انتو شايفين مدام قرب لي المناديل كثر خيره وعمل معروف كبير وشي عظيم يكفر له كفهّ..

على فكرة أنا مافتحت معه أي مواضيع لما جيت له بالصالة هو اللي جالس يستهزيء ذبيحة وماذبيحة.

المسألة ماهي ماتعجبني ردودكم ولا أنا جالسة أبرر لنفسي.. لكن أنا أم وهو أب.. احنا الاثنين في نظر الأبناء شي عظيم..
هو يطيح هيبتي وقدري عند العيال عادي لكن أنا طيحت هيبته قدام عياله صارت مصيبة وكأني كفرت بما أنزل على محمد..

انتي اللي بداتي بالذبايح لما قلتيله لو درى ابوك خلاك ذبيحه بين الرجال
والله كلمه قويه عمري ما سمعتها من ماما ولا اتجرا اقولها لاخويه فما بالك زوج!!!

كلكم مجمعين لازم أتودد له..

طيب والبارح لما مسكت ايده ولا عبته ما استجاب هذا مو تودد؟؟
يمكن دقيقتين وأنا ألاعب كفوفه وأمسح عليهم وأشبك أصابعي بأصابعه،هذا مو تودد؟؟
الرجال ماخذ وضعية الميت.
ما حبيت أزود عيار الحركات يفهمني بشكل ثاني..

كنت منتظرة بس يضغط على إيدي أو يقرب مني أو يمسح على راسي.. أي شي..
صحيح الكلام بيننا شبه معدوم ..لكن أطبخ كل يوم..وأستقبله بإبتسامة وأودعه بإبتسامة ودعوة ،،هذا مو تودد..
أنا مو مكشرة ولا مبوزة بوجهه لكن الوضع فارض نفسه صمت وهدوء..

وربي إني أنا كمان محتاجة إحتواء مو بس هو..ياناس أنا بشر.

ياناس عشرة العمر تُباع بهالبساطة مو معطيني وجه..
مو أنا لوحدي الغلطانة هو كمان غلطان... أجل كيف راح يعاملني لما أكون أنا الغلطانة ١٠٠%
الليلة جلست جنبه ع السرير وداعبت شعراته وراسه برضه مافي استجابة..قلت له والله منت نايم الليلة إلا وأنت راضي عني ،، ألف وجهه علي مو راضي يستجيب..يسوي نفسه مو سامع ولا حاسس..

فهموني كيف أتودد له..

واللي يقولون ما أستبعد زواجه.. يتزوج القلب داعي له لأني فعلاً أحبه..المكتوب مامنه هروب،، مو بيدي شي أسويه وماسويته..

مافي شي نغص على البعض عيشتو قد ها الكلام الضرب خط احمرررر

ام دان اللى سمعك وقرا تصرفاتك رح يحس ان زوجك من يوم تزوجك هو مشبعك ضرب

اتقي الله زوجك معاشرك بالمعروف طول ها السنين اجا يوم عصب وطرشك وانت راجعتيه الضرب
ايش تبين زيادة الرجل الحر الغر طبيعي يزعل من ضرب زوجته وماينسا بسرعة

لا تقولين انا ايضا انجرحت واهنت و و و هو انجرح اضعاف جرحك ضرب الرجل للمراة مو مثل ضربك له
وعجيب هذا اللي علمته لك سنين الزواج والعشرة!

لا وكنت تطمعين في المزيد من التودد منه والندم لولا بعض الردود اللي بينت
لك انك تتمادين..

زوجك يحتاج وقت حتى يخرج من حالته خصوصا ان تصرفاتك وردود افعالك الاخيرة كانت
قوية مما جعله لايقدر على الرجوع لك مثل اول..

المسألة يا أم دان هي وجوب وضعُ حدٍ لهذه المشكلة .ً....

فهدف كلِّ الردود محاولةُ اقناعك صُلحَ زوجكِ بأقصر الطرق و أقل الخسائر ...

مقدّرة جداً يالوفتي، وردود الجميع بأقرأها مراراً بعين الإعتبار.

وأنا والله أريد إنهاء هذه المهزلة..

التكملة

في تلك الليلة كثر الكلام أو بالأحرى الجدل بيننا على الأبناء (وسيطرتي) على حد قوله،،وتشّعب تشعّب فظيع،، فاستحضرت حديث الرسول عليه السلام طوبى لمن ترك المراء ولو كان محقاً،،لمنع المزيد من الجدل والحوار العقيم الذي لا يُجدي..ففي جميع الأحوال أنا المخطئة من وِجهة نظره..

ساد بيننا صمت ساعة تقريبا..
بعدها قلت والنهاية؟
قال النهاية بإيدك،
قلت كيف؟
قال صلحي كل أخطائك
قلت له وشهي أخطائي؟

قال عشر ساعات وأنا أتكلم والحين تسأليني وشهي أخطائي؟ شفتِ إن الكلام معك مامنه فايدة؟ شفتِ إني تكلمت مع جدار؟

سكت ماعرفت شقول..
بعدين قلت له كثر الكلام ماله داعي أنت تارك المشكلة الأساسية وجالس تلف وتدور في مكان ثاني..أنا بحلل لك الموقف اللي صار من وجهة نظري،

قال لسة باقي فلسفة تراك أوجعتيلي راسي، تفلسفي أشوف وش باقي عندك...

(مع إنه هو اللي نسفني نسف بالكلام والإنتقادات اللاذعة والتجريح)

قلت له إنت من زمان شايل بقلبك العيال يحبوني أكثر منك،
لما ضربت ولدك ضربتني فوراً،،لقيتها فرصة عشان تنتقم مني وتفرّغ الشحنة اللي بقلبك..

وأنت لما ضربتني أنا حسيت بالإهانة بالإضافة إلى التراكمات اللي بقلبي،أنا أقولها لك بصراحة لحظتها استحضرت إنك مهمل مقصر، أنا أشتغل برة البيت،أنا أشتغل جوا البيت وأنا اللي أكلم السباك وأنا اللي أكلم الكهربائي وأنا اللي أتعامل مع السائق أنا أواجه مشاكل العيال وحدي، وأحلها بدون مساندة منك، رامي كل شي علي ولا تشاركني همومهم وفوقها تضربني عشاني ضربت ولدك..!!!؟؟

لحظتها حسيت مالك حق تتدخل لأنك مو تعبان في شي،، الحق لي أتعامل مع ولدي بطريقتي،، ورديت لك الكف بكف..

غِلطت علي غِلطت عليك،،اتساوينا ومحد له عند الثاني شي..

أنا يا............ ماني في البيت مزهرية إذا كسرتها تجيب غيرها..أنا لي قلب واحساس وكرامة وهيبة،
احفظ لي قدري وكرامتي قدام عيالي، بتكون جوا العين وفوق الراس، وقدرك وكرامتك وهيبتك محفوظين عندي وعند عيالك محد منا يقدر يمسهم...

أنا دحرت إبليس اعتذرت وراضيتك لكن إنت مكابر..

قال خلصتِ؟
قلت له إي خلصت..

من بعدها وهو على الصامت.. والكرة بملعبه يسوي اللي يبغاه..والله يكتب مافيه الخير.. والله ملييييييت.

طيب ياأم دان
اذا قلنا لك استمري وواصلي
انتي شايفة المشكلة تنحل والا تتعقد وتتفرع وتخسرك اشياء كثيرة؟!

انا ماادافع عن زوجك واعطيه منزلة فوق منزلته
لكن لمصلحتك انتي ولحياتك انتي غيري طريقتك بعلاج المشكلة..
امسكيه بحوار بعييييد عن المشاعر والعواطف تصااافوا تماما
ابديها واختميها ان قدرك فوق راسي ولا ارضى لك المهانة والا الزعل وعشرتنا اكبر من اننا نهدمها عند عقبة نقدر نحلها سوا و...

سكررري المشكلة باقرب فرصة
عشرتكم ومحبتكم تستاهل

نبض الدان اقرئي التكملة هذا بقية الحوار اللي صار

سامحوني تعبتكم لأني جزّأته لكن والله أحس إيدي اتكسرت وأنا أكتب ماقدرت أكتبه مع بعضه وأنا زعلانة.

حسيتك خربتيها يا ام دان
و كأنك تقولين له كان كفي لك. متعمدا!
و انت تستاهل
ماذا عساه يقول؟
لما لا تتكلمين معه بعاطفة. لا تقولي انا زوجي و اعرفه و بيتجرأ اكثر و ووالخ
بما انه زوجك و تعرفيه لما لم تتكلمي معه بالطريقة التي خفف حدة الامر و النقاش بينكما؟
شربكتي المواضيع كلها مع بعض ووضعتيه بوجه المدفع
اكيد انه ما بيلين

__________________