الحقيقة ... أن الإستراحة ولعب الورقة مرض خطير !!!

وهناك من لا يجيد فن الإتزان وكثير هم لكن لا تفكير تخريب بيتك
لسبب كهذا عليك بالتدرج يعني أبدي بيوم واحد لك فالأسبوع
لمدة ليست بسيطة ثم يومين وهكذا ولكن إذا كان زوجك يشيش
راح يكون الأمر صعب شوي

هو يقول لي انا ما أشيش بس انا شاكه ريحة فمه اذا رجع كأنه حطب محترق بس يقول من الشباب كيف اعرف اذا ييستخدم الشيشه

إذا يشيش مافي الأمل الإتنظيم أوقات الشيشة

اللي يشيش يومه كله الإستراحة !!!

حاولي أن تغيري الطريقة يعني ليس من الضروري
أن يكون معك فالبيت ولكن ممكن تخشون سوا من بعد
العشا طلعت بر نهاية الاسبوع

والله يعينك ... حلوه حطب محترق

الأستراحات مضيعت للوقت ودمار أنا ممن تجولت بهذه الأستراحات فترة لم تتعدى شهر واحد وكرهتاها لأنني لم أجد

فيها مايجذبني إليها فجلستي مع والدتي أفضل منها بكثير ولاكن اكثرهم أخذها روتين يعتقد أنه لا غنى له عنها حاولي

أن تجذبيه للبيت وأن تجعلي جو البيت دائما كما يحب وحببيه في الجلوس أعانك الله وسخر لك زوجك ......شااااب

__________________
لا تكن عبد مملوك كن حر حتى ولو كان الثمن روحك

يعطيكم الف عافيه على ردودكم بحاول انفذ نصايحكم اليوم تكلمت معاه بخصوص يوم في الاسبوع مهما كانت الظروف قال اجل مافيه سفر وهو.كان واعدني بسفره قال اختاري قلت خلاص اختار بيت ابوي وقال.وش تقصدين قلت.تشوف وطلعت من.الغرفه

زوجك جيد في المقايضة بعني لابد انك تكون اكثر هدوء

والتهديد ببيت اهلك موهوب صح

الهدوء بعيد كل البعد عن اعصابي المتوتره تهاوشت مع سي السيد اقين قال لي بصريح العباره ما اطيق اجلس معك غسلت يدي منه وصرت اجلس لوحدي حتى لو رجع للبيت بدري احس اني مصدومه من كلامه

وليش تنصدمين يا مرام..
نحن شعب موبوء بالاستراحات..
والبلوت مثل السحر والتحدي فيه نوع من الجنون ويأكل الوقت بشكل خرافي
الجمعه مع الشباب والتحدي والذب والمقالب والعشا والمعسل هذه معالم اكثر الاستراحات..
بس اذا زوجك هذه حدوده فصدقيني مارح يطول في حب الاستراحات..
مشكلة الاستراحة اذا كانت هروب منك انتي.. وانتي انسانه غير منفره له فعودته لك اسهل من ازدياد نفوره منك للاستراحة وهذا امر جيد
لازم تجلسي معه بوقت روقان وتكلمينه بالعقل وتستثيرين فيه حبه لك وان كلام الاخرين ( وين زوجك) تقتل شعورك .. مع اللين وتكثيف المحاولات رح تتعدل كثير من اموره ويدخل مودك شوي شوي.. خليلك مستقطبة ذكية له واعرفي مايجذبه وامنعي ماينفر هذا الطفل الكبير..
انصحك بالسفر مع بعضكم لمدة اسبوع .. مارسي التقارب الفكري معه او الدخول في دائرة اهتماماته.. هذا رح يساعدك كثير.. العبي معه ورقة بنت السبيت( لانها سهلة) وسوو تحدي فيه ونس وضحك.. وفوزي عليه وهو خليه يفوز عليك وكل واحد يطلب من الثاني واضحكوا والعبوا..
حاولي تتدلعين عليه وقوليله علمني بلوت انا بحضنك.. ادخلي بعينه.. حقين البلوت يحبون التفلسف والعنجهة بامجاد صولاتهم وجولاتهم.. بس انتي اجذبيه من هنا لك.. واذا جت البنت بيده اسحبيها منه وقوليله اغار عليك منها.. واضحكوا وخليه في مودك..


استقطابك له للدخول في مودك ذكاء انثوي خارق تجيده العاقلات الصابرات.. فلا تيأسي وحاولي

__________________
ان انت اكرمت الكريم ملكته.. وان انت اكرمت اللئيم تمردَ!!

شكرا من كل قلبي يا مشكلتي زوجتي معاك حق انا لازم يكون عندي ذكاء بس المشكله من كثر محاولاتي عشان اجذبه للبيت بديا اكره جلسته معي في البيت. كرهني في اليوم اللي تزوجته فيه الله يعين بس