الله يهديها ويبعد عنها الشيطان
المحارم والفتن كفانا الله شرها
أختي ..انصحيها وبحزم وجديه وبيني لها ان ماتفعله حراااااام
وانتي اهتمي بنفسك وبيني مفاتنك لزوجك فقط حتى لايري غيرك
لاحول ولاقوة الا بالله ,...الوحده تخاف حتى من أقرب الناس لها

حبيبتي

زوجي عنده 7 قريبات من نفس النوع اللي قلتي عنه

تخيلي انواع اللبس الضيق والقصير والصدر مكشوف والمكياج ويورونه صورهم بالمناسبات

وهو من النوع اللي يمزح معاهم ويفرحون بجلسته

وانا اموت من الغيرة بس ماقدر اقول شي

مرة مرت حماي قالت لوحدة منهم قامت سوت سالفة وقالت انتو تفكيركم وسخ

الأفضل انك ابد ماتجيبين له سيرة بس اهتمي بلبسك واناقتك وستايل شعرك ومكياجك وخليك احلى منها

والله يهديها يارب

__________________

كنت أحسب هالمشكلة موجوده في الوسط الي عندنا بس ..


الظاهر إنها أصبحت ظاااااهرة شااائعة جداً بين النساء المتزوجات ..


مع إحترامي الشديد لكِ :

إلا أني اعتقد إن لبسها عادي حتى لو فيه شويه تعري " هذا الإستايل تبعها "

والأنيقة أنيقة طول الوقت وبأي مكان .. هي تفضل كذا حرية شخصية ..

لكــن إنتي زي ماقلتي تغااااارين على زوجك " وأعتقد هذى غيرة في غير محلها ابداً

خاصة إنك تغارين عليه من محارمه " ..؟!!!

يعني بالعقل والمنطق والفطرة السليمة في وحده تتعمد إغراء أحد محارمها .. !!

المرأه عموماً بطبيعتها تحب أن تكون الأجمل في كل وسط تتواجد فيه بدون أي سبب وبدون أي

هدف فقط فطرة فيها ..

.......

يعني حتى الإجتماع مع المحارم لازم الوحده تحتاااط في لبسها وما تبالغ في زينتها ,, ليــــــش ؟؟

عشان زوجتة تغااااااااار ؟؟!!!!


ولا تلاقين وحده جالسة مع أخوها بأمااان الله يسولفون ,, وفجأة كل الموجودات يشنون هجوووم عليها

اللي تنصح واللي تنغز في الكلام واللي تعيب .. ليشش ؟؟

في الأول والأخير أخوها تعرفه قبل إنتي ماتعارفيه وكانوا ساكنين مع بعض في بيت واحد ..

أو يكون عمها شايفته مليوووون مرة وجالسة معه قبلك ..


........


من وجهة نظري يأختي :

لاتكبرين الموضوع و تعطينه كل هالإهتمام ,, مهما طالع فيها زوجك محرمه عليه ..

ولا تنصحينها لأن هذا شيء خاص فيها وهي ما تقصد ,, وأنتي كذا تصغرين من نفسك ..

" وهذا إحراااج مو لها هي بس حتى لزوجك ولو كان مايدري .."

هذا فضلاً عن العداوة الي راح تصير بسبب الغيرة ..

والأهــــــــــــم :

لا تقلدينها ابداً وتكونين طبق الأصل منها هذا ذوبان للشخصية ..

أهتمي بأناقتك على ذوقك إنتي ,,, وإنشغلي بنفسك عنها ..

وأحسني الظن بالآخرين ..


موفقه أختي ..

اختي

انت قلتي إنه اصغر منها ، يعني هي يمكن شايفته طفل

أخوي بيني و بينه سنة و انا اشوفه طفل الصراحة
افتكره يوم كان صغير و كنت اتضارب معه و نشد شعور بعض

فهي يمكن نفس الشئ و خاصة إنها خالته

يعني اولاد اختي في الإبتدائية ، بس اتخيل لو كبروا راح أمشي قدامهم مثل ما امشي في بيت اهلي قدام اخواني ؟؟؟؟
ما اتوقع إنه معجب فيها بالشكل اللي تتصوريه ، يمكن خالته و اقرب وحدة له ؟؟؟؟
و حتى لو معجب فيها ، فيمكن بشخصيتهاا و خفة دمها لإنها خالته في الاخير

هلا باختي الجليله آمييييييين يارب ا

الله يقويني ياختي واقدر انصحها مو عشان زوجي وبس عشان ابرئ ذمتي

وجزاك الله خير على نصائحك الحلوه

الله يعينك خيتي والله مدري شقول بس تابعي ردي في النهايه لأني لقيت حل لمشكلتي ولله الحمد اتمنى يفيدك

هلا بالغاليه الإبنه الصغرى

ياخيتي الفتنه تجي من أقرب قريب وإلا وش تفسرين التحرشات الجنسيه بين الأقارب والأخوان بعد

أنا مادخلت بنيتها وقلت أنها تغري زوجي ومن هالكلام انا كنت اغار عليه من انه يشوف غيري وبس وإلا هي متزوجه وهو متزوج بس تعرفين المرأه ماتحب زوجها يشوف احد غيرها بهالمنظر

يمكن المشكله كانت في انا مو فيها ولابزوجي إلا اكيد في انا

واكيد ماراح اذوب بشخصية أحد لأني اكره هالتصرف

ومشكوووووووووووره خيتي على نصائحك

هلابك اختي رزان

حبي لك انتي فهمتي خطأ انا اقول أنا اصغر منها مو هو أصغر

ومشكوره يالغلا لاعدمناك

فيه بنت ملتزمه خوات زوجها وخالاته وعماته وبنات خلاته اللي عمر 15 سنه واصغر يلبسو قدامه بناطيل وبلايز تظهر ملابس الصدر كامله وفساتين الى نص الفخذ
والمشكله كلها هذي ملابس بيت على ملابس تمشيات على ملابس سهرات ..

غارت مو منهم ولكن من انها تتمنى ان زوجها لا يرى غيرها
يوم من الايام .. زوجها شرا لها نفس فستان اخته وقال لها البسيه حلوو يطلع عليك .. زعلت وبطلت تروح الزواج
اشتكت لزوجها لانهم عايشين في نفس البيت .. وكل يوم يشوفهم لكنه زعل
حاولت تنبيههم زادوا عناد واتهموها بان تفكيرها قذر .. وصارت الملابس مع نص حركات

هي أجمل منهم وارقى مستوي تعليمي وفكري وديني وانساني وخجوله حجابها اسلامي بحت
هي تفكر تتطلق .. تقول ودها تناسب ناس من مستواها فالدين والاحتشام ومن ثوبها يعني من عائلتها
ولها شهور بيت اهلها .. تنتظر الفرج

نفسي الاقي فموظوعك الحل عشان اتناقش معها فيه

__________________
اللهم صلي وسلم على سيدنا وحبيبنا محمد وعلى اله وصحبه اجمعين
سبحانك اللهم اني كنت من الظالمين

إذا كانت حب زوجتك لخالته حب إعجاب وحب براءة وبدون ريبة .. فما اشوف لغيرتك داعي ، يمكن هي نوع من الأنانية وحب التملك

ولكن إذا كان حبه لخالته وإعجابه فيها من باب لا يرضاه الله تعالى
اعتقد انك تحتاجين الى اكثر من غيرة لنفسك ، تحتاجين ان تكوني غيورة على حرمات الله
ولازم توقفي هالمهزلة
مثل انك تقولي لزوجك ان خالاته ما يستحون يبرزون مفاتنهم ، وإدخلي معاه في نقاش حتى يعرف ان الله حق .

سلام