الله يسهل امرك..

__________________
لايقدر على رفع بلواك إلا الله متى تحرر في قلبك أنه لايرفع البلوى إلا الله
فاعتبر أن البلوى رفعت
(صالح المغامسي)

شكرا لك أختي رولادا وإن شاء الله عمرتي إن الله عطاني عمر في رمضان بإذن الله .

*
*
*
أثناء كتابتي هذا الرد تجمع أشيائي من عندهم بعد ذهاب الحرمة اللي دلتني عليهم

وكل شوي اذكر شي وارسله لها على الجوال ...

الله يكون في عونها ويسهل عليها ، اشعر بها محرجة والله

الله يعدي هاللحظات على خير ...

اعذروني ما اقدر أقول أكثر .


لا تنسوني من دعائكم .

__________________

الله يعوضك أفضل منها عن قريب يارب ..

واضح انهم بيلعبوا على الحبلين

لانهم يماطلوا لانهم مايبغوا يرجعوا المهر

بس احذر تطلق الا لما تستلم مستحقاتك والا خلي بنتهم معلقه عندهم وعلى ذمتك

احذرك

احذرك

لاتطلق الا لما تستلم

مو يقولوا طلق وتعال بكره خذ اغراضك

وتروح وتطلق وبيقولوا ماعندنا لك حاجه














-

جزاك الله كل خير أخي روح الطير

والحمد لله كل شي تمام .

__________________

أختي نور ...

الحمد لله على كل حال ...

الأغراض استلمت كاملة ما عدا البلاك بيري ما سلموه وأنا ما سالت عنه لأنه هديتي لها وماني راجع في هديتي

وكان ضمن العربية حقتها 31 ريال فضة ، رجع منها فقط عشرين على ما أعتقد ....

وما سألت في الباقي ، لأني أعتقد العمال لما نقلوها يوم الزفة حقتنا لطشوا اللي طاح منها

اللي استلم الأغراض الحرمة اللي دلتنا عليها وهي ( بنت خال الوالدة ) وكان معها ولد عم الوالده

لأنه هو اللي عنده ونيت وفزع لنا الله يجزاه خير طلع من دوامه وبلبسه العسكري وراح لهم

واستلم شيك بالمهر وكلمني قدامهم وحلف إني ما أستلم الشيك إلا إذا جبت له صك الطلاق

وإن الناس كانوا قمة في الأدب والإحترام والكرم معهم ، وهذا أنا لا اشك فيه أبداً والله ...

المأخذ عليهم فقط كان البرود وعدم إلتجاوب السريع .... لكوني انا وأهلي لا نستطيع الإتصال بالجدة

لأنها وبحسب كلام عمة البنت تعبانه وما عندها استعداد تكلم أحد ، لكن اتضح لي انها الحمد لله تحسنت

كثير عن أول بعد ما كلمتها بنفسي وطيبت خاطرها ، ( وإن اللي صار بيني وبين البنت وانتوا تبقون أهل لي

وأنا أبقى وأحد من عيالكم ولك علي كل ما جيت جده أمر أسلم عليكي قالت صادق بينك وبين البنت واحنا نبقى أهل )

المهم ... طيب تصرفي يالعمة ( وردد ياليل مطولك )

أنا كنت خايف من الشيك بصراحة لا يطلع فيه مشكلة في الكتابة أو التاريخ أو الرصيد أو التوقيع

وإذا طلقت واكتشفت الشي هذا وش يرجعني لهم بعدين ...

لكني كنت ملتزم بكلمتي ووكلت الله ورحت المحكمة أمس ( الثلاثاء ) وطلقتها ...

سبحان الله حتى طلاقها طول بسبب الزحمة لأن الشيخ اللي اعرفه قال أنا بجي السبت قلت لأ انا عند

كلمتي ووعدت بالطلاق يوم الثلاثاء حسب موعدك السابق معي لكن مادام ما تقدر بشوف اي شيخ ونخلص

طبعاً طحت في شيخ ( عسل ) أقوله إني استرديت وودي أطلق ، ما قصر وطلقها لي ورحت عشان

أختم الصك من الرئيس وبعد ما ختمته وأخذت صورة طبق الأصل أكتشف إن أخينا في الله كتب

( على غير عوض ) قلت شينه في حقنا قدام الناس وقبل كل شي شرعا هو طلاق مخالعة ما يجوز

و أرجّع زملائي الشهود اللي ساحبهم من العمل مره ثانية ، عشان يعدل الصك ويكتب إني استرديت وعدنا الفلم كله ...

وأشوى إننا على سيارتي ولا كان فلوا الربع وهملنوي والحمد لله انتهينا بعد ما انلطعنا من الساعه

عشره لحد الساعة اثنين الظهر :14: بعدها كلمت الحرمة اللي دلتنا عليهم وقلت لها خذي

الشيك وروحي شيكي عليه قبل المحكمة ما تكلمهم وتقولهم على رقم الصك عشان يستلمونه من

جده ، لا يطلع فيه مشكلة وبعدين يستدركون لا سمح الله ويلغون امر الصرف ، خصوصاً إن اللي كتب

الشيك عمها وماهو مجبور فيها الله يجزاه خير ....

وفعلاً صار اللي كنت خايف منه وكنت حاس فيه ( إن الشيك فيه مشكلة ) وهو مكان تحرير الشيك

ما كتبه العم وحسنا ألف حوسه ثانية معهم ، كلمت الحرمه العم وقالت له ، قال اكتبيه انتي عادي ثقة

أنا بحكم عملي في أحد البنوك قلت لها لا تسوي شي ، لا يكون متعمد إلين يضمن طلاق البنت وتجي

تعدليه يقول هذول زوروا وعدلوا في الشيك وممكن تنضر الموظفة المهم ما قدرنا نحصله غير اليوم الصباح في مكتبه

راحت له الحرمة وكتب عليه مكان التحرير ، واعتذر عن لطعتها عند الباب أمس بعد ما ضربت مشوار

لأن أمه ( جدة البنت ) دخلت المستشفى مره ثانية بعد ما نفذنا الطلاق ...

عموماً الحمد لله على كل حال المبلغ الآن في حسابي ، وانتهت هالمرحلة من العمر بخيرها وشرها

راحت البنت في حالها وانا بروح في حالي ، والله يسخر لها ويسخرلي الأطيب والأخير ....

والحمد لله على ما قضى وقدر .

ــــــــــــــــــــــــــــــــــــــــــــــــــ ـ

ملاحظة : الحقوق محفوظة لمسلسل رمضاني جديد

أعتذر على الإطالة

__________________

أختي النار والهيل ...

بل وصلت إلى نهاية المشوار والحمد لله

صدق وعده ونصر عبده كما قال سبحانه : ( سيجعل الله بعد عسرٍ يسراً )

انتهت كل الأمور بخيرها وشرها ولله الحمد ...


جزيل الشكر والإمتنان .

__________________

__________________

احب اقولك الحمد لله ع السلامه من جد مسلسل الله يعوضك خير ويرزقك الزوجه الصالحه

عاجلا غير اجل

ويشفي جدتها ويرجعها لبيتها بصحه وعافيه

موفق بأذن الله