اخوووي الاخلاق

انت واضح انك انسان تحب الخصوصيه بحياتك وماتحب ان الناس يتكلمون في حياتك عشان كذا تحاول تختار الحلول الاكثر هدوء عقلانيه وهذا شي جيد لو كنت تتعامل مع انسان عاقل اعذرني على كلمتي لكن زوجتك مراهقه


انت الان ربي عطاك فرصه تقدر تاخذ البنت وتعطي زوجتك دررس ماراح تنسااه ابدا
اذا البنت معك رح بعد فتره لأمك وقل لها تدور لك بنت الحلال و مو لازم تخطب ولا تكلم احد يعني بس مسألة ان اهلك يدورن لك هذي تكفي ولا تكبر الموضوع انت ما اغلطت بشي اذا كلموك اخوانها قلهم انا زوجتي طردتني من بيت اهلها ورمت بنتي بوجهي !! وش تبغوني اسووي اقعد عند باب بيتكم !!! ولا اقعد اشتغل مربيه !! صدقني ماراح يقولون لك الا معك حق يابو فلان


عالعموم هذا رأيي وذا ما حبيت تسوويه رجائي لك وهذا اهم من اي شي انك ماترد على زوجتك ابدا ابدا
قريبا راح تتغير لهجة زوجتك من رسايل الاستفزاز والتكبر الي رسايل العتااب وبعده الى رسايل الاعتذار
اذا ماحبيت تسووي تمثيلية العرس على الاقل لاترد عليها

الأخت الكريمة درولادا ....الأخ الكريم OnlyHuman9 ......شكراً لكما على إبداء وجهتي نظركما ...ويبدوا أنكما على نفس الرأي ....


لكني أحتاج أراء أكثر ؟؟؟ >>>>>>> بخصوص الرد رقم 354 أعلاه .


الأخت رولادا و الأخ OnlyHuman9 :

رأيكما محل اهتمام وتأمل ....فشكرا لكما مرة أخرى ,


تحياتي.

سؤال ثاني مهم جداً :


مصروف ما عطيتها لهذا الشهر ؟؟؟


وش أسوي ؟؟

هي اللي خرجت من بيتك بإرادتها ، اعتقد ما عليك اثم بإذن الله

لو انت ارسلت لها مصروف الحين فهذه رسالة منك لها و لاهلها :
- انك ما تقدر تستنغي عنها
- انها قدرت تلويييي ذراعك و تمشيك خاتم في اصبعها

لا ترسل لها اي رساااااااااااااااااااااااااالة و الكلام اللي قاله الأخ اونلي هيومن عين العقل
هي دحين بتستفزك لإنها فاهمتك و تبغى تسمع اخبارك

طنشها كمان و هي اللي راح تندم و تراجع نفسها ( مو دحييييييييييييييين راح تندم )

ما تبغى تاخد بنتك .. خلاص خليها عند امها و لا تشوف حتى الببنت و لا تسأل عنهم
الأم إذا عرفت إنه الأب ما يقدر يستغنى عن بنته ، تستخدمها سلاح

نحن حريم و نفهم بعض
إذا شافتك مطنشهم و لا تسأل ، راح تبدأ ( تخاف )

هي استهانت بك و بأهلك ، لإنه من أمن العقوبة اساء الأدب

و اللي بتعمله انت الحين ( عقوبة ) .. حتى تبدأ تحسن اخلاقها

اخوي لا تحسب اننا نخرب بيتك لا سمح الله ، نتمنى اموركم تتعدل بأسرع وقت

بس ارجع و اقرا الردود ، أغلبهم متفقين على شئ واحد .. إنه زوجتك بحاجة لمراجعة نفسها و الإعتذار لك

و إنه تصرفاتها من وحدة غير عاقلة و نحن حريم نفهم بعض و نعرف إيش اللي يعقل الحرمة

خاصة إذا عندها زوج بنفس تعاملك معها

حاشاكم ....وهذا ما لم وما لن يخطر على بالي .


وفقكم الله وجزاكم خير الجزاء على وقفتكم معي .

أختي رازان :

بالنسبة للمصروف مو مسألة أثم وما أثم ......هذا واجب يمليه علي ضميري فضلاً عن أنه واجب شرعي وهو حق لها ... فهي بعدها على ذمتي لو سوت ما سووت .....وما أحب أكسرها من هالناحية ....أخلاقي تأبى أن أفعل ذلك ..


وبالنسبة لبنتي :

أنا لما أرد عليها بالرسالة اللي قلت لكم عنها ...بالعكس من غير المعقول أن يفهم من خلالها أن بنتي ورقة ضغط علي ...لأن مفهوم الرسالة اللي برسالها .....إذا ما تبي بنتي وتخليتي عنها....فأنا أبيها ولن أتخلى عنها والله لو قطعت قطعة قطعة ...وقادر على تحمل مسوؤليتها ...ولست أنا من آتاك بها ...وإنما أخوك ... ولا تحسبي مجيئها لك بطلب مني أو ضعف مني ....فأنا رجل أحمل من صفات الأمومة أكثر مما تحملينها أنت كإمرأة !!!



تحياتي.

كلام حلو أختي رازان :

طيب وش رايك في هذا النص المباشر والصريح :


( إذا ما تبي بنتي وتخليتي عنها....فأنا أبيها ولن أتخلى عنها ...وقادر على تحمل مسوؤليتها ...ولست أنا من آتاك بها ...وإنما أخوك ... ولا تحسبي مجيئها لك بطلب مني أو ضعف مني ....فأنا رجل أحمل من صفات الرجولة ما لن تريها في رجل آخر .... و أنا رجل أحمل من صفات الأمومة أكثر مما تحملينها أنت كإمرأة !!! )

طبعاً المقطع الأول الملون بالأحمر فيه مبالغة...بس أبي أحرك شعورها بخسارتي ..اما المقطع الثاني فصحيح 100%

يعني أرد عليها كذا ....

شكراً أختي الكريمة Beta2 وصل رأيك ... وهو محل احترامي.


تحياتي.

خليني اصور لك الوضع ، لو إني مكانها

رحت و سافر و لا اعطيت خبر لزوجي و طنشته و قلت بداخلي ، خليه ينقهر و ينحرق و يعرف إنه ماله كلمة و لا قيمة عندي
زوجي عرف باالموضوع ، و ما عمل شئ .. سكتتتتت

راح أقول دام إنه ما عمل شئ ، المرة الجاية راح أخرج من بيته من غير اذنه .. و هكذا


زوجتك ما شافت ردة فعل منك أو حزم بالأصح على طردها لك ، و لا على رسايلها ، و لا على سفرها

تجي ترسل لها مصروف ، و تجي ترسل لها رسالة ..؟؟؟
إنت اللي بتخرب بيتك بنفسك ، لإنك بتخربها بهدوءك

الطيبة لها ( وقت و مكان ) و الحزم له ( وقت و مكان )

تبغى اخوانها و لا امها يخاصموها و هم شايفينك ( هم كذا شايفين و فاهمين )
إنه عاجبك الوضع .. ؟؟؟؟؟

رسالتك لها ، هي اللي تبغاه

تبغاك ترد عليها ، علشان تستمر في تطنيشها لك و عدم احترامها لك

بأسألك سؤال و جاوب نفسك بصرااااااااااااااااااااااااااحة ، لا تجاوبنا نحن

لو بيوم لا سمح الله ، إنت مرضت و جاتك اعاقة لا سمح الله ،، أو خسرت وظيفتك لا سمح الله
أو كبرت في العمر و اصبحت عاجز ، برضو لا سمح الله

هل تتخيل زوجتك هذه راح تكون اول وحدة توقف معاك ؟؟؟؟؟؟؟؟؟
و لا تتخلى عنك و ترميك لأهلك مثل ما بتعمل مع بنتها ؟

قريب لنا يوم كبر و جاه السكر و قطعوا رجوله ، أول وحدة وقفت ضده هي زوجته
رمته و حطته في البدروم و صارت تجيب له واحد عامل هو اللي ينظف له الله يعزك
و كل يوم تبغى تتطلق منه علشان نفس الشئ ، اهلها مدلعينها
و أولادهم ما يطالعوا في الأب ، لإنهم مع الأم

أنا باقول الحكاية ، علشان من دحين تتفادى أي قلة أدب و احترام منها مستقبلا
الطيبة لها وقت و مكان ،، و الحزم له مكان برضو

لا تزعل من كلامي .. لكن الواقع يقول :
إن زادت الطيبة عن حدها ، اسمح لي .. الناس يعتبروها ( هبالة )
يا تطنننننننننننننننننننننننننننننش مرررررة ،، و لا ترسل شئ مثل ما قالوا الكل
يا ارسل لها ، و تحمل اللي يجيك منها .. لكن إنت اللي بتخرب بيتك بيدك وقتها


أخلاقك تأبى ذلك ، إذا كنت تتعامل مع ناس تقدر قيمة الأخلاق و تحترمك ..
مو يستهينوا بها .. و المثل يقول ، إذا اكرمت اللئيم ... إلخ ..

زوجتك اسمح لي .. ما تستاهل كل اللي انت تعمله و نحن متزوجات و عندنا اخوات متزوجات
و ازواجنا وو أخواننا يكرموا زوجاتهم مثل ما إنت تعمل .. لكن شايفين كيف زوجاتهم يستاهلوا التقدير
و السبب ، إذا بيوم غلطت على زوجها الوحدة .. بياخذ ردة فعل قوية