر بيت ثاني لأهله

أخت زوجي ساكنة عندي تدرس في الجامعة مع إن في سكن طالبات وفي 2 أخوان غير زوجي في نفس المنطقة وزوجي مستانس لأني معتبرتها أختي وأتقاسم معاها أي شي ولا مرة أقحمتها في مشاكلنا ولو بيصير بيني وبينها شي ماراح ادخله في الموضوع بأحله معاها دايركت

تعوذي من الشيطان وإكسبي حياتك مع زوجك دامه ماغلط في حقك ولا أهانك
صح إنه ماطل وهذا سبب زعلك الأساسي بس اعذريه يمكن مشغول

والله ييسر لك ويريح بالك

لا استطيع الان فعل اي شيء وهو اختار اخيه كيف لي ان ارجع وكأني اغصب نفسي عليه

أخبرت والدتي اني لم اعد أريده حتى هو لا يريدني لان الصباح اخذ الطفلين ولم يرجعهما الى الان

ماشاءالله الطلاق عندج مثل شربة الماي ..

عادي اولاده وحشوه و اخدهم و يرجعهم بعدين وش فيها

وش ماخدك عليه غير جلسة اخوه عندكم عشان الدراسة

امك وش قالت لما قلتي لها اطلق

__________________