هالمره ما رح يكون كلامي لك ، رح يكون للي يردون عليك ويعطونك حلول، عشان تعذبها في بنتها لانها ما تبيك
لو نسمع منها ما رح نايدك ولا نسمع لك في كلمة
واضح جداً ان زواجك نتيجة مكيدة من اهلك عشان يحرقون قلبها،
وواضح ان مالها أخطاء تستاهل اللي سويته فيها
اول مره احس انها انسانة تستحق كل احترام وتقدير ، الله يوفقها ويعوضها باللي احسن منك
الحرمه ما تبيك خلاص اطلع من حياتها وخلها تعيش عمرها، وتحمل نتاءج إرخاء إذنك لأهلك
مو قادر تتحمل فكرة انها بتتزوج، ورضيت انك تجرحها وتتزوج عليها؟!!
مالكم كيف تحكمون
بقية الأعضاء، ما تدرون عن ظروف المرأة فلا تعطونها حلول يعذب طليقته ببنتها، هو قال اهله ما يصلح يربون البنت، والام من كلامه صالحه، وانتم عندكم عيال فخافوا الله
من جد ارتفع ضغطي وانقهرت، كل من كتب وقفنا بصفه وبس!

بما أني من أكثر الأعضاء اللي ردوا بموضوع الأخ أحمد راح أسمح لنفسي بالرد
والصراحه ما شفت ولا رد أعطى للأخ أحمد حلول للطريقة اللي يعذب فيها زوجته ... كل الردود كانت بين من قال له يترك البنت لأمها وبين ردود ومنهم ردي بأنه يحاول يرجع زوجته خاصة انه احتمال بأنها سمعت عنه كلام مغلوط من أخته وهذا كان محتوى كذا رد .

هي رافضه أي تفاهم وهذي فرصة أنه يحاول يفهمها موقفه ويبين الكلام الغلط اللي وصلها عنه ... حبها لبنتها هو الشيء الوحيد اللي ممكن يجبرها تحكم عقلها وتفكر وتسمع قبل ما تحكم ... من الظلم انها تطلع من بيتها وتطلق بدون ما تسمع له ولا مره .

والأخ الى الان وباخر رد له على سؤال اذا كان بياخذ البنت فعلا لو هي رفضت ترجع .. جوابه كان بأنه لا زال متردد ومو عارف . يعني لسه ما وصلنا لهذي النقطة أصلا .

واذا لاحظتي فالأب كمان له مشاعر وحب لبنته ومستعد يسخر حياته لها وبرضه حرام ينحرم منها وينحرم حتى من كلمة بابا وتروح تقولها لغيره وهو موجود ومش مقصر فيها . هذا غير الخوف عليها من أن تكون تحت سلطة رجل اخر زوج أم الله أعلم بأخلاقه .

ما لكم كيف تحكمون !!!! هو الأب ما عنده مشاعر ؟؟ ثم ان زوجته شاركت بهدم البيت ... مش كل غلطة بالدنيا الحكم فيها اعدام .
والمفروض الأولاد يظلوا خارج نزاعات الأهل حتى لو تطلقوا .. الطفل مفروض ما يتنحرم لا من أم ولا من أب

__________________

خاله بيتا: واللي قالوا له " لا ترد عليها بخصوص طلبها بنتها" وش معناته؟!
مو يفتحون النار عليها؟!!
ويفتحون عيون زوجها على استغلال امومتها للضغط عليها،
خاله بيتا ، ربنا يقول " ولتعرفنهم في لحن القول" وفيه اشياء كثيرة واضح انه صاحب الموضوع ما قالها ومخبيها، ووالله الذي لا اله الا هو لو تكلم بكل شيء لغيرتم موقفكم، واللي يقول انت ما أخطأت سواء لك مبرراتك او مالك، الرسول عليه السلام ماقال لفاطمة رضي الله عنها ترى علي ما أخطا انه بيتزوج عليك ومالك حق، الكل داخل ومتعاطف معه ، بحكم انه يبي بنته ، يعني والام ما تبي، وسهل على الوحده تهد بيتها وحياتها الا اذا جرحها كبير وما تقدر تعيش وتضغط على نفسها" لا يكلف الله نفساً الا وسعها"
يعني لمجرد انه اكتشف انه ما يقدر يعيش بعيد عن بنته لازم هي تنسى وتتنازل ؟!!
طلعوا خطاها من بين سطوره وانا مستعدة اعتذر من الجميع، الانسانة راقية ومحترمة ، لا شتمت ولا غلطت عليه ولا عذبته ببنته، باين انها إنسانه نادر نوعيتها ، وهو للاسف ما عرف يحافظ عليها
ياليت قبل ما نطبطب عليها طالبناه يقول الحقيقة كاملة اذا فعلاً يريد الاصلاح بلا حذف وإخفاء للكثير من الحقائق
اولها ليه أخته ما صبرت وراحت تعلمها؟
وليه امه وأخته يقولون أحرق قلبها وخذ بنتك؟!
وليه هو بنفسه معترف ان اهله ما يصلحون يربون بنته؟!
وانهم رح يربونها على الحقد والشر؟!
لانه واضح انهم تعاملوا مع طليقته بهالاسلوب لغاية ما كرهوها في نفسها ، وهو شارك بهالشي
اخيراً حديثي لمجرد قول الحق والإنصاف في الحكم ، واشهد الله على ذلك

كلامك باطل
ما احد من الاعضاء قال هالكلام او اعطاني حل بنية اني احرق قلبها

الام صالحه
لكن اعطيني ضمان واحد بالميه ان زوجها المستقبلي بيكون صالح
وبيساوي بين بنتي وبناته لو ربي رزقه بعيال
او مابيصير في بنتي مثل هالقصص اللي نسمعها الحين من تحرش او تعذيب

وقتها مين بيكون مسؤول قدام ربي ؟
انا الوحيد المسؤول
وانا اكثر واحد قلبه بيحترق على البنت

هذا لو فكرنا بالعقل مثل الأعضاء اللي اشارو علي اني اخذ البنت

اما لو فكرنا بشكل عاطفي فالبنت تحتاج امها اكثر
خصوصاً انها صغيره

وليه تسبق الأحداث وانت ما تعرف خيره من شره؟!!
والا الحكاية غيره وبس!
بنتك من حقك، وأمها استاذنتك، يعني ما اعتقد ان أمها لو كان غير صالح رح تجازف وتعيش معاه ، لانه واضح من كلامك عنها شخصيتها وأخلاقها.
صدقني انت ما يحركك الا الغيرة ، وما تتخيلها مع شخص ثاني غيرك
وسالفة بنتك حجة، وارجع واقول فيه من قال لك ماطل بالمرأة ولا ترد عليها بسرعه لعل وعسى !!
وحسبنا الله ونعم الوكيل
اقول لك كوني امراة ، وشخصيتي قريبة من شخصية زوجتك، حتى لو تحرمها من بنتها وتضغط عليها من خلالها ما رح ترجع، الا ان يقلب مقلب القلوب قلبها
فاتركها تعيش، وتداوي جروحها

رغم اني احسست بشعور زوجتك ووضعت نفسي مكانها فما وجدت الا انني سأفعل نفس فعلتها!!!!
باختصار اكيد هي كانت تحبك بجنوووووووووون وانا اجزم ان ردة فعلها القاسية ماتكون بهذه الطريقة الا من شخص احب بصدق واحس بطعنه من حبيبه ..
لكن عندي احساس انها ماأرسلت لك الا انها ندمت على مافعلت واخبارها لك بخطبتها دليل ع ذلك وتود العوده اليك
توكل ع الله والاستخاره قبل كل شي وطبق كلام Beta*

اتممممممممممممممممنى والله يكون كلامك صحيح
انا متعلق جداً فيها اول انسانه حبيتها
بعض المشاعر لها لذه خاصه ولاتعوض
اتمنى والله استرجع يوم من ايام زواجنا


دعواتكم

اخي الكريم
لو فرضنا انه لا سمح الله لم توفق بمحاولتك لارجاعها
هل ستأخذ البنت حقا؟ ومن سيربيها؟ويعتني بها؟

__________________

لا اعلم
إلى الان لم استقر على قرار
والافكار تاخذني وترجعني

من سيربيها ويعتني بها ؟
ماعندي شخص يساعدني
يعني لو اخذتها لازم اتحمل مسؤوليتها كامله طول الوقت
الاعتناء والتربيه اعتقد اني قدها لكن المشكله في وقت دوامي

طيب هناك حل وسط وهو أن تترك البنت عند جدتها لأمها
حتى تكبر قليلاً .. وأنت أعرف الآن بطريقتهم وأساليبهم حتى تصل لهذا المبتغى

ثم يا أخي يكفيك ما أنت فيه .. عليك أن تلتفت لنفسك فثلاث سنوات ولت من عمرك وأنت
قابع مكانك .. الحزن لا يأتي بنتيجة ولن يغير من ما مضى.شيئاً .. عليك أن تقتنع بما قسمه الله لك
وتسلم أمرك لله ويكفي وقوفاً على الأطلال