اختي المتفائلة
أودّ ان أهمس في أذنيك ولكل زوجة موظفة ان زوجي كان طيب و وفي لكن المال جعله يتبطر علي ونسى ان المال هذا بفضل الله ثم بفضلي ياختي القلوب تتقلب فلقد تقلب قلبه وكنت انا السبب بمالي هذا وبرغم فقره كان عطائي متدفقا لكن لانني أخلصت له وكنت حبيبة ووافية معه فلقد خسرني العمر كله
اشكر لك تفاعلك

انا زوجي من النوع الي عزيز نفس نوعاما يعني اتوقع لو اني مسويه نفسي كريمه واعطيه اكيد بيسوي السوايا
المهم اني ماقد عطيته شي كبير وهو مايطلب مني شي وبعد سنوات طلب اطلع قرض نشتري ارض هو دفع شوي وكتبها بالنص بينا على اساس دين وبيرجع راح باع الارض بربح وبدال مايسدد دينه الي علي راح تزوج بهاالفلوس علي تخيلو ووش يقول مااكلت فلوسك برجعها طيب رجعها الحين طبعا مايقدر لان اذا سددني معناتها مايقدر يتزوج وحسيت بالقهراضعاف مضاعفه لاني اعتبره تزوج علي بتعبي ودعيت ربي ينصرني عليه والحمدلله ربي نصرني باشياء كثيره بردت خاطري وطلق بعد سنه تقريبا وطبعا رجع فلوسي بس وش بعده وانا من الاول يوم اسلفه لاني واثقه موب اكل حقي ومع ذلك شوفي وش حيلته صراحه مستحيل تلقين رجال بيحب زوجته علشان انها عطته فلوس بالعكس لانها عكست اوامر الله وهي انفقت وعطت بداله وهو الي امره ربي كانت النتيجه ويل وثبور وعظائم الامور والسعيد من اتعظ بغيره 😆

اختي الغالية لله درك من زوجة وستشاهدين ذله ونصرك لانه ظالم وسخر مالك بقهرك فلن يبارك الله في زواجه وفي ماله
اشكر لك مشاركتك الفعالة

قصتك تقققققهر
لو اني مكانك وجعلي ما اكون مكانك كان قلبت الدنيا عليه

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

ماعرف الصراحة قصة محددة لكن اسمع حريم يدعوا على ازواجهم وبياخذوا حقهم ف اﻻخرة يعني كمية حقد وكرة كبيرة ويكون مالها احد اسباب الكره و الغريب انهم متزوجين طيب كيف عايشين مع بعض باسم الزواج اللي كله موده ورحمه و بينكم كل هالمشاعر السلبية

والله اكبر غلط
الا اذا كان الرجال
رجل بمعنى الكلمة

انا زجي كان يعتبر مساهمتي ف راتبي اهانه له

و انا ما كنت حاسة
و يقعد ينكد عليي كل شغلة اريد اسويها براتبي
و يرفض اي مقترح اريد اسويه براتبي
حتى هدايا اهلي يحاسبني عليها بس بطريقة غير مباشرة

لحد مرة طفشت و صارحته
قال لي انتي تحسبيني مب ريال ما اقدر اصرف عليج
قلت له والله ما اقصد اهانتك لكني كلبت منك نسافر العمرة و رفضت بحجة المصاريف
و قمت انا جمعت من راتبي مبلغ حلو نسافر فيه العمرة و رفضت

انا كنت اطلب منه اشياء عادية ما تكلف الف الفين درهم و يرفض
يقول ما عندي فلوس
اقول له انا بدفع اهم شي الوناسة و النفس الطيبة يرفض
اقول له انت عليك ديون و انا مقدرة هالشي
بس مب معناته اعيش بالفقر و الحرمان و حسابي ف البنك مليان
بس علشان انت ما عندك فلوس انا اعيش بنكد
و كل شهر صرنا نتكلم ف هابموضوع
والله اني انتظر اخر الشهر علشان اسحب راتبي و استانس طلعات و كشتات و سوالف
و هو رافض
يقول انتي تذليني و تهينيني لما تقولي كلمة راتبي فلوسي
اقول له انا اقصد المبلغ اللي تعطيني الحكومة مقابل تعبي ف الوظيفة ما اقصدك انت
و هو رافض
يقول لي دامج تقوللي فلوسي يعني تهينيني
و على هالحال
و استقلت
و اكلنا اجود انواع التبن و الحمد لله
راتبه يخلص عقب يومين
بس انا مرتاحة لاني كنت اشتغل و ينزل لي راتب بس مو متهنيه فيه

لا حول ولا قوة الا بالله.. الله يفرج همكم
أتوقع الزوج اذا مرتاح مادياً
يخف التعاون المادي بين الزوجين وتقل ذي
المشاكل او تنعدم... والله أعلم..
والله يصلح حال الجميع..

بنت حميد قصتك عجيبه يعني تصرفين على كماليات يعتبرها اهانه منطقه غريب
عاد انا الي ارفضه وبشده ان الحرمه تساهم بالاساسيات مثل الاكل والفواتير والاجار ولا مثل ابي اسافر وهو يرفض لاي سبب سواء مادي او نفسي فانا صراحه ابدى ماعلي راحتي ادفع ومبسوطه بعد اجل وش الفايده اشتغل واغث عمري علشان اكنز فلوسي لا طبعا بانبسط فيها لكن لاشياء ترفيهيه اذا ماوفرها لي او اتصدق او اهدي ولااشاوره اصلا بالهدايا او الصدقه ولااعلمه استغرب من بعض الحريم حتى اذا بغت تعطي اهلها تروح تقوله كانها تستاذن منه وتستغرب ليش يرفض يرفض لانه فهم منك انك تشاورينه وحس انك ضعيفه اذا قعدتي تترجينه واستقوى عليك يعني باختصار مايتسلط الرجال على فلوس الحرمه ويتحكم الا بسببها هي عطته الضوء الاخضر

انا زوجي اشترى الارض وكان باقي عليه مبلغ كبير حق البناء
وطلب مني اطلع قرض فوافقت بشرط يكتب ورقة تظمن حقي فصارت مخاصمة كبيرة وزعل مني وقال بعد هالعشرة تخافين اخذ حقك
المهم بعد استخارة طلعت له قرض تجنبا للمشاكل ولانه يستاهل
راح كتب الارض والبيت بأسمي واحرجني باخلاقه وقال لي انه في حال صارله شي يصير اظمن حقي بدل ما اتهجول في المحاكم

الله يحفظه ويطول في عمره
المهم يا حبيبتي الوحدة مع العشرة تعرف زوجها هل يستاهل ولا لا
مثل زوجي خلاني اندم على اليوم الي اطلب فيها ورقة اظمن حقي

حبيبتي هذا زوج يخاف الله اراد يحلل نفسه ويبرئ نفسه من حقك فالله دره هو وأمثاله ومن يتق الله يرزقه من حيث لا يحتسب