امس لما كلمته واقنعته قلت تعال وتفاهم مع اهلي والكل بيرحب فيك وهو يقول انا باقي افكر ولاوصلت لقرار يعني شهرين ولسى ماوصل لقرار او حل بيني وبينه

جيت حولت له فلوس وارسلت له قلت هاذي هديه مني حجزك واقامتك تعال واحطك ع راسي والله يلم شملنا
كلها نص ساعه ورحع حولها لي

اتصلت قلت ليه كذا قال ماهي معجزتني الفلوس لو بغيت حجزت وجيت قلت طيب
شوف ياابن الناس بكل محبه وتقدير الله يوفقك ويسهل امرك انا سويت كل شي لخاااطرك وشري قربك ورضاك حتى لو ع كرامتي دام وصلت لكذا الله يعوض كل واحد فينا وشوف طريقك ولاتخليني كذا الي انا فيه مايرضي الله وخلقه

تعذر قال انا مشغول خلاص قفلي اكلمك وقت ثاني
وع هالحال اذا قلت خلاص والله راضيه ننفصل يتهرب

مع العلم انه يسدد اجار الشقه وهي مقفله لو بنيته يبيع كان ارسل اغراضي وريح نفسه

لكن شخصيته عجززززززت استوعبها احس مافي رجال ع وجه ااارض بهذه الشخصيه

زوجته الي اعرفه انه كان قاسي معها وهي علبته بالسكوت وصارت الحين مثل روحه وقلبه يقدرها ولايرضى على زعلها
لي معه سنه زواج وحامل

يابنت الاجاويد طنشيه واثقلي الي كاتبه ربك بيصير هذا انسان شافك شوي تبوسين اقدامه من البكي والخوف والاعذار الي مالها لازمه وقام نفخ نفسه وكبر الموضوع اتركيه ولاعاد تكلمينه وادعي ربك يسهل امرك ويكتب لك الخيره المهم انك تجمعين قواك ولاتهتزين اكثر من هذا ....!

ابويه الله يطول بعمره على قيد الحياااه لكن رجل كبير بالسن ومقعد كليا ولايدري عن هالمشاكل كلها

عمري 30

الله يحفظه لكم
حاولي ان تجعلي احد من اخوانك او خوالك
او اعمامك رجل يكون ذو هيبه يجعل حل لمثل هذه الامور اما ان تكوني انتي مخطئه فتاخذي جزاءك او يكون هو المخطئ فيكون هنالك حد
في نظرتي الخاصه الزوج في جميع المشاكل التي يذهب بزوجته لبيت اهلها
اذ لم يجد من يناقشه من الرجال بسبب ترك زوجته هذه المده الطويله سوف يتمادى في المستقبل وحتى لو اتى الان واخذك معاه
التفاهم شي جميل بين الزوجين ولكن الجفا
والنفور يجعل هنالك كثير من علامات التعجب اما ان تكوني مخطئه بحقه فتركك عند اهلك او انه يعاني من مشكلة ما

ولكن اسأل الله ان يحنن قلوبكم ع بعض ويجعل بينكم الموده والرحمه

حركات زوجك تذكرني بحركات طليقي
صراحه ياصبري ذاك الوقت الله يجعلها تكفير ذنوب
كان يتعمد يستفزني وأنا أبرد من الثلج
بدال ماأنا اللي أتنرفز هو اللي من برودي يولّع
كان دايم يهددني بيكلم أهلي ويشتكي ولا بيفضحني عند أهله ويتبلى علي
وأنا ماأرد عليه لأني عارفه نفسي ماسويت شي
يهدد بالطلاق وبالزواج وأنا أسمع منا وأطلع منا ولا فيه أي ردة فعل مني
يرمي علي كلام جارح ويسبني ويسب أهلي والمشكلة نكون وقتها رايقين ومبسوطين
يعني هالشي مو من زعل ومره رايحين لأهله وأنا لي أسبوعين متزوجته قالي كلمة أخته نزلت راسها بالأرض حسيتها تمنت الأرض تنشق وتبلعها وأمه الضعيفة تطالعه مصدومة
طبعاً هو كان يحاول يستفزني عشان أسوي مشكلة وأطلع أنا بالشينة وهو اللي رايته بيضاء ويكون عنده سبب عشان يطلق بس أنا فاهمه عليه وماكنت معطيته اللي هو يبيه
كنت أتعامل معه ببرود وإبتسامه صفراء تخليه يفرفر بمكانه من القهر
لما عاد وصلت حدي ضفيت كللل قشي ورحت لأهلي و سحبت عليه
وهو شغّال إتصالات وأنا ماأرد يرسلي ويحاول يوهمني إنه تزوج وجابها في بيتي وأنا طنااااش
لما شافني ساحبه صار هو اللي يترجاني أرجع حتى عياله خلاهم يكلموني يحاولون معي
توقعت على تصرفاته معي قبل أتركه إنه من اليوم الثاني بيطلق
لكن إنصدمت من ردة فعله 6 شهور يحاول معي وكان بيجيب ناس يدخلهم بينا وكلم أبوي وأخوي عشان يتوسطون وجانا للبيت بيشوفني ولا نزلت له وحتى بعد عدتي أرسلي إنه باقي يحبني ويتمنى نرجع لبعض وغيرت رقمي
اللي فهمته إن زوجته الأولى غيوووور وهو يتعمد يثير غيرتها ويستمتع إنه يستفزها
ويفقدها ثقتها بنفسها ويخليها طول الوقت ماتحس بالأمان عشان تدور رضاه
وأتوقع لهالسبب تزوجني وتزوج غيري
وعلى باله هالأسلوب بيمشي معي لكن آخرتها خلعته
فوق إني مستحمله وصابرة على شي عظيم يعاملني بهالشكل!
الخلاصة إنتي معطيته جوه ومخليته يلعب بنفسيتك وهو مستمتع
النوعية هذي كل مابينتي له الحب ذلّك وطول عمره بيمارس عليك هالضغوط
يطنشك ، يهجرك ، يهددك بالزواج
الحل توقفين التواصل معه وحطيه قدام الأمر الواقع إن قالك بجمع أهلك قولي اللي يريحك
وطنشيه وبما إن أخوانك عارفين حركاته إنه شكّاي ماراح يعطون كلامه عنك أهميه
وإذا رجعتي له إشغلي نفسك عنه عامليه باللي يرضي ربي بس بلاش الحب الزايد
خلي إهتمامك وتركيزك بحملك والله يكون بعونك

اغلب اخواني شايلين عليه ومستنكرين تصرفه يوديني بيت اهلي ويسافر ولاحس ولاخبر ولاتكلم مع احد فيهم
ولما يسئلوني اقولهم يكلمني ومعلق الموضوع يقول اهلك يحلون المشكله
واحد من اخواني اثق فيه واثق ان اعصابه هاديه بيتحمل زوجي واسلوبه المسستفز وراح يكلمه
والله سبحانه يعلم اش ممكن يقول له بالمكالمه
هاليومين بيتصل فيه وراح اخبركم اش بيطلع معه
اما لو غدر فيني وفعلا ماعاد يبغاني ارجع فماراح اسامحه لادنيا ولااخررره على الالم الي سببه لي
وافوض امري الى الله
يشهد ربي وصلت اني اهين نفسي له ماابغى توصل لطلاق ولاابغى طفلي يجي ويكون يتيم بدون ابوه لكن اذا هاذي نيته ومخبيها لين يكلمه احد من اهله فحسبي الله ونعم الوكيل

ارجح لك ان يكلمه احد من اخوانك مثل ماذكرتي وان يطلبه ان يأتي في منزلكم
وان يتحدث معه بكل مايخصك ويخصه بحدود وان يفهم لماذا يعاملك هكذا
وبااذن الله هذا عارض بينكم وان شاءالله اموركم بسيطه ولها حلول
الله يكتب لك الخيره في امرك

دام طلع القرض اللي له فترة يكلمك عنه
فلا تستبعدين شي عنه
حطي أسوء الاحتمالات
باختصار زوجك عارف وش يبي وحاسم أمره من زمان
العلم بيجيك بعد العيد!

بعدين إذا دق على أخوانك عشان يجمعهم، يردون عليه إن مشاكلكم حلوها بينكم أنت رجال راشد وفاتح بيتين ، يعني قدها!

اطلبي وادعي الله ، بدل ملاحق هاللي بيجيب لك المرض
حامل المفروض هو اللي يراعيك مو أنتِ

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

ضيعتني العااطفه

اولا الله يعوض صبرك خير
وماشاء الله عليك عند قوة صبر وتحمل قدرتي تتحملي أذيه هالزوج وتصرفاته الطائشه

انا ماقدرت تحملت ع نفسي شهرين تخيلي من انسانه عصبيه حساسه وحاره لوحدة ضعيييييفه مكسورة والسبب هو
وهلفتره صبرت والسبب ضغط مادي حرمني من التمشيات واي متعه بلحياه حتى لو خاطري بشي ممنوووووووع

صار يساومني في حقي الشرعي يقول تبغين ادفعي ياحلووه مافي شي ببلاش
سالته مره بكل هدوووء انت تسوي كذا في بيتك الثاني
كانها فرصه وجااااااته لين عنده سبني وشتمني وانتي ماتوصلي مواصيل زوجتي ولاتسوين ظفرهاا وووو
قلت لااله الا الله من جاب سيرتها سالتك بشكل عام
قال ايه انام بغرفتي ومع زوجتي وهي ماعندها فلوس ولاراتب

شهرين جاتني حاله اكتئاب في دوامي اي احد يكلمني او يقولي كلمه حلوة انهار من البكى
كسب فيني ذنب والله
وعدت هلمرحله لين صار عنده عزة نفس وفلوسك مبغاها
قلت انا واثقه فيك والدليل صرافتي انت الي تسحب لي لو اروح مول واقضي يجي عند الشبكه ويدخل الرقم السري وكانها له والامر هااادي

انا صبرت بس ضغطني لين انفجرررت من الالم
والله مايخسر شي لاقال كلمه حلوة وخاف الله فيني والله اني مااصدق اشوف ابتسامته وهو يحس بفرحتي فيه
بس اكتشفت انه يحقققققققد وقلبه اسود لكن وش اسوي هذا نصيبي

حبيبتي
اثقلي واسحبي عليه
بيجي يشتكي خل يجي وش مسويه يعني انتي عسان يهددك
اهتمي بنفسك و البيبي وانبسطي عند اهلك