صحيح يا مبتعثة كلامك
ياليتك جنبي او حولي
انا الحين في وضع انهيار
كلمت ابوي اترجاه يرجعني لزوجي
لان امي كل يوم تبكيني و تحقر مني و تهاجمني كأني عدوتها

زوجي بس يقلب علي وقت الغضب و الطلب
لكن باقي الايام بدون طلبات احسن رجل في العالم

قلت له حاول تصلح مابيننا و انا ابكي
ترا تعبت من امي
كلمت خالتي تنصحها
و كلمتها كثييييير و ارسلت لها رسايل تخف علي
مافي اي فايدة

ابوي رد علي الحين و سمعني
يقول هذا طبعها كلنا متحملين
و انتي متأذية لان لك احتكاك فيها
مو حل الرجوع له
بحاول اشوف لك شقة

__________________

الحمدلله على قضاء يقربني من الله عز و جل.

كلمت ابوي و اخوي الكبير الحين
ترجيتهم يرجعوني لزوجي

و استخرت الله و تواصلت مع صاحب زوجي
ان شاء الله تصلح حياتي

على عيوبه كلها الا انه ارحم من امي بكثير

يارب مالي غيرك
والله اكتب و انا ماشوف الشاشة من الدموع

المشكلة ردة فعل اخوي الكبير بكتني
قال تكفين يا اختي لا ترجعين له و انتي مكسورة و ضعيفة
لو فيه رجعة روحي و راسك مرفوع

قلت له تعبتني
صدقني انا بصير اروح نفس عيادة اختي

__________________

الحمدلله على قضاء يقربني من الله عز و جل.

حال اغلب الامهات مع البنات المطلقات المسكينات

ان قررت الرجوع فبكرامتك اثقلي وارجعي بشروط معقولة غير مبالغ فيها
مثلا تحسين النفقة والصرف فيما يستطيع
ان رجعت منهارة لن تحصلي على شي ويزيد يعمل اكثر

ابدا ولا ترجعين مكسوره
ترى بتعيشين بغم طول عمرك
تحملي امك وقللي احتكاك ىاشغلي نفسك بالعمل وحاولي ماتصادفيها كثير
ارجعي بشروط
وابوك قال بيوفر لك شقه
تحملي بس

ممكن يخذلش وترجعين لامش مره ثانيه ذيك الساعه الكل ما بيرحمش

اشتغلي هو المنفذ الوحيد * احس انش مخذوله وصعبانه عليش نفسش وتطلطمين من كل الجهات

لا تتهورين الشغل بيشغلش وبيعزش وبيعطيش الثقه والامان والانشغال

__________________
وهل من مصير اخر ؟

لا تتهورين بتندمين قرارش عاطفي وهروب

راجعه له * هو له اللحم واهلش لهم العظم هذا الي احسه لا تعيشيشن دور الضحيه

__________________
وهل من مصير اخر ؟

ابوش بيوفر لش شقه شو تريدين احسن من كذا وانتي اشتغلي قدمي اوراقش واشتغلي بأي وظيفه
تشوفين الدينا كيف واسعه وانتي مضيقتها عليش وسعي افقش ترى مشكلتش مش اصعب مشكله
مشكلتش ماتعرفين شو تريدين متخبطه وقرارش هذا متسرع اصبري تمهلي حل المشكله تفكرينها بزوجش وامش لا حل المشكله فيش ما تشوفين غير حل واحد يا ارجع لزوجي يا اتحمل امي طيب في خيار ثالث انتي عميا عنه * هو انتي كوني نفسش استقلي اثبتي ابني نفسش انتي مو محتاجه من الي حولش محتاجه نفسش وبس

__________________
وهل من مصير اخر ؟

أمس ليلة ما عدت عليا
من الهم و الغم ما غمضت عيني ولا قدرت انام الى الان
افكر بحياتي و احس ب فزع و رعب من اللي قاعد يصير لي

و بنفس الوقت لما هديت بعد تقريبا 4 ساعات من موقفي مع امي
بديت احس ب رعب حقيقي من التفكير ب زوجي و الرجوع له

امس اخوي و ابوي كانوا على تواصل معاي
اخوي الكبير
قال لي انتي ايش اقصى مخاوفك من امي او زوجك
قلت ولا شي
انا اكبر مخاوفي بهالدنيا من الوظيفة
عشان كذا امي بالذات اشعر انها تستضعفني لانه تعدل تعاملها مع اختي لما توظفت
و زوجي كمان كسرني ماديا و كان يرمي علي الفتات و يأذيني و يخصم علي
كأنه مديري

وجهة نظر اخوي نفسك بالضبط كوكي

يقول الوظيفة ضرورة

المشكلة جالس يهز معتقدات راسخة فيني
انا بالنسبة لي نظرتي للوظيفة ماهي مهرب او امان
هي مجرد حل اذا مالقيت لقمة آكلها
انا كان اعظم مشاريعي تربية بناتي تربية صالحة
و ان زوجي ينفق علينا كلنا بالمعروف

ب ارجع اكمل ..

__________________

الحمدلله على قضاء يقربني من الله عز و جل.

فيه نقطة انا متأكدة منها من ناحية زوجي
لو طلبت منه نفس شروطي " بطريقة عاطفية صوت "
بدون قوة بالرسايل او وسايط و رجال من طرفي
ب يرضخ

في كل مرة كنا نمر بمشاكل كبيرة
لما بس افتح له مجال يسمع صوتي والله العظيم انه يخضع و يلييييين كثير

لكن هالمرة ما سمحت له بهالشي
و حتى لما كلمته صوت مرات محدودة كانت بكل قوة
و حسسته اني بايعته و مو فارق معاي

حتى أخوي نصحني اني اكلمه صوت و احسسه بالقبول
و بيرجع فورا
نفس الشي زوجة صاحبه

لكني رافضة نفسي عزت علي
نفسي عزت علي والله بعد كل اللي سواه

__________________

الحمدلله على قضاء يقربني من الله عز و جل.

كوكي قلتي ملخبطة مو عارفة إيش تقررين

بالعكس قراري واضح
ابغى الخلع فوراً مو بس الطلاق و جلسات المحاكم
ابغى اربي بناتي تربية صالحة بوجود دخل معقول / مابغى أطلع للوظيفة الا في حال واحدة اني مالقيت لقمتي
ابغى استقرار اسري و جو هاديء / ما ابغى مشاحنات و جدل يومي من امي مثلا
ابغى استمر في العلم و التعلم لآخر يوم من عمري في كل المجالات / لأني أجد نفسي في هالمكان بين الكتب و عقلي كل يوم يكتسب معلومة جديدة و تتوسع آفاقي


كل التناقضات الباقية هي انهيارات نفسية فقط
و فضفضة في المنتدى

لو مقتنعة فعلا ب رجوعي لزوجي كآن حجزت القطار و رجعت له بنفسي
او عالاقل شلت الحظر و رجعت تواصلت معه

انا فقط منهكة ممزقة من تعامل امي معاي

__________________

الحمدلله على قضاء يقربني من الله عز و جل.