1 ــ لأنه في الغالب المرأه عدوة المرأه
2ـــ جلد مو جلدك جره على الشوك

كلامك عين الصواب ..
والحل مثل ما ذكرتي بان يرد هو عليهم لا ان يجعل زوجته ترد عليهم ..!

نعم قد يكون كذلك ..

[QUOTE=مسز داني;3283501]ثقالة دم منهم ان وجدت
و عليه. على الزوج ان يعطي زوجته
الضوء الأخضر للرد عليهم
بما يناسبهم[/C [/QUOTE

هذا اكبر غلط ..!!
ويسبب حساسيه ..

أستغربت هذا ردك .!! مافهمت بمايناسبهم ..قد يكون لك وجهة نظر اخرى ..

__________________
كن ثرياً بأخلاقك , غنياً بقناعتك , كبيراً بتواضعك ..

الاول قد يكون صحيح..
واما الثاني ..هذا المثل يمشي على الرجل والمراءة مالها علاقة بالموضوع ..
ولا انا غلطان .!!!

__________________
كن ثرياً بأخلاقك , غنياً بقناعتك , كبيراً بتواضعك ..

فليكا
ليش خليتي الزوجة هي قائدة المعركة؟! ( حتى لو كان الأغلب!!)
مو ممكن مالها في الشر والأذية فعلاً ، والجانب الآخر متفنن ومتمرس؟!!

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

والله عمري ماشفت ولا سمعت إن أخوات الزوج يسمعون مرة أخوهم هالديباجة !! أووكي في بعض العوائل مايحبون مرة ولدهم ولا مرة ولدهم تحبهم شعور متبادل من الطرفين لكن تلاقيهم الغالبية يجاملووون بعض كنوع من النفاق ( نافق تعيش جامل الناس تنحب )

__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔

السلام عليكم .. شخباركم
عجبني هالموضوع وقلت خلني ارد عليه ..

اممممم مدري بصراحه وش بيكون موقع كلامي من اعراب الموضوع لكن
ابقول ان الامور كلها تكون حسب التفكير او حسب تقبل الموضوع

وحدة من خوات زوجي دااااااائماً دعاها لاخوها اللي هو زوجي دائماً بهذي الصيغه
(( الله يزوجك )) .. قدامي طبعاً وبطريقه ماكرة لاثارة غيرتي بس ماعمري فكرت في انها
جادة هي دايماً تمزح ومزحها كذا .. وبالتالي انا مستحيل ازعل او تهتز فيني شعره او اذا رجعنا البيت اقلبها ع راس زوجي .. لا مستحيل .. ليش؟
لان اولاً ادري انها مقصدها الدعابه اولاً واستشفاف ردي وغيرتي كيف بتكون
ثانياً لاني واثقه من نفسي ومن زوجي ..

آخر موقف صار .. رحنا عمره في رمضان واخته ذي معنا وحنا بالسياره نتجاذب اطراف الحديث
قالت لزوجي بعد ما تهاوشنا انا واياها ع كوب قهوه [[ هواش ودي وبريء ولطيف يعني ]]
قالت يابو فلان انا خلاص قررت ازوجك والمهر من عندي وانا اللي بدور لك عروسه .. قال يعني بس البس بشتي واجي عريس قالت ايه بس .. قلت لعمتي كانت معنا اشهدي ياعمه والله ثم والله اني راضيه وموافقه بس تدفع هي المهر من جيبها عطيه ما يكون سلف ولا تسأل عنه بعدين .. قالت اشهد .. قالت اخت زوجي هيه انت ترى ترجع لي الفلوس بعدين بيني وبينك قال لا وش دخلني انتي تبغين تزوجيني وتدفعين عني المهر .. قالت انقلع وانا وش استفدت كذا .. قال مدري عنك انتي اللي اقترحتي قالت روح جعلك ماتعرف غير ام فلان ياناكر الجميل قال انتي روحي دوري لك عريس بدل ما تنشبين بينا وقاموا يتراددون وانا اضححححححك ..


شوف .. خوات زوجي بنات جداً بسيطات وطيبات ويتعاملون معي بعفويه وطيبه زايده
عشان كذا انا بالمقابل اتقبل كل شي منهم ولو احس بخبث او مؤامرات من وراي اكيد باصير اتصيد الكلام واحلل وافسر وانكد عيشتتي وعيشة زوجي بس لا النوايا صافيه ..


اتمنى ان ردي ماخرج عن اظار الموضوع

__________________
استغفر الله العظيم وأتوب إليه .. سبحان الله ..الحمد لله.. الله أكبر

^

لأنه مو جلدهم يجرونه عادي

الحمد لله ما صارت مره لا مني ولا من اخواتي ...اصلا ما صار في بالي اقول كذا
بس بالفعل حرب بارده ..المشكله ان الاخو او الزوج يزيد الحرب من بينهم بدل ما يهدي االامور ..
فتصير الاخت تكره الزوجه والاخ معا ..وتعتبرهم شخص واحد ..
الزوجه مرات تعمل حركات نص كم وتشوف نفسها على امه واخواته..فنظرد ان نعطيها ما تستحقه .ونعرفها مقامها ..
مثلك يا الزوج \الاخ لما زوجتك تشوف نفسها عليك ..
فاذا ما ترضها على نفسك ...اخاوتك بعد ما يرضون على نفسهم

الغيره موجدوه في كل النساء وبنسب
هذي تغار والزوجه تغار ...
لكن الفرق الوحيد ..
ان غيرة الاخت او الام ..ما تدارى ,,ولا تنرحم ..
في حين غيره الزوجه ...تداري ...
يا اخي امك تغار منك لانه ما عمرك عبرتها بهديه .وهي ربتك وكبرتك ..وتجي زوجتك تعطي وتعطي ..وتهدي وامام امك ...يا اخي طبيعي يحز في نفس الام ..
يا اخي...اجبر باخطرها بهديه لو مره وحده !! امام زوجتك
امدح طبخها ...امدح عباتها ولبسها مره ..
ارحم اختك ...مره بهديه او مدحها .لبسها مثلا او ذكائها امام زوجتك ..
بدل ما تهين زوجتك امام امك واخواتك عشان ترضيهم وتكسر غيرتهم
بالعكس انت كذا جرحتك زوجت ..امامهم ...وشجعتهم عليها
اعكس داريهم ..امك واخواتك ...ونفس الوقت زوجتك واحترمها

يارب اني ما اكون منهم ان شاء الله اكره هذي النوعيه من الحريم وربي حتى لو مزح مفروض الوحدة تمسك لسانها حتى لو اخوها في جحيم مالها دخل تتكلم معه وتخببه وتحلي الزواج وبنات الناس عنده

اقسم بالله العظيم انها حصلت لوحده اعرفها شخصيا وتضررت اشد تضرر من هذا السالفة
حيث عمدت اخت الزوج الله يسامحها برغم انها عاقله وام عيال على الزن في راس اخوها وانه يستحق افضل من زوجته اللي متعباه وفعلا خطبة له اخت زوجها بنت شابه وهو ابو سبعه عيال وتزوجها وخربة بيت اخوها وطلق زوجته الاولى ام عياله وتشتت البيت نص عياله مع امهم والنص معه والله يعين طليقته الى الان مطلقة من 15 سنه

__________________
الحمد لله الذي جعل بعد العسر يسرا... و بعد الضيق فرجا... و بعد الغم راحة ...وبعد الفراق عودة
« الْحَمْدُ للّهِ حَمْداً كَثِيراً طَيِّباً مُبَارَكاً فِيهِ »