بعد عودتنا بدا دائما يلمح لي انني كسرته امام نفسه وامامي وامام ابي حيث اني نسيت اخباركم اني طلبت منه ان يعتذر لابي قبل ان ياتي الي
هو يرى ان في هذا كسرة له ومن هنا بدا يتغير يعاملني جيد جدا طول ماهو رايق ومبسوط وطول ما انا لذيذة وطيبة ومطيعة ومش منكدة
بس ياويلي لو بس قلبت وجهي ولا عصبت ولا اتضايقت
الاقيه بدا بالغلط والتلميح والاهانة
وبدا في نظام جديد او بالاحرى كان موجود داخله بس هو خافيه كان يحاول يخفيه بس ماقدر اكثر من كدا
وهو انه رجل يعمل الي يبغاه يغلط فيني يهزاني يضربني انا المسؤولة ؟؟
ليه لاني انا الي استفزيته
اقوله اي زوجين بيحصل بينهم خلافات بس مو معقولة كل زوج بيصير اي خلاف بينه وبين زوجته بيهينها ويضربها ويركض وراها بالحزام وهي تتخبى منه؟؟
يقولي خلاص تلاشي عصبيتي وانا ماسوي معاكي هالتصرفات
ياناس ياعالم احنا بغربة وعندنا طفلين 4 سنوات وسنة ونص يعني قمة الاستفزاز في تصرفاتهم
مهما كان اطفال
المهم بدا اسلوبه تدريجيا يتحول لتصرفات ابيه
مع العلم واعلم انكم سوف تستعجبو من كلامي
ان زوجي دوما هو من يقف ضد والده واخيه في تصرفاتهم ويقول حرام عليكم هاذول حريم ضعفاء تفترون عليهم انتم ظلمة؟؟
ومرة هو بنفسه وقف ضد اخوه عشان طرد زوجته من البيت وزوجي هو الي ماخلاها ترجع بيتها وقالها لما اخوي يعرف قيمتك برجعك غير كذا خليه لحاله الى ان يحس بخطاه

انتو مصدقين الي اقوله؟؟؟
ورا لابوه قدامي والله العظيم وقاله هذي البنت ابوها لو اخذ معاك انتا وابنكط موقف من الاول ماكنتو استهنتو فيها لها الدرجة
يارب ارحمني
طيب كيف تنتقد اخوك وانت بنفسك بعدها بشهرين اختلفنا قام طردني انا وبنته بنفس اسلوب اخوه والله العظيم ماسويت شيء غير انه كان معصب وظل يقول الفاظ خاجة كالعادة قلتله انتبه البنت واقفة قام اخذني انا وهيا وطردنا برى وقفل الباب ورانا
هذا طبيعي؟؟
لما يعرف ان ابوه ضرب امه لو تشوفون كلامه تقولون يابختك فيه
انا مرة سلفتي قالتلي ياليتني انا تزوجت زوجك مكان اخوه

ماني قادرة افهمه والله انه يتعصب ويزعل من تصرفات ابوه واخوه ويقول عليهم ماهم رجال ولا يتحملون مسؤلية بس لو عصب الاقيه نسخة منهم طبق الاصل
ضرب اهانة غلط استهزاء استفزاز طرد حلفانات طلاق عالفاضي والمليان
ولو جلس في مشكلة وكان احد غيره مسوس تصرفاته مع زوجته لو تشوفون ايش يقول تقطعون شعركم من الاستغراب
هو نفسه اوقات يقولي ماعرف كيف انا اسوي هذي التصرفات

وطيلة الفترة الماضية مابين شد وجذب طول ماحنا مافي شاكل هو كويس اول مايصير مشكلة يطلع ويخليني ويجلس يستفزني يا اما يضرب الاولاد بدون سبب ويقولي كيفي
انا رجل وانتي امراة لو اسففك التراب ماترفعي عينك فيا ومن هالكلام
ووقت مايكون هادي مايتحرك حركة من غير ما ياخذ رايي
مليت من الشخصيتين الي عايشين داخل زوجي
بدات اشك انه عنده انفصام في الشخصية
والدي نفسه صار يستغرب انه ينقلب بهاالسرعة
ومن فترة مرض وصارت حرارته 40 وجلس اسبوعين اقسملكم بالله والله والله والله العظيم ماكذب
ان ابويا وان كنا نجيب كمادات الماء البارد وابوي يمسك قدم ويدلكها بالكمادات وانا قدم اخرى شفتو لاي درجة ابوي يعامله كانه ولده
ولما قلتله ليش يابابا تعمل معاه كدا قالي مدامه زوجك والله كانه ابني
وكل ماتعلى حرارته ابوي يقوله تعال يا ابني اسويلك كمادات
القى زوجي يتعصب عليه ويصارخ يقوله ياشيخ مليت انا من هذي الكمادات
ابوي يقول له بس حرارتك عالية لازم كمادات انا بسويها لك وانت ارتاح
تعرفون ايش رده ؟؟
يارببببببببببببببببببببببببببببببببي
انت عندك عقدة شكلك من وانتا صغير من الكمادات عشان كدا منتا لاقي شيء تقوله غيرها
لقيت ابوي وجهه صار احمر من الكسوف لانه احرجه اناقشه يقولي انتي لاتتدخلين احنا رجال مع بعض ثم انا اتكلم بطبيعتي انتو الي تتلككون لي على غلطة
وطول ماهو تعبان عصبية عليا وعلى والدي ووالدي يقولي معليش هذا مريض نتحمله ومافي فايدة كان يعاملنا كاننا شغالين عنده
ومابغى احكي فضل ابويا عليه انا ماقصد اني ابينلكم اني افضل بس حبيت اوريكم انه ماعنده اصل
ابوي جابه هنا واشتراله عقد وزوجي جلس يسد فيه يمكن 3 سنوات وجلسنا معاه بشقته وماندفع ايجار حتى غرفة نومنا هو الش اشتراها لنا
وفي بلدنا ابوي اعطاني شقة في عمارته والله العظيم انها تساوي نصف مليون ولا يطلب منه ايجار غير اللهم زوجي دفع 10 الاف على سبيل فظ ماء الوجه يعني 10 الاف من نص مليون ايش رايكم
وفي العيد لي كسوة من ابي انا واولادي وفي رمضان حاجات رمضان ابوي يجيبها لي ببذخ
وفي اجازة الصيف لازم يجيبلي ذهب هدية
وصغيرة عندي 26 سنة والحمد لله بشهادة الجميع واولهم اهله جميلة جدا ومستوى اهلي المادي فوق الممتاز
اما زوجي فمستوى اهله المادي تحت المتوسط وبالنسبة لفضايحهم لم نعلم بها الابعد زواجي ومعاشرتنا لهم

تذكرت موقف واخبروني انا صح ولا مزوداها ؟؟
كنت جالسة انا وهو وابي نشاهد ماتش كورة
المهم زوجي وابي جدا متعصبين في الكورة فوالدي وهو يشاهد الماتش خاطب احد اللعابين قائلا ياشيخ العب كويس
لقيت زوجي يقوله بعصبية وبقلة ادب
انت ممكن تسكت مين الي في الملعب انت ولا هو
ناظرته كذا ولا همه
شوي وبرضك والدي انتقد طريقة لعب احد اللاعبين لقيته يقوله ممكن تفصل شوي الثلاجة تفصل انت ماتفصل؟؟؟؟؟؟
احتديت عليه ويومها قلتله انت ماتستحي انت ماتخجل كيف تكلم ابوي بهالطريقة انت تقبل اني اكلم اهلك بهالطريقة؟؟
واقسم بالله ان مابطلت هالاسلوب لاتشوف مني اسلوب مايعجبك انت واهلك
يعني ياناس يجلس تحت رجوله وهومريض وهذا يكون جزاء ابي
وفي النهاية هو الي زعل يقولي انتي تهدديني؟؟
شفتو ترك الموضوع كله وغلطني انه كيف انا اتجرا اهدده
نسيت اقولكم انه اول ماتزوجنا كان يمد ايده علي ويشتمني انا واهلي اتحملت فترة وبعدين غصبا عني بدات ارد عليه كلمة بعشرة لو رفع ايده عليا اردله الضربة عشرة وبعدين بدات اكره نفسي واكره تصرفاتي وبدات احس اني صرت وضيعة مثله
كمان انا مو هذي طريقتي ولا عمري ارد الغلط بغلط بس هو انسان مستفز لدرجة رهيبة
واتفقت معاه اني ماراح اغلط عليه وياليت هو كمان يبطل غلط واهانة لان بينا اطفال وماينفع يشوفونا بهالطريقة وانا كمان فقدت احترامي لنفسي ووعدني انه ماراح يعيدها مرة ثانية
جلس فترة مايغلط وبعدين بدا يغلط وانا مارد بدا يعتذر
الجديد هالفترة انه يغلط ومايعتذر ومايقبل اني ارد عليه لان مايصير اط راسي براسه ومايقبل اني اخصمه يعتبرها اني اربيه ومافي حرمة تربي رجلها وزوجها ومايقبل اني اعبس في وجهه لاني بصير زوجة نكدية
قلتله طيب ممكن انتا تختار لي طريقة اعبر فيها عن غضبي
قالي وليش ماتكبلري دماغك وتعديلي كلامي
انا طيب وقلبي ابيض اقول كلمتين وخلاص انتي خليكي عاقلة وكبري دماغك ثم انتي الي تستفزيني اتحملي مالي دخل؟؟
اييييييييييييييييييييييييييييييييش رايكم؟؟

المهم بدا في هالسلوب ويوم عن يوم الموضوع يزيد لحد ماجه في مرة وكان ابوي يتكلم في موضوع ما لقيته يقوله يا حماي انا بفهمك بس عشان انت الي يسمعك وانت تتكلم ماراح يصدق انك اصلا تعلمت ولا دخلت جامعة بالعكس راح يضحكون عليك
انا صار عندي دهشة على غضب على حنق على غليان هذا مجنون ولا مايعرف يتكلم ايش الي يقوله هذا البني ادم؟؟؟
ولما ناقشته يقولي ايوة ماني غلطان كلامه ماعجبني
قلتله يعني انت كل كلام اهلك يعجبني يعني؟؟
ومع ذلك مانتقدهم ولا احرجهم
يقولي اصلا ليه تدخلين اهلي في الموضوع قلتله لو ماحترمت اهلي ماراح احترم اهلك
جلس يصارخ انتي نكد ويعلي صوته عشان ابوي يسمعه في الغرفة الثانية وابوكي هذا هو سبب المشاكل يسوي المشكلة ويروح ينام
ويعلي صوته يقولي انا ابغاه يسمع

ياناس كان من اسبوعين تحت رجوله والحين هو يغلط عليه في بيته والله انا اكتبلكم وانا اس ماني قادرة ااخذ نفسي
شوي بس

اكملي اختي بقية قصتك ان شاء الله تعدل

كملي القصة الله يحفظك

لأنه جاء ببالي حلول طيب قد تنفعك

بس لازم تكملي القصة بأقرب وقت

فرج الله همك ويسر أمرك وهدا زوجك

__________________

بسم الله الرحمان الرحيم
السلام عليكم و رحمة الله و بركاته
أختي الكريمة لقد قرأت موضوعك من أوله لآخرة و تأسفت كثيرا لحالك . ما هكذا تكون العشرة, و لا هكذا وصانا نبينا الأكرم صلى الله عليه و سلم في النساء. الظاهر يا أختي الفاضلة أن زوجك عنده عقدة التكبر و البلادة و قلة الإحترام لغيره. كما أنه من النوع الذي لا يفرق بين الناس في معاملته و كلهم عنده سواء. هذا مرض يصعب أن يتغير و قد تربى كذلك ورأى أباه يهين أمه التي ترجع لتراضيه فانطبع في ذهنه أن الرجل يفعل ما يحلو له لأنه رجل و على المرأة الرضوخ لأنها إمرأة. زوجك يعيش نوع من الصراع الداخلي لأنه غير راضي على هذه العقلية التي يتعامل بها أهله و لهذا ترينه لا تعجبه تصرفاتهم و لكن في نفس تجدينه مضطر للتعامل معك بهذه الكيفية حتي لا يغضب أهله و يثبت لهم أنه رجل كما يريدون حتى لا يحتقرونه. هذه المشكلة أختي الكريمة شائعة و لكن تختلف الحدة من عائلة إلى أخرى. و لكن رغم هذا فإن فيه سوء طبع و ما إهانته لأمه إلا خير دليل على ذلك. عليك أولا و قبل كل شئ أن تعيني زوجك في توفير إستقلاليته الشخصية و المادية عن عائلته لأنه لن يتغير طالما مصيره مرتبط بهم هذا أولا , ثانيا لا تبادلي زوجك الإهانات أو الضرب أبدا و لا أعني بهذا أن تخضعي لإهانته و لكن إبحثي عن طرق أخرى للدفاع عن نفسك و من الآن لا تسمحي له أبدا بضربك و سب أهلك و عليك بأخذ مواقف صارمة في هذا الأمر- و لو أني حائر عن ماهية هذه المواقف- . ثالثا عليك بحث والدك على إظهار نوع من الصرامة و لا أعني بهذا أن يكون فضا مع زوجك و لكن عليه أن يكون صارما نوعا ما لحفظ هيبته , الطيبة محمودة لكن مع من يفهمها و يقدرها. رابعا حاولي تغيير نمط حياتكم العائلية و الخروج من الروتين المعهود , حتى في البيت إصنعي جو من المرح و الدفء العائلي هذا إن كان زوجك يفهم هذه الأمور . خامسا عليك بالنصيحة فكثير من الزوجات إستطعن تغيير أزواجهن لرجاحة عقلهن و صبرهن و سعة حيلتهن , فلا بأس بنصح زوجك و تعليمه آدابيات التعامل و تذكيره بقول الله و حديث رسوله و سيرته , و لا باس أيضا بالبحث عن ينصحه من أصحاب العقول الراشدة الثقاة , فالإنسان يتغير و لكن لابد من توفير الجو المناسب لذلك من دفئ عائلي و صحبة صالحة.
أما عائلة زوجك فمن الصعب تغيير طباعهم و الأحسن و هو كما قلت الإستقلال عنهم و التغيير من شخصية زوجك حتى لا يتأثر بهم.
و آخر ما أنصحك به هو الدعاء لله ليلا نهارا ليصلح لك زوجك فهو مقلب القلوب و لا يخيب عبدا دعاه بقلب خاشع.
اللهم سهل لها أمرها و سخر لها زوجها هي و كافة المؤمنين و المؤمنات.

ردي السابق كان قبل أن أقرأ التطورات الأخيرة

اختي والله مدري شقولك حسيت دمي فار وانا اقرا موضوعك
حتى ماقدرت اكمل بالتفصيل ، مش فاهمة لييييييييييييييييييييييييش صبرتي على ها الذل والاهانة لك ولبوك ،،،، والله اللي خلاه يتمادى وسكوتك وصبرك عليه وسلبيتك معه ـ اسفة بس زعلت على حالك وايدـ هذا انسان مرييييض وما يختلف عليها اثنين
قال يتغير قال هذا مستحييل يتغير لانه مو بس هو وامه وبوه وعيلته كلها ،،،مش متخيلة ان فيه ناس بها العقلية المريضة
والله اشهدلك ان قدرتي تعاشريهم كل هذا،
المهم المفروض الحين بعد ها الدروس الي اخذتيها ماتكوني مترددة في قرارك وتكوني متاكدة من غير ما تشاوري احد
الله يسهلك ما فيه الخير

__________________
اللهم اني اشكوا اليك ضعف قوتي , وقلة حيلتي , وهواني على الناس

الريحانة 2008
لو تقصدين كلامي أنا في قولك 'قال يتغير قال' فالرجاء الرد علي مباشرة

اشكرك على كلامك الاكثر من رائع وانا متابعة لكلامك الرائع منذ ردودك على الاخت جرين
وكانت دوما تعجبني ردودك وارجوك ان رايتني مخطئة انقدني علني اكون انا المخطئة
دعواتك ان اوفق لما فيه الخير

ما تزعلي مني انما انا اللي يرش ابي بالماء ارشه بالنار


كل اللي يخصل بيني وبين زوجي

الا اهلي واهلو خط احمر


الاخوان كلهم عندكم

المنتدى كلو الله يكتب كل الخير

__________________
http://live.gph.gov.sa/
اللهم اني استودعك اولادي