أنا شخصياً أفضل المصروف ، قبل أتزوج بفترة طويلة أبوي كان يتعامل معاي كذا أي شي أبيه يجيبه لي ، ويوديني للمكان اللي أبيه ويحاسب ، بصراحة ماكنت مرتاحه أحيان بشتري أشياء يشوفها أبوي تافهه بس أنا نفسي فيها وأوقات أحتاج شغلات نسائية ، أحتاج أشيل لي مبلغ للطواريء أو أجمع لحد مايصير عندي مبلغ وقدره وأشتري شي بذيك القيمة ، وبعد إلحاح وإقناع صار يعطيني مبلغ محدد كل شهر ومايعطيني غيره يقولي أكلك وشربك وفاتورة جوالك علي أما الباقي ملابس وكماليات وترفيه هذا كله من مصروفك تحتفظين فيه كامل أو تصرفينه كله هذا شأنك الخاص ، قبل ماكنت أحس قد أيش أبوي يصرف بس لما صار المصروف بيدي صرت أحاسب أكثر

__________________

وبدأت تحدي إنقاص الوزن الهدف إن شاء الله 55 كيلو

يا ريت بس ما كان يسرق من راتبي عيني عينك

__________________
امي حياتي

في رأيي المصروف أفضل لأنه فيه حريه أكثر أنا عن نفسي أحسها صعبه كل شوي أطلب زوجي فلوس تفسي تعز عليه بينما لما يكون بيدي مبلغ محدد كل شهر أنا حره أصرفه حسب إحتياجي مرات أدخل فيه جمعيه ويطلع لي مبلغ حلو أستفيد منه ومرات أشتري منه أي شي نفسبي فيه باختصار زوجي يعطيني مصروف شهري 1000

أنا انسانة مسرفة بكل ماتعنيه الكلمة من معنى .. لدرجة كانوا يقولون الله يعين اللي بيتزوجك ع مصاريفك !
أصرف وأبذخ وأشتري ولا يهمني المبلغ وطبعًا مو مني ع حساب أبوي هههههه ومكافأة الجامعة ما أرتاح أبدًا اذا ماصرفتها لدرجة اطلع للسوق واشتري فيها كلها واذا رجعت للبيت ولقيت فكة باقية منها أعطيها اخواني او الشغالة او السواق 😂

وتزوجت وانا نففس الوضع بالعكس زدت هبال مع زيادة الفلوس وكثرة الهدايا جاني هبال مو طبيعي .. وطبعًا زوجي كان يدفع ع أساس انه مامعي مصروف ..

وانا بصراحة كنت اقيس ع راتبه يعني مثلا مايضر لو اطلب تشيزكيك اخذه لصديقاتي ب300 من راتبه وبعده بيومين مايضرر اطلب لي بلوزه اون لاين سعرها كذا .. وبعدها مايضرر لما اعزم خواتي بكافيه .. وبعدها اكتشف اني صرفت مبلغ كبير !

فـ جاء زوجي وطلب انه يحط لي مصروف .. وبالبداية عارضت شلون وكيف ! المهم اتفق فاتورة الجوال عليه .. ومشتريات البيت عليه طبعا حتى جلسات الليزر .. ومبلغ 1000 ريال لطلباتي من الاكل بما اني غالبًا بالجمعات ما أسوي شيء دايما اجيب من برا ..

وجاب لي جدول بالراتب وحط كل شيء نصرفه من فواتير ومقاضي بيت وقرض الخ الخ .. بصراحة انصدمت صدق فتحت عيوني ! مايبقى من الراتب شيء كله بسبب الخربطة وحنا ورانا بيت ملك ومصاريف ثانية الخ ..

طبعا صرت اكثر حرص ع مصروفي .. الحمدلله المبلغ حلو بس صرت استغل وقت التخفيضات السنوية واشتري لو ببالي شيء .. قللت من الشراء وصرت اسوي بالبيت فرق اقل تكلفة .. وصرت اسوي لي جدول كل شهر شيء اوفره اذا بشتري شيء غالي او اذا بباشر ع احد او قطة او اي شيء .. صراحة صرت اعرف 😅

مممم تذكرت نقطة من كثر ما انا خلاص تعودت ع المبلغ ونظمت مصروفي ماطلبت من زوجي بعدها ابدًا حتى عيادة الليزر خصصت لها مبلغ من مصروفي حمدلله ..

وهدايا اهدي بسخاء حمدلله ولاحرمت نفسي .. حتى بنتي لما جبتها ماطلبت من زوجي يرفع المصروف مع اني اشتريلها دايما..

طبعا زوجي لما نطلع سوا هو يدفع حتى لو كان الشيء لي مفروض اشتريه من مصروفي .. فهالشيء خلاه يكبر بعيني وما احاسب بيني وبينه ..
يعني الرجولة والكرم والنبل غالبًا يجيب نتايج ايجابية معنا احنا يالنساء

بس المناسبات والاعياد وما الى ذلك يتكفل بها زوجي ..

يعني باختصار بالنسبة لي لما خصص لي مصروف واطلعني ع وضعه المادي وشاورني بصرفية البيت صار عندي مسؤولية وحسيت بالفلوس .

__________________
سبحان الله وبحمده ، سبحان الله العظيم

استغرب من اللي يقول اذا اعطيتها مصروف هي تحاسب ما تشتري
مو شرط ابدا
انا موظفه وقبل انزل من السيارة ادي زوجي المبلغ اللي باشتري فيه عشان يحاسب او حتى بطاقة الصراف او الفيزا ..

__________________

واجابةً ع سؤالك 😂
ع حسب الراتب مثلا من 5 وتحت 700 الى الف
من 6 الى 10 الاف 1500

من 11 الى 15 الفين الى ثلاثة

الى اخره


طبعا المصروف لا يشمل فاتورة الجوال وملابس الاعياد مثلا والزواجات القريبة والااشياء الاساسية ..
ويعتمد ع اعدد الابناء ..

__________________
سبحان الله وبحمده ، سبحان الله العظيم

بالنسبة لي مايعطيني مصروف بس الله يعطيه العافية مايقصر علي بشيء إذا بغيت أخذت منه او طلبت الشغلة إللي أبيها وهو يجيبها ..

بس إللي مستغربة منه إنه في زوجات يقولون إنهم تمنعهم عزة نفوسهم يطلبون من ازواجهم!! ليش طيب ماهو هو زوجك المسؤول على الانفاق عليك!!

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

أكيد الزوج مسؤل عن الإنفاق لكن تخيلي جاء بخاطري لبس معين اروح اقوله ابغى مبلغ عشان اشتري غرض عاجبني بعده بفتره احتجت شي ثاني كمان طلبت منه مااشوفها حلوه كل شوي اطلب لكن لما مصروفي معاي انا اوزعه حسب احتياجي الشهري لانه مرات الزوجه تبغى تشتري اشياء الزوج مثلا مايشوفها مهمه من وجهة نظره لكن لما اكون مشتريتها من مصروفي الخاص خلاص هو يحترم هذا الشي وما يتكلم حتى لو صرفت المبلغ كله في شغله وحده ف النهايه مصروفي وانا اللي احدد هذا مهم وهذا لا

الافضل اعطاء مصروف و لكن رمزي او بسيط لعلها تحتاج شيء بغيابه او تدخره مثل مبلغ 100 او 200 ريال
اذا الزوج موفر الاكل و الشرب و فواتير الجوال
ايش تعمل بالمصروف!
عدا ذلك تحتاج شيء تطلبه منه
طبعا هذا الكلام لربات البيوت فقط

اختي الله يوفقك ويسعدك يارب
انتي نبهتينا على شي مهم جداً
وهو تربية البنت في البيت على حسن التدبير قبل الزواج
لان كثير من الازواج تعبهم وكدهم يروح بكل سهوله وعلى حاجات فاضيه لان الزوجه ماتعلمت كيف تصرف وعلى ايش تصرف

اختي انا عندي اخوي وصل الموضوع بيني وبينه الى الزعل وحتى اني وصلت شوي واضربه على هذا الشي
اخوي راتبه كبير ماشاءالله راتبه حول الـ 30 الف وتصدقين الى الحين ساكن في ايجار!!!
تزوج وحده ماعمرها شافت خير تنتقه اول باول سفرات وغيره واذا سافروا طبعا مره الى مرتين بالسنه تاخذ اهلها معهم على حسابه وغير الهدايا والمصروف لهلها بشكل يخلي الواحد يحس بالغثيان
تخيلي 30 الف مايوفر منها ولاريال مايجي الراتب الثاني الا وهو مطفر
تكلمنا معه وفهمناه ان هاللي يصير ضحك
وكلمه اخوي الكبير جلس معه وفهمه وعلمه على كلمة مامعي وخلاه ياخذ قروض من البنك ويعطيها اخوي الكبير واشتراله ارض وبعدها بدا يعمر له وهي طبعا ميته قهر وزعلانه حتى انها راحت لاهلها
والحمدلله صحى من غفلته لما شاف الناس اللي حوله كلهم بيوت ملك وفلل واحس سيارات وعندهم رصيد في البنك وهو مايصدق ان الراتب الثاني يجي لانه طفران
والحين زوجته تكرهنا كره العمى

فـ الخلاصه ان المراءه لازم تفكر ان اللي توفره لها يكون لها ولعيالها يعني الرجال ماراح ياخذ معه شي لقبره وكله راجع لها ولعيالها