شكرا لمساندتك لي ,,,,,,,,, بكفي التشنج الدائم الذي يعيشه زوجي و انشغال باله و عدم سماعه لي كما قلتِ كل مرة لازم الفت نظره عدة مرات حتى أحكي معه شي ,,,,,, و طبعاً لازم يكون شي مهم للغاية حتى أتكلم معه فيه لأنه يكون مشدود الأعصاب في بعض اللعب و لا يمكن ان يكلمه أحد وقتها,,,,,,, آآآآه و الله تعبت هو الآن أمامي متشنج و يلعب و أصوات اللعبة صدعت رأسي و ما باليد حيلة ,,,,, حسبي الله و نعم الوكيل

__________________
أم سوزي

احمدي الله انه لعبه كذا احسن من شي تاني الله يوفقكم

الأخت warda2007 و كل من رد علي بهذا الكلام أقول لكم انا أحمد الله على ذلك,,, و لكني أطرح مشكلة هنا و أريد الحلول ,,,, مشكلة أزلية تتراكم و تتراكم و أنا خايفة من نتائجها في المستقبل علي و على أطفالي ,,,,,,,,,,,, لو كان زوجي يسكر او يزني كما ذكر البعض فلن تجدوني أكتب مشكلة هنا بل ستجدوني أشارك بقسم أخواتي المطلقات ,,,,,,,, !!!!!!!

__________________
أم سوزي

الله يصلح حالك وحالي وجميع المسلمين

آمين


فكري بطريقة تناسبك دون مشاكل مع زوجك .......... كيف تجذبيه للجلسة معاك ...........

امزحي معاه وقولي راح يبدأ وقت اللعب الساعة ......... وينتهي الساعة ...........

يبدو إن زوجك ماعنده عمل آخر غير الدوام الرسمي ........

فكروا بمشروع يشغله ويفكر فيه .........


وترى لعبه مافيه شئ ؟؟؟؟؟؟ لكن لاضرر ولاضرار


أعرف وحدة من الأخوات ... تشكي من زوجها طول وقته على اللاب توب........
وبطريقتها صارت تحضر القهوة وتقوله عازمتك في المجلس ... في غرفة البنت ........

حتى أنه انتبه على حاله ........... وصار يستحي منها من تجي عنده زوجته يشيل الجهاز على جنب ؟؟؟؟؟؟؟؟؟


يبغى لك صبر وتفكير صح ....

موفقه يارب

على تجربتي وجدت أن زوجي أكثر شيء ينفع معه هو لما اترك الغرفة طوال الوقت و أذهب لغرفة أخرى ,,,,,,,,,,لا يشعر أني تركت الغرفة إلا بعد ساعااااااات يلحقني و يسألني اذا كنت متضايقة او تعبانة و أقول له اني فقط أريد أريح نفسي من الصداع بسبب أصوات اللعبة ,,,,,,,,, يضحك و يمشي

__________________
أم سوزي

يا ناس تقول لكم ضيع صلاة الفجر و ضيع وقته و تقولون إحمدي ربك << وش ذا الفهم

و بعدين هو قدوة لأولاده مو طول الوقت لعب

و هي لوما حست بقصور ما كتبت مشكلتها

احمدي ربك خليه مبسوط مادام هذا عاجبه احسن من يشوف له شله واستراحات وشيشه وخرابيط وانتي وش المشكله اذا تحول طفل ما دام اهم شيء ما زعلك وبصراحه حاولي تنسجمين معه يمكن انتي تنبسطين وتحبين تلعبين معه بعد واذا ما انسجمتي الحمدلله عيشي الحياه وانتي بتفكيرك هذا تجبين الهم لك .

السلام عليكم ورحمه الله وبركاته

اولاً الحمد الله ان الرجل يلعب في البيت افضل من ان يلعب برا

بس مو لى درجه الهوس واعوذ بالله

هذا ماصارت عيشه

شوفي في هذا الحاله نتاخذ عده امور اجراميه

وهي نحضر كأس من الماء ونصبه على الجهاز الذي يعلب فيه وهو خارج العمل ونشغله الى ان يحترق وجففه ونضعه مكانه

وبكذا نضمن ان الجهاز احترق هو فعلاً بيشتري واحد غيره بس مافي مشكله عطلناه يوم واحد كسرنا الروتين


الخطه الثانيه قبل ان ياتي من العمل هي له جوا النوم المكيف والغداء وطفي النور البيت كله وخلى النور مسلط على غرفه النوم وغرفه المعيشه واذا سالك ليه قولى مدري اليوم سمعت صوت زي الشرارة من التوصيله وخفت

بكذا يمكن ربي يهدية ويرقد

الخطه الثالثه

خليك جنبه بس بعيد اشوي واجلسي زني عليه من الزن ( ما خرب مخك الى الالعاب شوف نفسك تلعب العاب اطفال شوف امورك سوى لك شي طلعنا مغير مقابل الكمبيوتر الله يحرقه ما راح يخرب بيتنا الا هو اذكر ربك اقري قران بدال العب الفاضي احفظ احاديث شوف عيالك ....... الخ زي كلام كبار السن الله يخليهم لنا يارب )

لكذا هو بيطفش من الكلام بيقوم ينام لكذا انتي منتصرة في هذه الحاله وكسيتي الجوله الاولى بجدارة



اخواني واخواتي اسلوبي دائماً في فكاهة وحب تنفيس عني وعن غيري لااحد يزعل مني


نجي عند الاخوان ان قال اللعب قويس وانه يجلس في البيت وهو صح ان الجلوس في البيت احسن من الشلل

بس ترا وربي اللعب المتواصل يولد التبلد وعدم الاستيعاب لما يدور من حوله لأنه مسيطر كل احاسيسه على شي معين

من اول كان الولد يقولن له جاك الذيب يطلع الولد ذيب وذلحين يقولون جاك الدودو يعني الدوده يطلع الورع دوده ويصير ابله

ما عرفنا الالعاب من اول ولا نبي نعرفه


باختصار اختى جاهديه في نفسه بس مو يتغير ونبلش نرده يلعب مره ثانيه هههههههههههه

اخوكم

شكرا لك أخي الكريم كنت متهاوش,,,,,, هذه خطط بوليسية خطيرة لكن مستتحييييييييييييييل أفعلها لأن زوجي عصبي جداً ,,,,, يوم خربت الماوس قامت الدنيا علينا و صار البيت كله متشنج لأنه خسر في اللعبة بسبب بطء في الماوس وقام راح اشترى غيرها والله لو قلت له اذهب اشتري شي لي او للولاد لن يذهب بهذه السرعة ,,,,,,,كيف اخربله الجهاز ,,,,,,,,,,, و الله يمكن تكون نهايتي,,,,,,,,, يمكن يوديني بيت أهلي

__________________
أم سوزي

بسم الله الرحمن الرحيم
السلام عليكم ورحمة الله وبركاته
الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين
طيب حبيبتي ليه ما تتكلمي معاه بهدوء وتقولي له ياحبيبي أنت ما تحبني ودايماً مشغول بالألعاب هذي ولا أنت فاضي لي ولا للأولاد موحرام عليك تسوي في حبيبتك قولي له شوف أولادنا كيف نفسهم تنتبه لهم شويه تاخذهم للمسجد وقت الصلاة عشان يتعلموا ويتعودا على الصلاة وذكريه بالله تعالى كذا يعني من الكلام دا .. هددي إنك حتسيبي البيت شوفي إيش ردة فعله مع إني بصراحة ما أشجع إنه الوحدة تسيب بيتها تحت أي ضرف من الضروف بس إذا إنتي ما تقدري تعيشي بالوضع دا هذا شي راجع لك وأرجع وأقولك إدمان الألعاب مو زي إدمان مخدرات أو أي شي ثاني يغضب الله ولا تعصبي يختي إحنا بنحاول نساعدك مو أكثر كان الله في عونك ..