انا لي تجربة باعطاء زوجي قرض ووعدني يسدد القرض اللي علي بمجرد مايجيه مبلغ
طبعا جاه المبلغ وسحب علي ..وانا اللي اكلتها
يسحب من راتبي شهريا مبلغ 3000 وزياده لمدة 5 سنوات
وبالنهاية لا شكر ولا تقدير
هذا عايش عمره بهلبسفريات والروحات وانا ولاادنى تقدير

اختي ريماس لله درك واعلمي من قدم خير سيجد خيرا عند الله ومن قدم شر وجد شرا حتى الزوجة اذا ساعدت زوجها بمالها وخان وغدر بهذا المال فلن يبارك الله له في هذا المال لانه سخره ضد من أعطاه إياه والله يقول ما جزاء الإحسان إلا الإحسان فأين الإحسان هنا وهو يقهرها بمالها
عوضك الله خير وسهام الليل ما تخطي

اكيد مع العشره يبان الزوج صاحب حق ويرد ويقدر حقوق زوجته ولاماهمه
طبعا زوجي علشان مااظلمه كان ومازال ماياخذ مني ولو اخذ يرجع
لكن ذيك الفتره كان يحس انه معه حق انه يتصرف بالمبلغ وبعدها يسددني وفعلا سدد لكن تصرفه بهذيك الطريقه حرقت قلبي

انا كنت متزوج موظفه وذلتني براتبها

يعني تقصير بالبيت بحجة انها موظفه

وتشتري ابجورات وترمي القديمه

تشتري شمعدان وكاسات وصواني ذهبية اقول ليه تقول احب التغيير

اقول مو لازم تشترين عندنا كل هالاغراض وتقول وش حارق رزك راتبي

كانت تشتري ملابس ماركات لها وللعيال جزمة طفل عمرة 4سنوات ب 450 ليه مو حرام؟؟؟

فنيله ولد ب 240 ليه ؟؟

وبعد ماتطلقنا شالت كل شئ اشترته حتى الشمعدان مكسوره رجله خذته هههههههه

تشبع فيهم الله يستر عليها

لا وتطلب سلف بتسوي عملية تجميل ورفضت خوفا عليها سوتها من وراي وتسلفت من صديقتها وازعجتني برجع السلفه
واعطيها

اكبر غلط الواحد يتزوج موظفه تغثه براتبها يعني شين وقوي عين تقصير بالبيت ومصروف

دايم تتكرر قدام عيني الموظفات رامين عيالهم على الخدامات

غلطة ماتتكرر بتزوج بنت ربة منزل راعية بيت تعوضني عن سنين المطاعم والضغط

ولا تذلني كل يومين بجيبها براتبي بشتريها من فلوسي

من حقها تقول بجيبها من راتبي وين المذله بالموضوع
بعدين يااخي لاتعمم
انا موظفه ومااحب اكل المطاعم واطبخ انا واذا جبت شغاله ادربها لين تتقن وارتاح من حقي لكن مطاعم لا
وفيه ربات بيوت كسولات وعيالها راميتهم على الخادمه ودايم معها ولاتطبخ
يعني نصيحه لاتقول ابي راعية بيت تعوضني ولاموظفه ماتنفع لكن قل الله يرزقني بالصالحه الي تسعد قلبي وتقر عيني واقر عينها

المذله بالموضوع انها بعد فترة تقول انا ساعدتك بالبيت ولما تصير مشكله تفضح قدام الخلق

انا ساعدته بالبيت وانا اجيب وهو ما يجيب احد مدح الابجوره انا جبتها وهو ماجابها

الله يرزقني بالصالحة وشرطي ماتكون موظفه

معليش اكثر الموظفات هنا بالمنتدى يقولون مشاكل مع ازواجنا على رواتبنا او مصاريفنا

اقطع هالمشكله من أساسها واتزوج انسانه ماتبي تتوظف وشرطي لو لقيتي وظيفه مافيه

وماعندي مانع لو اشتريت بيت اكتب نصه بإسمها دون ماتدفع ريال

اكبر دليل هذا الموضوع كثيره المشاكل بين الزوجين بسبب الفلوس

تصدقون عاد اكتشفت شي
<<< خفي علينا يا اانا
لما الحرمة تصرف من راتبها ع بيتها او زوجها او الاسرة بشكل عام
ينقسمو قسمين :
رجل يقدر هذا الشي و يشوفه من باب التعاون و التضحية من الزوجة و تكبر الزوجة بعينه و يرفع قدرها و هنا الزوجين بيرتاحون و يسعدون ف حياتهم

و صنف يعتبر هالشي اهانه له و بعد ما يخلص غايته يروح ينتصر لنفسه باقرب فرصة ممكنه و الزوجة خسرانه ف هالحالة

ما يسوى عليها وحليلها

للاسف هذا الفكر اللي منتشر
مع انه هالنوعين

تحملتك كفاية..

كلامك اثبت لي ان الرجال يتحسس من المراة المستقلة المستغنية 😊

الاخت عذاري 1234 تقولي لاتعمم

وانا اقولك نفس الشئ لاتعممين انا رجال واحد فقط من ملايين الرجال ومااحب المرأه من هالنوع اللي ذكرته

الزواج والوظيفه عمرها ماكانت استقلاليه للمرأه

مستقله ببيت اهلك كيفك لاكن عندي بالبيت انتي شريكة حياتي لك حقوقك وعليك واجباتك

ماطلب منك ريال وبنفس الوقت احترمي رغبتي مو لازم تشترين للبيت اي شئ يعجبك بتشترين لنفسك انتي حرة

وطليقتي مرة اشترت شنطة ب 14 الف ريال ماقلت لها شئ راتبها وحرة ومستقله بذاتها لكن امور مشتركه بيننا لا

مستغنيه عني انا ايضا مستغني عنها وعن راتبها بس بالمقابل لاتستغنين وتقصرين

عموما هذا رأيي

لا احد تكلم عن التقصير والقيام بالواجبات الزوجية مو هذا الموضوع.. هي شافت شي عجبها ويعتبر كمالي تحفه او شمعدانات واشترتها بتحطها هي ببيتها

نتكلم عن الاستقلال المادي والعاطفي.. لما ما تحتاج تكاسر الزوج على مية وميتين ريال لانها محتاجة

ولما ماتتناقش معاك بشي انت تشوفه تافه وهي محتاجة تسويه او تشتريه لنفسها وماعندها قيمته

لما ماتفكر شهر شلون تسايس عشان تطلب شغلة بخاطرها