متى يجي هذا اليوم ؟؟ لأني أحس بطولة غيابه ,,

الحقيقة أنا ما ودي أتنازل عن مبادئي .. ولا أريد أن تكون مبادئي سبب الفجوة بيني وبين زوجتي ,,

يعني ممكن أخلي مبادئي مرنة شوي ومقننة ,, لكن إلى الآن ما عرفت طريقة مناسبة ,,

أشار علي بعض الأفاضل بأن تكون الملابس ( غير الثياب )في البيت فقط ,, وعجبتني الفكرة ,,

شاكر مرورك ,,

هههههههههه والله شقولك ياخوي ،، انا من مشجعي تلفون بو كشاف احنا نسميه بالبحرين ( بو ليت ) ضحكت لاني انا اقول مثل كلامك وفعلا عندي قناعه ان التقنيات تاخذ من الوقت ولو اقولك ان التاب اللي ماخذته هو بعد اصرار اهلي
ومحاولتهم اهدائي واحد من هالموبايلات على بالهم ماعندي بعد ما اخذت لزوجي لانه راغب فيه بعكسي و بالنهاية اتركه لبنتي وافضل اللابتوب ..

طبعا استخدام هالامور حلو ولكن ما اشوف انه من الاساسيات! وانه بدونه الانسان يبقى بدون شخصية ! ،، اوصل هالمعلومة لزوجتك وعبر لها عن قناعتك بهالاموضوع وقولها اذا انتي رغبانة اشتري لك من عيوني اما انا مو حاب ومالي عازة فيه وبجذي راح تفهم انك مو بخيل وانما مجر قناعات مش مجبر ترضي الناس..

بالنسبة للملابس ،، انا اقولك ارضيها يا عم بس بشرط! قولها انتي اشتري لي على ذوقك واذا عجبني البسه والا لا .. هني راح توصل لها نقطتين اولهم تلبي رغبتها وثانيها قوة شخصيتك وثالثها عدم بخلك على نفسك ... فلازم تروح معاها وتشوف اختياراتها وتدخلها بعالمك وتخليها تشاركك اختياراتك حتى لو انت مو مقتنع فيها ..

بالنسبة للشخصية ،، فيه كذا موقف تقدر تحسسها بقوة شخصيتك واحلى واجمل واقوى موقف هو غيرتك عليها! طبعا مو تسويها على ارض الواقع ههههه يعني حسسها بكلامك فمثلا وانت راجع بيتك وقاعد مع زوجتك قولها قصة عن احد زوجات زملائك وتعرضها للمضايقة في موقع معين او على الهاتف واذكر لها ان لو يصير لزوجتك لعملت عمايل بهالشخص وماخليته والخ او تقدر ببساطة تمتدح جمالها وتحسسها انك تغار عليها ..

بالنسبة لكلامها ان اللي مايتضارب مع احد يكون عنده مشكلة نفسية ،، الجواب لها بسيط وقوي .. قولها تدرين ليش انا ابتعد وما اتضارب مع احد؟؟ لاني اذا عصبت عادي يصير مالايحمد عقباه بدون ما احس على نفسي لهالسبب كنت اخزي الشيطان وابتعد احسن من تصير مصيبة ...

اخوي ،، اللي يحصل بينكم طبيعي وهالشي سببه فراغ زوجتك و السبب الاخر عدم وجود الاطفال اللي يشغلونها وبنفس الوقت تنتقدك لان هاذي طريقتها في محاولة جذب اهتمامك اكثر ...

احي فيك أحترامك لرغبات زوجتك لكن لي تعليق ما تراه انت غير ضروري هي تراه ضروري

__________________
يارب أحفظ لي طفلتي ولا تبتليني بفقدها

شاكر ومقدر ,,

أنا عندي شيء ملازمني ,, كثيرا ,, وهو أكتفي من الضروريات بما يسدها فقط ,, ولا أزيد ,, وغير الضروريات لا تهمني كثيرا ,, يعني ما أضرب لها حساب ,, جات جات .. ما جات عادي ما تفرق معي ,,

وهي لابد أن تكمل الضروريات وغير الضروريات بأكثر من طريقة وأكثر من وجه ,,




شاكر ,,

من حقها إنك تلبس لها جنز وحركات راح تنبسط وهي شايفتك باللبس الحلو الحديث
ولا مانع إنك تشتري جوال جديد مع بقاء القديم لديك
وياليت تنبهها وتقول الله لايبارك في التقنية اللي تشغلك عني

وعليكم السلام ورحمة الله وبركاته ..
مرحباً أيها الأستاذ الكريم ، هذا الرابط يحكي عن ماتعيشه أنت وأصلح الله حالكما ..
http://www.66n.com/forums/showthread.php?t=249787
إذا لاتفتح الصفحة الأولى معك غير المتصفح الذي تستخدمه وسيفتح معك ..

جزاك الله خير ..

بالنسبة للبس ,, كلمتها ,, ووافقت إنه يكون في البيت فقط ,, مع ابتسامة صفراء منها هههههه تخطط لشي بعيد , الله يستر ,,

الجوال ,, لا ,, ,, ما أبغى يكون معي جوالين ..

شاكر ,,

اطلعت على الموضوع ,, لا يحكي ما أعيشه ,,

لم تصل لتلك المرحلة ولن تصل ,,

شاكر ومقدر ,,

أعتذر على فهمي الخاطىء أيها الأستاذ الكريم ..
وعليكم السلام ورحمة الله وبركاته ..
جميل جداً ، التنازل من أحد الطرفين من أسس نجاح العلاقة الزوجية ..
الحمدلله رب العالمين ، وفقكما الله لكل خير ..