السلام عليكم ورحمة الله وبركاته

كان الله في عونك يا اخي
الطلاق مؤلم جدا..خصوصا ان بينكم 5 اولاد وزوجتك حامل
اخوي لاتستعجل ولاتغضب ولاتخلي الشيطان يلقى له باب بينكم
انت واجهتها بسالفة النقال..!
كلمتها وشنو كان ردها..؟

اللي يحرص على الصلاة و قناة بداية مع عنده هالخرابيط..!
الله يفرج همك ويريح بالك

تبغي الصراحة زوجتك عندها مشكلة واحدة وهي انها لا تقدر نتائج تصرفتها تمشي على رايها وش ما كانت النتيجة اما باقي المشاكل احسك انت الي دفعتها لها بتصرفاتك يمكن تكون خايفة من ردت فعلك على اي شي تعمله او تتكلمه لذلك اختارت البرود مجبرتا ليش ما تقول انك مقصر معها وتحتاج احد يفهمها لذلك يمكن وزها الشيطان وكلمت احد ثاني ليش ما تقول ان جلستها بالبيت جحيم لذلك اختارت الفرار لاهلها كل يوم احسن من تجلس بالبيت لوحدها او تجلس مع واحد ما يفهمها انا ما اصدق ان فيه زوجة بعد عشر سنوات تهدم بيتها وتخسر اولادها الخمسة وبعد حامل بالسادس بسبب زيارة لاهلها اكيد فيه ضغوط عليها او انها عارفه ان شخصيتك ضعيفة وراح ترضخ لها اذا طلبت الطلاق
تبي الكلام المفيد لا تطلقها بدل ما تربيك ربها ابعدها عن اهلها سافر بها , اخرج من البيت, كثر من زياراتك لاصدقائك ومعهم زوجاتهم , اشغل وقتها باي شي مع الاهتمام الزائد راح تغير
بالنسبة لطريقة ترجعها بها ولا تحرجك حاول تكلمها من اي جوال غير جوالك واذا ردت قلها اذا تحبين اولادك الحين اخرجي لي نتفاهم تلقيني عند الباب اذا ما نفعت هالطريقة ارسل لها احد كبيرعاقل يفهمها موقفك اذا ما نفع هذا طلقها لان شكلها بايعتك بس تفاهموا على الاولاد قبل الطلاق لا تقول اطلق وبعدين نتفاهم اول التفاهم وبعدين الطلاق

__________________

كيف تخونك ؟؟؟

من هذا اللي يخون زوجته ومسلمها جواله ولما يجي رقم اللي يكلمها زوجته ترد عليها وين هذا ؟؟؟؟؟

اتقي الله في زوجتك وكيف عرفت انه هو اللي بالمنتدى ؟؟؟؟ في معرفات رجال لكن لبنات ويمكن هو يرسل لكن هي ما تبيه ومو متجاوبة معه تصير عادي

بعدين اي واحدة تقول امسك هالبنت اللي تزعج زوجي والا تزعجنا عالطول تفكر ان زوجتك تخونك يمكن هذا الحرمة تبي تدمر بيتك وتقهر زوجتك والا كيف ردت يعني جوال زوجها اللي يكلم فيه معاها ؟؟؟ ولما هو معاها ليش ما اتصلت بيك تقولك مثلا امسك زوجتك ؟؟؟؟ يعني هي راضية بزوجها اللي يكلم وتبيك انت اللي تعمل شي غلط مع زوجتك ؟؟؟؟

مرات الاطفال يضربو ارقام ويكلمو الغير على الجوال ويكون صوتهم قريب من البنات لان الاطفال اصواتهم رقيقة فلما احد يرد يحسب انها بنت تدلع ولكن هو ولد صغير يمكن احد اولادك يلعب في الجوال مثلا صارت مع جارتي ابنها يمسك الجوال ويضرب ارقام ومرة استلم رقم بالغلط ورد عليه كان واحد حسبه بنت وصار يضرب كل يوم والام مشغولة في امطبخ وجوالها مع ابنها يلعب فيه العاب ولما الرجل يضرب هو يرد وصوته ناعم لما صارت مشكلة وتبينو في الاخر الحقيقة


لان مافي واحدة ترافق عجايز وتحب قناة بداية وبنفس الوقت تخون وحافظة الرقم في جوالها

اتقي الله وتبين قبل ما تتهم زوجتك بدون بينة او دليل او شهود وخاصة كل واحد من الللي ردو وثبت هالتهمة عليها بدون بينة اتقوا الله

__________________

ما حبيت أطلع بدون ما أوجهك ..
يوم كشفتها بالجوال والمنتدى وش سويت وقتها ..
الان الوضع صعب دامها عند اهلها والعيال شبه ايتام ..
الله يصلح حالكم .. الراي تروح لها ببيت اهلها وتتناقشوووووون وتنهون الموضوع ؛

ما ادري انت جاد ترى ربــــــــي بيحاسبك على كل كبيرة وصغيرة قلتها في زوجتك احسها طاهرة يعني كلما فضت صلت وتابع بدايه وتزور العجز ومحدوده صداقاتها وش المانع لو طلعت انت شكلك مظطرب هالايام وماتدري وين تطلع معه اصبر لين تروق وتهدى اعصابك فكر في كل شي سوته لك لا تناظر من الجانب المظلم تكون ظالم الله يهديك اللي مثلك يقول عشرة بموت لو افترقت عنها بس شكلك مضغوط من هلك وكلامهم ترى ماراح ينفعك ولا يعرف لك الا ام عيـــــالك الله يجمع شملكم ويا ويله من ربي الي بيفرق بين اثنين وشلون عاد زوجين ...

اتق الله في زوجتك وفي ابنائك وفي العشره اللي بينكم..


وعلى سالفة المكالمه اتق الله فيها زوجتك باين انها تخاف الله ولانزكيها الله اعلم بها منا لكن اقصد انت ماشي صح

ماعمرك غلطت ولا مره..احيان يكون عقاب من الله للرجل الي يسوي كذا يردها بزوجته عشان يفوق وينتبه لبيته ونفسه..

وعلى البرود انت بيدك تغيرها بس ثقف نفسك بهالشي...

الحين ردها وغير تعاملك معها وسمعها كلام حلو وغير طريقتك معها بالفعل والقول ترا المرأه ضعيفه

وماتعرف قد ايش الكلام الحلو يفرحها وخليها تعطيك بدون ماتستنى منك مقابل زوجتك شكلها على نياتها وطيبه

لو عندها صديقات كان قلت يمكن حد منهم لعب بعقلها على سالفة المكالمات من بيوزها العجايز؟؟


واعتقد الاطفال لهم دور بتباعد الازواج عاطفيا يعني كفايه اربعه اطفال لسنين زواجكم العشره بس قدر الله وماشاء فعل..

زوجتك لسى صغيره وبعز الشباب...
انت اسمعلها وحس فيها وصدقني بتحطك على راسها وبتلبي كل رغباتك اذا حست انك حبيبها وانك تستحق كل الي تسويه لك...

__________________

طيب مادام كل هالشغلات فيها ليه ماتزوجت عليها والا من البدايه قبل لاتخلف منها طلقتها ؟؟؟؟ اللي يقهر انو بعض الرجال

يعبي البيت اطفال وبالاخير يجي يطلع عيوب الدنيا بزوجته ويجي يسئل ويبحث عن حلول بعد ماكانت بيده وواضحه له

اخي فكر مية مرره عشان الاطفال مالهم ذنب

وانت لاتحضر الجلسه الاخيره وماطل في الطلاق لعل وعسى تفك العناد عنها وتفكر بجديه

الحين هيه واصلها معاها والاهل زادوو الشغله معاها

خلي الامور تبرد وتهدأ وانت خليك بعيد وصاامت وشوف الامور على ايش تستقر

الله يهدي سركم ويصلح شأنكم

موفق بأذن الله

وكثيراَ ما أداعبها بالكلام الحلو ولو لم أكن مقتنع بكلامي ..
حرام عليك .. ليه تقول كذا ؟
هل قلتها بلحظة غضب أم ماذا ؟ بتشككنا في رجالنا كذا ..
------------------

اترك والدها على جنب ألحين .. دام هو و زوجته مبسوطين و عياله ..

------------------

تقول إنت :
دربها درب أمها بالزيارات ..

و نفس الوقت تقول :
اجتماعية بشكل محدود .. صداقتها مع الغير محدودة .. وتحب النساء كبيرات السن .. وتعشق
الزيارات معهن ..

و تقول :
وهي مفتونة بالخروج من البيت .. فجلوسها بالبيت يوم كاملاَ .. يعني لها الجلوس شهراَ ..
يعني تقصد إنها ما تتزاور غير مع كبيرات السن ..؟؟؟؟
طيب شئ حلو .. يدل على إنها عاقلة و رزينة ..

اجتماعية بشكل محدود ..؟؟؟ و كويس إنها خروجها من البيت يوميا و مازلت تنظر لها كذا ؟
كيف لو اجتماعية جدا ..؟؟؟

----------------

ولديها ثقة عمياء في أنا .. لدرجة أنها كثيراَ ما تقول لي : مالكـ إلا .. أنا .. تقصد نفسها .. كما أنها واثقة أني لن أتزوج عليها ..
ما نقدر نحكم على ردها ، لإننا ما سمعنا الطرف الاخر إيش كان كلامه لها ..؟؟؟؟
يمكن إنت قهرتها وقتها ..؟؟؟؟؟

و مافيها شئ تغتر بحالها ..؟؟؟

---------------

زوجتي طيبة .. ضعيفة شخصية .. انهزامية .. تحب قناة بداية .. وتصلي أوقات الفراغ ..
هذه كلها تدل على إنها انسانة تخاف الله .. كيف تتهمها بالخيانة ..؟؟؟؟؟

-------------

فيها برود كبرود الثلج .. جنسياَ وعاطفياَ ..
هذه أسراركم الخاصة ما نقدر نتدخل فيها ، و مرات يكون الرجل هو السبب ..

-------------

= حصل بيني وبينها مشاكل كثيرة .. منها التافه .. ومنها ما هو كبير .. وأذكر أنه حصلت بيني وبينها مشكلة .. وأشاروا علي الناس بالصبر لأجل الأولاد .. فحاولت أرضائها .. وبعد رجوعها للبيت أعطينها هدية بقيمة 20000الف ريال ..
كلنا تمربنا مشاكل مع أزواجنا و نتصالح و نسامح و ننسى..
و يمكن الغلط كان منك ..؟؟؟؟ نحن ما عرفنا منك غير إنك راضيتها بـ 20 ألف ..؟؟؟
و يمكن المشكلة كانت تستاهل عقوبة لك أكثر ..؟؟؟ ما نعرف المشكلة و الحمد لله إنها انتهت بالتفاهم

------------

أنها بيوم من الأيام .. خرجت لأهلها دون أذن مني .. لأني كنت قد منعتها من الخروج تأديباَ لها .. وحين
رجعت للبيت ولم أجدها .. رفضت دخولها وطردتها لأهلها ..

إنت قلت إنك منعتها من أهلها ، تأديبا لها ..
كلمة تأديبا لها ، المرأة تنظر له إهانة كبيرة ،،
كأنها اللي جالسة تربي أولادك مو متربية و أهلها ما ربوها.. إنتوا مو في مدرسة علشان تربيها ..
هذه شريكة عمرك و حياتك .. ماهي تلميذة علشان تربيها بالطريقة هذه ..

------------

وصل أبوها للمحكمة .. وطلبتني المحكمة .. على أن أبوها قال للمحكمة : إمساكـ بمعروف أو تسريح بإحسان .. وكان يقصد الإمساك بمعروف { خروجها دون منعها }أنا صراحة صدمت وحضرت للمحكمة وكان أبوها يطلب الطلاق وزوجتي معه تقول للشيخ تعبت معه ابغي الطلاق ..

هو قال إنه يقصد إمساك بالمعروف يعني خروجها دون منعها ؟ و لا إنت فسرت من عندك نيته ؟؟؟؟
يمكن يقصد إمساك بمعروف يعني ما تذلها كل شوي ..؟؟ أو غيره من تصرفات تصدر منك ..؟؟؟؟
مافي شئ يخليهم يوصلوا للمحاكم ، إلا أمور كبيرة جدا ..

------------

قال الشيخ : نحولكم للصلح رفضت .. قلت أنا : خلاص يا شيخ تبغي الطلاق أطلقها !! أتوقع أنها صدمت
هي وأبوها .. لأن الشيخ أعطانا موعد وقال أبوها أجل الموعد بعدين ..حضرنا للموعد الثاني واتفقنا
بالطلاق .. على أن تحضر الزوجة المرة الجاية ونتفق على الاولاد .. وهالحين انا محتار ..!!!!

إنت بتعاند و هي أبوها بيعاند .. ماعرف إيش راح تستفيد من العناد و تشتيت الأطفال ..؟؟؟

و ألحين إنت حطيت تساؤلات ، علشان تضحك على نفسك و تقنع نفسك بالقوة إنه قرارك بالطلاق صح
إنت مانت مقتنع بالطلاق ،، لكن تبغى تقنع حالك بالقووة و تبغانا نأيدك ..

-------------

هل أطلقها لأن نظام بيتهم الحرمة تحكمه والرجال ماله قيمة ؟!
و إنت مالك و مال بيت أهلها ، هم حرييين فيه .. أحد منهم جاء و تدخل بين حياة أمك و أبوك ..؟؟؟
إنت لك في حياتك و بس ..

هل أطلقها لأن اللي قالت للشيخ تبغى الطلاق ما تصلح زوجه ؟!
إيش السبب اللي خلاها تشتكي ..؟؟؟ ليه ما يكون هناك سبب قوي يخليها تشتكي للقاضي ..؟؟؟
مو قلت إنها طيبة ..؟؟؟

هل أطلقها لأن ابوها ماله شخصية وتنتظرني اكون مثله ؟!
إنت مالك و مال أبوها ..؟؟؟ و مين قال إنها تنتظرك تكون مثله ..؟؟؟
يعني 10 سنوات عشتوها مع بعض و أطفال و تبغى تخليك مثله ..؟؟؟
إنت بنفسك قلت إنها طيبة و شخصية انهزامية ،، و ماقلت إنها متسلطةة ..

هل أطلقها لأن أخواتها يحركونها مثل الريموت كنترول ؟!
لا طبعا .. بعد 10 سنوات تقول أخواتها يحركونها مثل الريموت ..؟؟؟؟

هل أطلقها لأنها لا تحترمني حتى بوجود الآخرين ومنهم أمها ؟!
كيف ما تحترمك مثلا ؟ تمزح و تنكت مثلا و لا إيش مفهوم الإحترام عندك ..؟؟؟

هل أطلقها لأنها باردة برود الثلج ؟!!
مرات الرجال هو السبب .. أقرا في المنتدى ..

هل أطلقها لأنها شهر ما اتصلت ولا سألت عند اهلها ومطنشه ؟!
مو إنت طردتها طيب يوم إنها رجعت البيت ..؟؟؟

هل أطلقها لأنها ماعمرها حست بحضوري أو غيابي ؟!
ما فهمنا ، كيف يعني ..؟؟؟؟

هل أطلقها لأنها تطلب الطلاق باستمرار وتشتكي بتكرار وتفشي الأسرار؟!
عااااااااااااااااااااااااااااااااااااااااااااااااا اااااااااااااااااااااااادي .. أغلب الحريم وقت الزعل يطلبوا الطلاق ..
علشان كذا العصمة بيد الرجل و لا كانوا كل الرجال مطلقين
و أما إنها تشتكي بإستمرار ، فما قريت الحديث بإنه المرأة كافرة للعشير ..؟؟؟
تعال أقرا مشاكل المنتدى ، 90 بالمية حريم يشتكوا و بسرعة يتصالحوا مع أزواجهم ..

و ما عرفنا أية أسرار ..؟؟؟ و دحين ظهرت العيوب بعد 10 سنوات و اطفال ..

هل اطلقها لأنها دليم تدعي باني ما اتوفق ؟!
مو من قلبها صدقني .. بس إنت لا تقهرها كمان ..

هل أطلقها لأنها تشوف أهلي يحرضوني رغم أنهم ما دروا عنها ؟!
عادي ، مو عيب يستاهل الطلاق ..

هل أطلقها لأنها كذبت علي بزيارة صديقتها التي منعتها عنها ؟!
زوجة أخوي تزور زميلتها اللي أخوي منعها ،، لإنه أسباب أخوي غير منطقية ..
و ما رحت و قلت لأخوي .. لإنه مالي دخل في حياتهم ..
المعنى ، إنه صح الشئ هذا غلط .. بس كثير من الحريم أشوفهم حولي زي كذا ..
يعني مو عيب يستاهل الطلاق ..

هل أطلقها لعصبيتها الزائدة وسوء خلقها معي والأولاد ؟!
مو قبل شوي تقول طيبة ..؟؟؟؟؟

هل طلقها لأني كشفتها تكلم واحد عن طريق الجوال ؟!
أبدا ما عندك إثبات ..؟؟؟؟
إيش اللي تتصل على رقم و تطلع حرمة تقول مادري إيش ..؟؟؟
ليه ما تكون وحدة خرابة بيوت و يا كثرهم ..؟؟؟؟؟

هل أطلقها لأني لقيت له رسايل في منتدى !!!!!!!
كيف لقيت له رسايل في المنتدى ..؟؟؟؟؟؟؟؟
و إيش نوعها ..؟؟؟؟

أم ماذا تريدون مني ؟؟!!
نحن ما نبغى منك شئ ،، بس نبغاك تشيل العجلة من حياتك و تستهدي بالله ..

----------------------------------

هل أصبر عليها لأنها بالشهر السادس من الولادة ؟!
الحمل له دور و تأثير في النفسية .. تخيل حالك مصدع أو مزكم و شوف كيف تصير نفسيتك .. ؟؟؟؟؟
و هي كل ثانية تتألم من الحمل ..؟؟؟؟

هل أصبر عليها لأني كنت فظا بتعاملي معها ؟!
يمكن هذه سبب عصبيتها عليك مرات و على أطفالكم ..؟؟؟؟
يمكن تجرحها إنت بالكلام و هي ما تتحمل ..؟؟؟؟

هل أصبر عليها لأنها مكفرة للعشير وتنسى المعروف بل تنكره ؟!
أغلب الحريم و الرسول صلى الله عليه و سلم علشان كذا أمرنا بالصدقة ..
عادي تحصل في بيوت أحسن العائلات و منهم عيلتي الكريمة ..

هل أصبر عليها ولا أطلقها فأكون ظالما لها ؟!
يا أخي ، ردها للبيت .. و انقل من بيتكم و ابعد عن أهلها و أهلك ..

هل أصبر عليها لأجل الأولاد ؟!
هذا أول سبب .. 6 أطفال راح يتشتتوا و يضيعوا و كله بسبب عنادكم ..

الله يصلح بينكمــــ....

يحتاجلكم جلسة نقاش هادية.... بدون تعصيب.... وناقشوا مشاكلكم،ـــ

اعتقد اللي حوليها هم اللي مخربين عليكمـــ...

خلها تشترك في منتديات نسائية مثل منتدى بلقيس وشوف التأثير.... هالمنتدى خلاني **اعشق زوجي*** و بصراحة صرت اعرف شو يبغي... و ما عدت اتأثر بكلامي من حولي

دعواتيــــــــ...

__________________
×ياصاحبي في خاطري أسألكـ شي؟ شي معكر كل صافي حياتي!! ان كنت انا مدري بغلاتي وانا حي..
وش مكسبي كانكـ حزنت بوفاتي؟؟ ×‬

والله غريبة فعلا بعد 10 سنين؟؟؟؟؟؟؟؟؟؟والله الطلاق مو بالبساطة الي انت شايفها سوري يعني بس عندكو5 اطفال حرام والله نفسيتهم مش حتكون سليمة.....بس بذات الوقت ازا بتكلم واحد تاني زي ما تفضلو الصبايا هادا ذنب لا يغتفر الا الخيانة هادا ازا انت متأكد من هالشي........بصراحة ما بقدر اقلك غير انك لازم تستخير .......قبل كل شي ........وربنا الي يجبلك الي فيه الخير يارب .........بس فكروا كويس بمستقبل الاولاد وبلاش تكونوا انانيين وما تفكروا الا بحالكو......لانه بالطلاق الاولاد ما راح يتربوا منيح........

__________________
اللهُم امنحنِي ذَلكَ الحُب الذِي يُقلبُ سُكوني وَ تَشاؤمِي إلى دُنيا خَصبة خَضراء مَرحة