لا علاقة لحسن الظن أو سووئه هنا يا سقيا.

قصدكِ واضح .. وأنتِ تعيدينه هنا في ردكِ هذا.

أنتِ ترين أنها يجب أن تعرف .. بغض النظر عن مرضها. . وأنا أقول بأن مرضها سيزيد ألم الصدمة ويعمّق شعور الوجع والانكسار والنقص.

..................

عزيزتي دانة..

أن رأيتِ أنه فرصة لا تعوض فاستخيري وتوكلي على الله .. ولكن لا تقبلي رجلاً بدون أهله مهما كانت مميزاته.

لا يكفي أن يقول بأنه سيخبرهم .. يجب أن يكون بعضهم حاضراً معه خلال الخطبة وعقد القران.

__________________


اللهم طِيبَ الأثر .. وحُسْنَ الرحيل.

الرجل من حقه ان يتزوج في هذه االحالة ، فحاجة الرجل للمرأة كحاجته للاكل والشرب ، والمرأة في وضعها الحالي بالتأكيد لا تستطيع تلبية طلباته ، وهو لايريد اخبارها مراعاة لمشاعرها.

واعرف شخصيا احد الاشخاص تزوج في ظروف مشابهه جدا لحالة الاخت .

توكلي يا اختي لكن تأكدي من موافقة جميع افراد اسرته ويجب ان يحضر احدهم عند اتمام عقد النكاح

وهذا اللي بيصير فديتج ما راح اتنازل عن هالشرط يكفي اني تنازلت عن موافقة مرته وعلمها بهالزواج خوفا عليها والله .. والله يجيب اللي فيه الخير بشوف شنو يصير هالايام وبقولكم اول بأول .. جزاكم الله كل خير عني خففتوا علي وايد من التفكير

هلا فيج اختي مثلما ذكرت هله كلهم عايشين برا وأكيد هو مأكد عليهم ما يوصلون لها خبر حجته انه ما يبي يكسر بخاطرها وهي مريضه وبتمرض اكثر .. وأكيد ان شاء الله راح نسأل عنه وايد المسأله حياه وزواج .. وتسلمين حبيبتي ع دعوتج الله يوفق الجميع ان شاء الله .

استغفرك يارب ماودي اقول هالكلمة ولكن بقولها :
ماكان قادر ينتظرها لين ماتموت؟
يكفيها عذاب المرض وبعد يعذبها بزوجة ثانية؟
خلوها تموت بسلام 3/>

خلوها تعيش بسلام

يمكن يكون عمرها اطول من اعمار كل الي حولها

لكن لا يجتمع عليها هم المرض و الم زواج زوجها

اعملوا الي تعملوه لكن بعيد عنها
يا اختي اذا شايفاته مناسب في هذه الحالة بالذات مو ضروري يعرفه اولاده و خلوا الامر في اضيق الحدود

والله هو انسب واحد من اللي اتقدموا لي واغلبهم متزوجين .. تقريبا كل اللي يتقدمون يكونون متزوجين وهم مب قابلين يوفرون سكن مستقل عن الزوجه الاولى .. ترا انا صار لي ثمان اسنيين وانا رافضه فكرة الزواج من متزوج بس الحين خلاص احس هذا مرتاحه له وايد من عقب الاستخاره والعمر يمشي ولو انا ما قبلت فيه وحده ثانيه بتقبل وما اظن بيجيني واحد مثل مواصفاته ما شاء الله عليه رزين ولبق ومن عيله محترمه وشغلته زينه وسمعته لين الحين تمام من اللي وصلنا والحمدلله تقريبا الكل يمدح فيه وفي اخلاقه .. وبالنسبه لزوجته ااكد لكم اني وحده ما ابي لها الا كل خير ما راح اتدخل بحياتها خير شر حتى لو تعافت هي لها حياتها الخاصه وياه وانا لي حياتي

بسم الله عليها اختي ربي القادر انه يشافيها ويعافيها .. هي المسكينه الحين في صراع ويا المرض ويبي له وقت يا انها تشفى او ترد حالتها ترجع للأسوء وانا والله ما ابيها تعرف خير شر بزواجي منه لو ربي كتب لي النصيب وياه ما ابي اضرها بشي .. ليش اتحسسوني انا قاعدين انسوي جريمه وهو ما طلب غير الحلال

السلام عليكم ورحمة الله وبركاته ..
أختي الكريمة الله يرضى عليكِ انتبهوا لحال المريضة وهذا الأهم ، لاأريد أن تكوني أنانية
رُبما بنفسية تدمرها انتبهي ..
خذي التفاصيل عنه كي لاتعيشي كذلك حياة في عذاب ..
وفقكِ الله لكل خير ..

وعليكم السلام والرحمه .. اكيد فديتج حاطه بالي من هالشي والله العالم بنيتي عمري ما فكرت اني راح ارتبط بمتزوج بس هذا نصيبي واللي ربي كاتبه لي .. اعتقد لو هي كانت مب مريضه جان شرطت عليه يعلمها بس عشانها مريضه تنازلت عن هالشي .. والحمدلله لين الحين ما وصلنا كلام يخالف عن كلامه .. والله يقدم اللي فيه الخير .. تسلمين ع الرد والنصيحه جزاج الله بكل خير ورحم الله والدينج