المشاركة الأصلية كتبت بواسطة متفائله200

السلام عليكم ..

إجازه سعيده للجميع يارب ..

بدخل في الموضوع طفلي عمره 5 سنوات عندي إحساس انه تعرض للتحرش قبل يومين بالضبط
انا حريصه جداً جداً ع أطفالي ومااتركهم مع الاطفال بعيد لوحدهم حتى اذا جلسو في الحوش افتح الشباك كل شوي ولو في طفل في عمر 9 وفوق ماارتاح له مستحيل اترك طفلي ابو 5 سنوات يروح معاه او يجلس معاه

الي حصل انه سار جمعه عند أمي صح نسيت مااقول انه انا عند اهلي حالياً وتجمعو اولاد الجيران وفي طفل عمره 12 له سوابق مع اطفال في عمر ولدي أمه عندنا في الجمعه

المهم جلسو الاطفال لوحدهم فترة العصر ناديت عليهم مره وحده مو بالعاده اروح لهم كل شوي
بعد المغرب ناديت ع اولادي يتحممو ويدخلو ع غرفتهم وطفلي مره مو طبيعي مشيته ماهي طبيعيه ولما سألته حط يده ع طرف فخذه من ورى يقول طحت عليها ماصدقته حاولت اكشف مااعطاني مجال ويحط يده مكان بعيد حول فخذه تكلمت معاه بهدوء في أحد فسخ ملابسك قالي لا مع العلم انه ولدي ذكي مرره وكتوم وعلاقتي معاه مره قويه واكتشفت من قبل انه مو كل شي يقوله لي
خرجت معاه في نفس الليله ملاهي وقلت له اذا عندك سر قوله لي قبل ماتلعب وحطيت أذني عند فمه وصرفني قلت طيب في أحد ضايقك فسخ ملابسك وبكى قال لا مااحد
ونام في السياره وصحيته للالعاب واصابعه في فمه واذا طلع لعبه يحبها أساله حبيبي في أحد سوى لك شي وبرضه ينفي
المهم الطفل جاته سخونه البارح واليوم
وامس العصر طلعت معاهم الحوش وقامو يجروا وهو يحط يده ورى ويقول تعورني قلت ليه من ايش يأشر ع كرسي في الحوش انه طاح منه ع الارض ع انهم ماكانو جالسين هنا في يوم الجمعه كانو في جهة ثانيه من الحوش مسكته وقلت تعال احط لك علاج مكان الالم وتفاجئت انه المنطقه حمراء ومن اسفلها في زي التشقق بس للتوضيح الطفل احياناً يعاني من إمساك لكن التشقق الي حول المنطقه شككني انه بسبب تحرش

الطفل البارح واليوم مسخن وعصبي واليوم حممته وسالته في واحد تكرهه ماتحبه قال ايوه فلان وهو فلان الي له سوابق عمره12 سنه قلت ليه تكرهه قال مادري
أنا نفسيتي زفت مررره أبغى أمرمط الولد وأخذ حق ولدي بس ولدي مو راضي يعترف ساعدوني ايش العمل ؟؟؟
كاتمه في قلبي وماني عارفه كيف أتصرف
لا أحد يلومني أنا حريصه جداً جداً ع أطفالي حتى في ولادتي الاخيره أعطيته اخويه المتزوج وقلت تمشى فيه حتى أولد وجيبه اذا نزلت التنويم لاتتركه عند اهلي بسبب خوفي عليه من اخواني المراهقين رغم ثقتي فيهم لكن الشيطان مايقصر ....